Հա
08/06/2017 - 13:10

Համախմբւելու եւ ամբոխային տրամաբանութեանը տուրք չտալու պահը

Իրանը կայուն պետական համակարգ ունեցող երկիր է, որի ղեկավարութիւնը կատարելապէս իւրացրել է տարաբնոյթ մարտահրաւէրների եւ տարբեր կարեւորութեան ու նշանակութեան ճգնաժամերի կառավարման ու յաղթահարման արւեստը: Իրանի պետական համակարգը բազմիցս ապացուցել է, որ ճգնաժամային պահերին ունակ է իրավիճակի վերահսկման, երկրի անվտանգութեան եւ ներքին կայունութեան պահպանման ու ժողովրդի անդորրն ապահովելուն ուղղւած յստակ՝ համարժէք ու համաչափ քայլեր ձեռնարկել:

ԱՐԱՄ ՇԱՀՆԱԶԱՐԵԱՆ

 

Երկու կարծիք լիենլ չի կարող. երէկ Թեհրանում տեղի ունեցած ահաբեկչական գործողութիւնները սադրանք էր՝ ուղղւած երկրի անվտանգութեան, ներքին կայունութեան եւ անդորրի դէմ:

Ակնյայտ է, որ թշնամական ուժերի գործողութիւնները միանշանակօրէն նպատակ է հետապնդում ապակայունացնել Իրանը ներսից, վտանգել երկրի անվտանգութիւնը, ներքին կայունութիւնն ու անդորրը՝ վերջնանպատակ ունենալով երկիրը քանդել ներսից:

Թշնամական այս նկրտումներն առաւել ուշագրաւ են դառնում, եթէ դրանք դիտարկում ենք նախօրէին Ռիադ կատարած ԱՄՆ-ի նախագահի այցելութեան ու դրա հետապնդած յայտնի նպատակների, եւ Սաուդական Արաբիայի եւ Կատարի միջեւ ծագած հակամարտութեան ֆոնին:

Գիտակցելով, որ Իրանին անհնար է ծնկի բերել ռազմական ուղղակի առճակատման միջոցով, Վաշինգտոն-Ռիադ հակաիրանական ալիանցը փորձում է մի կողմից վարել տարածաշրջանում Իրանի կատարեալ մեկուսացման քաղաքականութիւնը, իսկ միւս կողմից յաւելեալ լարւածութիւն եւ ճգնաժամային օջախներ ստեղծել Իրանի սահմաններից ներս: Կարճ ասաց՝ մարտավարութիւնը յստակ է. Իրանին ներքաշել անվտանգութեան հետ կապւած լրջագոյն քաոսի մէջ:

Իհարկէ պէտք չէ տարակուսել չարամիտ այս մտայնութեան կատարեալ ձախողման վրայ այսպէս կոչւած խաղադրոյք կատարելու համար: Անցեալ չորս տասնամեակների, աւելի որոշակի յետյեղափոխութեան շրջանի պատմական իրադարձութիւններն ու վերիվայրումներն ապացուցել են, որ նման քայլերը չեն կարող ունենալ յաջողութեան որեւէ հեռանկար:

Դրա համար կան պարզ ու յստակ պատճառներ: Իրանը կայուն պետական համակարգ ունեցող երկիր է, որի ղեկավարութիւնը կատարելապէս իւրացրել է տարաբնոյթ մարտահրաւէրների եւ տարբեր կարեւորութեան ու նշանակութեան ճգնաժամերի կառավարման ու յաղթահարման արւեստը: Իրանի պետական համակարգը բազմիցս ապացուցել է, որ ճգնաժամային պահերին ունակ է իրավիճակի վերահսկման, երկրի անվտանգութեան եւ ներքին կայունութեան պահպանման ու ժողովրդի անդորրն ապահովելուն ուղղւած յստակ՝ համարժէք ու համաչափ քայլեր ձեռնարկել:

Իսկ անցեալի նմանատիպ բոլոր փորձերը ցոյց են տւել, որ դրանք միանշանակ հանգեցնում են ազգային յաւելեալ համախմբւածութեան: Մենք՝ իրանցիներս ապացուցել ենք, որ ճգնաժամային պահերին ունակ ենք դրսեւորելու ազգային գիտակցութեան եւ քաղաքացիական պարտքի զգացողութեան ամենաբարձր մակարդակ, ինչն էլ տապալում է թշնամիների չարամիտ բոլոր նախաձեռնութիւնները:

