Հա

Օրակարգ

03/12/2016 - 11:50

Դոկտ. Կարէն Խանլարեան.- «Իրանի դէմ պատժամիջոցների չեղարկումից յետոյ Հայաստանին առանձնայատուկ գործընկերոջ դեր է վերապահւում»

Իրանի խորհրդարանի հայազգի պատգամաւոր Կարէն Խանլարեանի կարծիքով՝ զարգացման բաւականին լուրջ հեռանկարներ կան յետբանակցային Իրանի եւ Հայաստանի միջեւ:
«tert.am»-ի հետ զրոյցում նա ասաց. «Այն համաձայնութիւնները, որ Իրանն ունեցաւ Արեւմուտքի հետ, բաւականին լուրջ հեռանկարներ են բացում Իրանի համար, եւ այդ համատեքստում Հայաստանի համար բաւականին լուրջ փոփոխութիւններ են սպասւում»:

Իրանի խորհրդարանի հայազգի պատգամաւոր Կարէն Խանլարեանի կարծիքով՝ զարգացման բաւականին լուրջ հեռանկարներ կան յետբանակցային Իրանի եւ Հայաստանի միջեւ:
«tert.am»-ի հետ զրոյցում նա ասաց. «Այն համաձայնութիւնները, որ Իրանն ունեցաւ Արեւմուտքի հետ, բաւականին լուրջ հեռանկարներ են բացում Իրանի համար, եւ այդ համատեքստում Հայաստանի համար բաւականին լուրջ փոփոխութիւններ են սպասւում»:
Անդրադառնալով Իրանի նախագահ Հասան Ռոհանիի պաշտօնական այցին Հայաստան եւ դիտարկմանը, թէ բաւական առեղծւածային են պահւում նրա այցելութեան հանգամանքները՝ անգամ մինչ այժմ նրա այցի ամսաթւի մասին չի խօսւում, Կարէն Խանլարեանը պատասխանեց. «Կարծում եմ՝ տեխնիկական խնդիր է, ոչ աւելին»:
Նա նշեց, որ չի կարծում, որ Հասան Ռոհանիի՝ Հայաստան այցի անընդհատ յետաձգւելը կապւած էր Ադրբեջանի հետ նրա յարաբերութիւնների, ադրբեջանական սպառնալիքների հետ:
«Թուրքիան Իրանի համար աւելի լուրջ ֆակտոր է, բայց նոյնիսկ Թուրքիայի սպառնալիքները Իրանի պէս երկրին չեն կարող կանգնեցնել որեւէ որոշում կայացնելուց»,- ասաց նա:
Իրանահայ պատգամաւորը նկատեց, որ իսկապէս հիմնականում Իրան-Հայաստան յարաբերութիւնների ֆոնին ընդգծւում են Հայաստանի ստացած օգուտները, բայց ըստ նրա, երկու երկրների համագործակցութիւնը փոխշահաւէտ է:
«Հայաստանը Իրանի համար ալտերնատիւ երկիր է, եւ Իրանը չի կարող անտարբեր լինել Հայաստանի նկատմամբ: Իրանը շահագրգռւած է իր յարաբերութիւնները Հայաստանի հետ զարգացնելու ուղղութեամբ»,- ասաց Կարէն Խանլարեանը:
Նա նաեւ նկատեց, որ Իրան-Հայաստան յարաբերութիւնները հիմնականում համեմատւում են Իրան-Թուրքիա, Իրան-Ադրբեջան յարաբերութիւնների հետ. «Մեզ Իրանի արտգործնախարարութիւնից, նաեւ վերլուծաբանները յաճախ են վստահեցնում, որ այս երեք յարաբերութիւններն իրարից անկախ են: Այսինքն՝ հայ-իրանական յարաբերութիւնները չեն կարող վատ ազդել, օրինակ՝ թուրք-իրանական յարաբերութիւնների վրայ եւ հակառակը»:
Ըստ Կարէն Խանլարեանի՝ հայ-իրանական յարաբերութիւնները բազմավեկտոր են. «Զարգանում են տնտեսական յարաբերութիւնները, փոխադրումների առումով Հայաստանը Իրանի համար լաւ այլընտրանք է, ռազմավարական, անվտանգութեան հետ կապւած եւս համագործակցութիւն կայ, ահաբեկչութեան դէմ պայքարի հարցում շատ մեծ համագործակցութիւն կայ Հայաստանի եւ Իրանի միջեւ»:
Իրանում Հայաստանի դեսպան Արտաշէս Թումանեանը մտավախութիւն էր յայտնել, որ Իրանի դէմ պատժամիջոցների չեղարկումից յետոյ այդ երկրի համար կը բացւեն աշխարհի դռները, գուցէ Հայաստանը մնայ ստւերում: Իրանահայ պատգամաւորը կիսեց դեսպանի մտահոգութիւնը:
«Ես էլ մտահոգութիւններ ունեմ՝ դրանք արդեօք կարող են յանգեցնել Հայաստանի անտեսմանը կամ աւելի քիչ դեր ունենալուն: Բայց այսօրւայ փաստերով պէտք է ասեմ, որ Իրանը դեռ ամբողջ աշխարհի համար չի բացւել: Այդ պատժամիջոցներն անմիջապէս չեն վերանալու, Իրանն անմիջապէս ամենաբարձր մակարդակով չի մտնի առեւտրային յարաբերութիւնների մէջ: Այս ամբողջ անցումային ժամանակաշրջանում Հայաստանին առանձնայատուկ դեր է վերապահւում, այս պատժամիջոցների չեղարկումից յետոյ Հայաստանը չի կորցնի իր ռազմավարական գործընկերոջ կարգավիճակը»,- ասաց նա:

