Հա
11/01/2017 - 12:25

Եւ ահա մենք

Հիմա, արդէն կարող ենք լիաթոք ասել՝ ԵՒ ԱՀԱ ՄԵՆՔ:

Արդէն մէկ շաբաթ է, ինչ Ձեր դատին է յանձնւած «ԱԼԻՔ»-ի նոր կայքը:

ԱՐԱՄ ՇԱՀՆԱԶԱՐԵԱՆ

Հիմա, արդէն կարող ենք լիաթոք ասել՝ ԵՒ ԱՀԱ ՄԵՆՔ:

Արդէն մէկ շաբաթ է, ինչ Ձեր դատին է յանձնւած «ԱԼԻՔ»-ի նոր կայքը: Անցած մէկ շաբաթւայ ընթացքում կային տեխնիկական որոշակի խնդիրներ, որոնց կարգաւորումը պահանջեց ժամանակ, ջանք, եւ իհարկէ Ձեր համբերատարութիւնը, որի համար հայցում ենք Ձեր ներողամտութիւնը:

Մեր նոր կայքը կոչւած է բաւարարելու ժամանակակից առցանց, նոյն ինքը՝ ՕՆԼԱՅՆ լրատւութեան պահանջները, առանց որի կայքի վերաթարմացումն ու տեխնիկական վերազինումը կը դառնար ինչ-որ տեղ անիմաստ եւ ինքնանպատակ:

Նոր կայքը, թէեւ «ԱԼԻՔ» օրաթերթի օրգանական շարունակութիւնն է լինելու, սակայն, այն գործելու է անկախ՝ փորձելով իր այցելուներին տրամադրել օնլայն՝ «Live» լրատւութիւն:

Մեր նպատակն է հասնել օրեկան 8-10 ժամ օնլայն լրատւութեան հնարաւորութեան, որը, ընդունենք, որ մեր սահմանափակ հնարաւորութիւնների պարագայում չափազանց հաւակնոտ եւ պատասխանատու ծրագիր է:

Մենք, սակայն, այս պատասխանատու պարտաւորութիւնը ստանձնել ենք՝ իւրացնելով օրւայ պահանջն ու անհրաժեշտութիւնը:

Թէ ինչքանո՞վ  դա կը յաջողւի մեզ՝ ցոյց կը տայ ժամանակը: Սակայն, վստահ ենք եւ հաւատում ենք, որ Ձեր աջակցութեան շնորհիւ մեզ կը յաջողւի իրագործել մեր առջեւ դրւած նպատակները:

Մենք անշուշտ բաց ենք լինելու Ձեր դիտարկումների, նկատառումների, առաջարկների եւ անպայման քննադատութիւնների առջեւ՝ գիտակցելով, որ առանց դրանց գործը ինյչ-որ տեղ այն չի լինելու, մի բան պակասելու է, չի ստացւելու:

Մենք բաց ենք լինելու նաեւ այն բոլոր ընթերցողների առջեւ, ովքեր կը ցանկան թղթակցել կամ աշխատակցել կայքին (Հաշւի առնելով անշուշտ մեր ընդհանուր քաղաքականութիւնն ու չափորոշիչները):

Այնպէս որ՝ մեզ եւ Ձեզ սապսւում է ծանր, բայց միեւնոյն ժամանակ արդիւնաւետ աշխատանք: Ուրեմն շարժւենք առաջ...

 

 

Յարակից լուրեր

  • Իրան-ԱՄՆ յարաբերութիւններ. Կը կայանա՞յ արդեօք քաղաքականութեան շրջափոխում
    Իրան-ԱՄՆ յարաբերութիւններ. Կը կայանա՞յ արդեօք քաղաքականութեան շրջափոխում

    Ֆրանսիայի միջնորդութեամբ, Ռոհանի-Թրամփ հաւանական հանդիպման, եւ դրա արդիւնքում Իրան-ԱՄՆ յարաբերութիւններում հնարաւոր դրական տեղաշարժի վերաբերեալ ոգեւորութիւնը շատ արագ մարեց, Իրանի նախագահ Ռոհանիի եւ ԱԳ նախարար Զարիֆի յայտարարութիւնների եւ մեկնաբանութիւնների ֆոնին:

  • Կը յաջողի՞ արդեօք դիւանագիտութիւնը
    Կը յաջողի՞ արդեօք դիւանագիտութիւնը

    Իրանի ԱԳ նախարար Մոհամմադ Ջաւադ Զարիֆի անակնկալ ուղեւորութիւնը Բիարից, ամբողջովին ստւերեց ֆրանսիական այս գողտրիկ բնակավայրում ընթացող G7-ի գագաթնաժողովի երկրորդ օրւայ քննարկումներն, ապացուցելով, որ Իրանը եւ Իրանի հետ կապւած իրադարձութիւնները «Մեծ եօթնեակ»-ի քննարկումների առանցքն են կազմում:

  • Սեւրի երկրորդ շնչառութեանը սպասելիս
    Սեւրի երկրորդ շնչառութեանը սպասելիս

    Սեւրի պայմանագիրը դարձաւ 99 տարեկան:

    1920 թւականի օգոստոսի 10-ին Փարիզի արւարձանում՝ Սեւրում, Անտանտի երկրների եւ Օսմանեան կայսրութեան կողմից ստորագրւեց հաշտութեան պայմանագիր, որը պաշտօնապէս հաստատում էր կայսրութեան բաժանումը Եւրոպայի եւ Մերձաւոր Արեւելքի միջեւ:

  • Իրան-ԱՄՆ պրոքսի դիմակայութիւն. ինչպէս պէտք է վարւի Հայաստանը
    Իրան-ԱՄՆ պրոքսի դիմակայութիւն. ինչպէս պէտք է վարւի Հայաստանը

    Իրան-ԱՄՆ պրոքսի դիմակայութեան` վերընթաց կորագծով զարգացումը որոշակի բարդութիւններ է ստեղծել կողմերի հետ յարաբերութիւններ պահպանող երկրների, այդ թւում՝ Հայաստանի համար:

  • Նրանք մեզ խիզախել սովորեցրին. Խանասորի արշաւանքի 122-ամեակի առիթով
    Նրանք մեզ խիզախել սովորեցրին. Խանասորի արշաւանքի 122-ամեակի առիթով

    Ոմանց համար հարց կարող է առաջանալ, թէ այդ ինչպէ՞ս, որ տրամաբանութեամբ է կարելի դար ու քսաներկու տարի առաջ, Օսմանեան կայսրութեան մոռացւած ու խուլ մի անկիւնում, հայ-քրդական տեղային ընդհարումը, որը թերեւս հէնց այն օրերին էլ չէր կարող որեւէ նշանակութիւն ունենար, որը նրան կը դարձնէր յատկանշման արժանի պատմական մի իրադարձութիւն, կարող է նշւել եւ տօնւել մեր օրերում, առաւել եւս, ներկայացւել որպէս փառահեղ ռազմական գործողութիւն:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։