Հա

Օրակարգ

18/08/2016 - 12:10

«Իզւեստիա».- «Ռուսաստանը մատակարարելու է Հայաստանին նոյն սպառազինութիւնն, ինչ Ադրբեջանին»

Ռուսաստանն արդէն սկսել է 200 միլիոն դոլարի վարկի դիմաց Հայաստանին զէնքի մատակարարումը: Ինչպէս հաղորդում է «Արմէնպրես»-ը, այս մասին գրում է ռուսական «Իզւեստիա» թերթը՝ «Ռուսաստանը Հայաստանին կը մատակարարի նոյն զէնքը, ինչ Ադրբեջանին» խորագրով յօդւածում:
Թերթը գրում է, որ բացի Հայաստանին ռազմական տեխնիկա մատակարարելուց, Ռուսաստանը կը զբաղւի նաեւ զէնքերը սպասարկող հայ մասնագէտների վերապատրաստման աշխատանքներով:

Ռուսաստանն արդէն սկսել է 200 միլիոն դոլարի վարկի դիմաց Հայաստանին զէնքի մատակարարումը: Ինչպէս հաղորդում է «Արմէնպրես»-ը, այս մասին գրում է ռուսական «Իզւեստիա» թերթը՝ «Ռուսաստանը Հայաստանին կը մատակարարի նոյն զէնքը, ինչ Ադրբեջանին» խորագրով յօդւածում:
Թերթը գրում է, որ բացի Հայաստանին ռազմական տեխնիկա մատակարարելուց, Ռուսաստանը կը զբաղւի նաեւ զէնքերը սպասարկող հայ մասնագէտների վերապատրաստման աշխատանքներով: Հայաստանի Պաշտպանութեան նախարարութիւնից հաստատել են, որ զէնքի մատակարարման աշխատանքները սկսւել են, սակայն հրաժարւել են հրապարակել մատակարարւող զէնքերի ցանկը: Փորձագէտները ենթադրում են, որ խօսքն առաջին հերթին գնում է սպառազինութեան ծանր համակարգերի մասին, որոնք էականօրէն կը բարելաւեն հայկական զինւած ուժերի հնարաւորութիւնները: Թերթը, յղում կատարելով իր աղբիւրին, նշում է, որ թէեւ զէնքի մատակարարումն արդէն սկսւել է, սակայն կողմերը դեռեւս վերջնականապէս չեն յստակեցրել մատակարարւող սպառազինութեան ցանկը: «Զէնքի մատակարարման գործընթացն արդէն սկսւել է, զուգահեռաբար կիրականացւի նաեւ մասնագէտների վերապատրաստումը եւ համապատասխան տեխնիկական աշխատանքները»,- թերթի հետ զրոյցում ասել է ՀՀ Պաշտպանութեան նախարարութեան մամուլի խօսնակ Արծրուն Յովհաննիսեանը:
Հեղինակը յիշեցնում է «Իզւեստիա» թերթի հրապարակումներից մէկը, որի համաձայն Հայաստանը մտադիր է Ռուսաստանից ձեռք բերել «Սմերչ» եւ «ՏՈՍ-1A» համակարգեր, «ԻԳԼԱ-հ» հրթիռային համակարգեր, «9Ծ113Ծ» կառավարւող հրթիռներ, «ՌՓԳ-26» նռնականետեր, «Դրագունովի» դիպուկահար զէնքեր, «ՏԻԳՐ» զրահամեքենաներ:
Այնուհետեւ թերթը յիշեցնում է ՌԴ-ի նախագահ Վլադիմիր Պուտինի խօսքերը օգոստոսի 10-ին ՀՀ նախագահ Սերժ Սարգսեանի հետ կայացած հանդիպման ժամանակ. «Ինչ վերաբերում է սպառազինութեանը, գոյութիւն ունի Հայաստանի հետ աշխատելու ծրագիր: Հայաստանը ՀԱՊԿ-ի անդամ է, մեր դաշնակիցն է: Մենք փոխադարձ պարտաւորութիւններ ունենք, եւ Ռուսաստանը միշտ կատարում է իր պարտաւորութիւնները»:
«Սպառազինութեան արտահանում» ամսագրի գլխաւոր խմբագիր Անդրէյ Ֆրոլովը նշել է, որ Մոսկւան Հայաստանին մատակարարում է նոյն զէնքը, ինչ աւելի վաղ ՌԴ-ից գնել է Ադրբեջանը՝ յաւելելով, որ այդ սպառազինութիւնը, անկասկած, կը բարելաւի ռազմական հաւասարակշռութիւնը ի օգուտ Հայաստանի: Հայաստանի եւ Ադրբեջանի ռազմական բիւջէների տարբերութիւնը շատ մեծ է։ Այս պայմաններում հնարաւոր է միայն յստակ հասցէագրւած ներդրումներով իրավիճակը չհասցնել կրիտիկականի: Դա կուժեղացնի հայերին եւ կապահովի տարածաշրջանում ուժերի հաւասարակշռութիւնը»,- ասել է փորձագէտը:

«armenpress.am»

Յարակից լուրեր

  • Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը
    Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը

    Ճապոնիայում հին ժամանակներում ապրել է երկու գորտ, մէկը՝ քաղաքամայր Կիոտոյում, միւսը՝ Օսակայում։ Երբ մի տարի շոգ ամռանը ցամաքում են Կիոտոյի գետակներն ու ջրանցքները, չորանում է նաեւ գորտի պալատական փոքրիկ ջրհորը, եւ գորտը որոշում է մեկնել Օսակա՝ մտածելով, որ քաղաքը ծովափին է, իսկ ինքը կեանքում ծով չի տեսել, ուստի՝ հա՛մ ծով կը տեսնի, հա՛մ գեղեցիկ Օսական կը վայելի, հա՛մ էլ չի տառապի Կիոտոյի ջրհորի չորութիւնից։ Եւ գորտը դուրս է գալիս իր տնից եւ ուղեւորւում դէպի Օսակա։

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Իշխանութեան «թաւշեայ» տրամաբանութիւնը
    Իշխանութեան «թաւշեայ» տրամաբանութիւնը

    Հայաստանի «թաւշեայ» իշխանութիւնների գործողութիւնների տրամաբանութիւնը մէկ տարուց աւելի ալեկոծում է հայկական իրականութիւնը: Վերջապէս, ի՞նչ նպատակներ են հետապնդում գործող իշխանութեան այս կամ այն քայլերը եւ ո՞րն է ընդհանուր ռազմավարութիւնը, որի շրջանակներում կատարւում են այդ քայլերը:

  • Փաշինեանը կու գայ… Փաշինեանը կու գայ…
    Փաշինեանը կու գայ… Փաշինեանը կու գայ…

    Շուտով, Հայաստանի Հանրապետութեան վարչապետը Լոս Անճելըս կը հասնի, աւելի ճիշդ պիտի ժամանէ։

    Արդէն շաբաթներէ ի վեր հայրենի եւ Սփիւռքի եւ յատկապէս Քալիֆորնիոյ հայ մամուլն ու հայկական հեռատեսիլի գրեթէ բոլոր կայանները, ամէնօրեայ յիշեցում-ծանուցումներ կը կատարեն, նոյնիսկ վարչապետի խօսք-հրաւէրով։

  • Պէտք չէ մսխուի անկախութեան ներուժը
    Պէտք չէ մսխուի անկախութեան ներուժը

    «21 սեպտեմբեր 1991»-ը հայոց նորագոյն պատմութեան մէջ Հայաստանի վերանկախացման խորհուրդի նշանակալից նուաճումն է, 1918-ի Հայաստանի Հանրապետութեան պատմականօրէն անգերազանցելի հռչակումին մերօրեայ նուիրագործումը, որուն մէջ մարմնացաւ Մայիսեան անկախութեան անկատար մնացած երազանքը ու հայ ժողովուրդի ազատ ու անկախ ապրելու, իր հայրենիքը պետականօրէն արմատաւորելու եւ քաղաքականօրէն ամրապնդելու հաստատ ու միակամ ձգտումը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։