Վստահ ենք, որ մեզ կը յաջողւի յաղթահարել նաեւ այս փորձութիւնը: Դրա համար անհրաժեշտ է միայն ցուցաբերել ազգային գիտակցութեան նոյն բարձր մակարդակն ու համախմբւածութիւնը, որն օրհասական պահերին մշտապէս դարձել է մեր փրկօղակը:

Մեր պետական համակարգն ունի անհրաժեշտ հզօր ներուժը, չարամիտ այս գործողութիւններին համաչափ ու համարժէք արձագանգելու համար: Վստահ ենք, որ պատասխան քայլը լինելու է ոչ հապճեպ, կշռադատւած ու լիարժէք: Իսկ մեզ մնում է լինել համբերատար, համախմբւել յանուն երկրի անվտանգութեան, իսկ ամենակարեւորը տուրք չտալ ամբոխային տրամադրութեանը:

Չմոռանաք, որ երէկւայ գործողութիւնների միջոցով, թշնամին լկտիաբար փորձել է տպաւորութիւն ստեղծել, թէ իբր որքան խոցելի է երկրի անվտանգութեան համակարգը: Դա նրան կը յաջողւի այն դէպքում միայն, եթէ հանրութիւնը ցուցաբերի խուճապային տրամադրութիւն:

Յարակից լուրեր

  • Թեհրանի մետրոպոլիտենում շահագործման է յանձնւել 2 նոր կայարան
    Թեհրանի մետրոպոլիտենում շահագործման է յանձնւել 2 նոր կայարան

    Թեհրանի մետրոպոլիտենում այսօր՝ օգոստոսի 19-ին շահագործման է յանձնւել 2 նոր կայարան:

  • Սեւրի երկրորդ շնչառութեանը սպասելիս
    Սեւրի երկրորդ շնչառութեանը սպասելիս

    Սեւրի պայմանագիրը դարձաւ 99 տարեկան:

    1920 թւականի օգոստոսի 10-ին Փարիզի արւարձանում՝ Սեւրում, Անտանտի երկրների եւ Օսմանեան կայսրութեան կողմից ստորագրւեց հաշտութեան պայմանագիր, որը պաշտօնապէս հաստատում էր կայսրութեան բաժանումը Եւրոպայի եւ Մերձաւոր Արեւելքի միջեւ:

  • Իրան-ԱՄՆ պրոքսի դիմակայութիւն. ինչպէս պէտք է վարւի Հայաստանը
    Իրան-ԱՄՆ պրոքսի դիմակայութիւն. ինչպէս պէտք է վարւի Հայաստանը

    Իրան-ԱՄՆ պրոքսի դիմակայութեան` վերընթաց կորագծով զարգացումը որոշակի բարդութիւններ է ստեղծել կողմերի հետ յարաբերութիւններ պահպանող երկրների, այդ թւում՝ Հայաստանի համար:

  • Նրանք մեզ խիզախել սովորեցրին. Խանասորի արշաւանքի 122-ամեակի առիթով
    Նրանք մեզ խիզախել սովորեցրին. Խանասորի արշաւանքի 122-ամեակի առիթով

    Ոմանց համար հարց կարող է առաջանալ, թէ այդ ինչպէ՞ս, որ տրամաբանութեամբ է կարելի դար ու քսաներկու տարի առաջ, Օսմանեան կայսրութեան մոռացւած ու խուլ մի անկիւնում, հայ-քրդական տեղային ընդհարումը, որը թերեւս հէնց այն օրերին էլ չէր կարող որեւէ նշանակութիւն ունենար, որը նրան կը դարձնէր յատկանշման արժանի պատմական մի իրադարձութիւն, կարող է նշւել եւ տօնւել մեր օրերում, առաւել եւս, ներկայացւել որպէս փառահեղ ռազմական գործողութիւն:

  • 8 տարւայ դադարից յետոյ վերագործարկւել է Թեհրան-Վան գնացքը
    8 տարւայ դադարից յետոյ վերագործարկւել է Թեհրան-Վան գնացքը

    Վանում 2011 թ. տեղի ունեցած երկրաշարժից յետոյ ուղեւորափոխադրումները դադարեցրած Թեհրան-Վան գնացքը կրկին դուրս է եկել ռելսերի վրայ: Վերագործարկումից յետոյ ուղեւորափոխադրող գնացքը Թեհրանից 79 ուղեւոր է տեղափոխել Վան:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։