Յարակից լուրեր

  • Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը
    Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը

    Ճապոնիայում հին ժամանակներում ապրել է երկու գորտ, մէկը՝ քաղաքամայր Կիոտոյում, միւսը՝ Օսակայում։ Երբ մի տարի շոգ ամռանը ցամաքում են Կիոտոյի գետակներն ու ջրանցքները, չորանում է նաեւ գորտի պալատական փոքրիկ ջրհորը, եւ գորտը որոշում է մեկնել Օսակա՝ մտածելով, որ քաղաքը ծովափին է, իսկ ինքը կեանքում ծով չի տեսել, ուստի՝ հա՛մ ծով կը տեսնի, հա՛մ գեղեցիկ Օսական կը վայելի, հա՛մ էլ չի տառապի Կիոտոյի ջրհորի չորութիւնից։ Եւ գորտը դուրս է գալիս իր տնից եւ ուղեւորւում դէպի Օսակա։

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Իշխանութեան «թաւշեայ» տրամաբանութիւնը
    Իշխանութեան «թաւշեայ» տրամաբանութիւնը

    Հայաստանի «թաւշեայ» իշխանութիւնների գործողութիւնների տրամաբանութիւնը մէկ տարուց աւելի ալեկոծում է հայկական իրականութիւնը: Վերջապէս, ի՞նչ նպատակներ են հետապնդում գործող իշխանութեան այս կամ այն քայլերը եւ ո՞րն է ընդհանուր ռազմավարութիւնը, որի շրջանակներում կատարւում են այդ քայլերը:

  • Փաշինեանը կու գայ… Փաշինեանը կու գայ…
    Փաշինեանը կու գայ… Փաշինեանը կու գայ…

    Շուտով, Հայաստանի Հանրապետութեան վարչապետը Լոս Անճելըս կը հասնի, աւելի ճիշդ պիտի ժամանէ։

    Արդէն շաբաթներէ ի վեր հայրենի եւ Սփիւռքի եւ յատկապէս Քալիֆորնիոյ հայ մամուլն ու հայկական հեռատեսիլի գրեթէ բոլոր կայանները, ամէնօրեայ յիշեցում-ծանուցումներ կը կատարեն, նոյնիսկ վարչապետի խօսք-հրաւէրով։

  • «Ամերիկացիները պէտք է ընդունեն պատժամիջոցների քաղաքականութեան ձախողումը». ԱԳՆ խօսնակ
    «Ամերիկացիները պէտք է ընդունեն պատժամիջոցների քաղաքականութեան ձախողումը». ԱԳՆ խօսնակ

    Ամերիկացիները պէտք է վերջապէս հասկանան, որ իրենց վարած առաւելագոյն ճնշման քաղաքականութիւնը միանշանակ ձախողւել է: Այս մասին այսօր լրագրողների հետ զրոյցում յայտնել է ԱԳ նախարարութեան պաշտօնական ներկայացուցիչ Սէյէդ Աբբաս Մուսաւին՝ մեկնաբանելով ԱՄՆ-ի կողմից հերթական հակաիրանական պատժամիջոցների սահմանումը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։