Հա

Օրակարգ

Հինգշաբթի, 31 Օգոստոսի 2017 13:00

Իրան-Հայաստան առեւտրական կապերի զարգացման հեռանկարով...

Իրան-Հայաստան Առեւտրական պալատի կայքից օրերս տեղեկացանք, որ նոյն պալատի նոր տնօրէն է ընտրւել իրանահայ երիտասարդ գործարար Հերւիկ Եարիջանեանը:

Դերենիկ Մելիքեան

 

Իրան-Հայաստան Առեւտրական պալատի կայքից օրերս տեղեկացանք, որ նոյն պալատի նոր տնօրէն է ընտրւել իրանահայ երիտասարդ գործարար Հերւիկ Եարիջանեանը:

Առեւտրա-գործարարական ոլորտի յատկապէս իրանցի շրջանակների կողմից սիրւած ու յարգւած լինելու հանգամանքի լաւագոյն ցուցանիշը հանդիսացաւ նոյնինքն Հերւիկ Եարիջանեանի ջանքերով՝ Իրանը պլաստիկ տեխնոլոգիաների տարածաշրջանային կենտրոն հանդիսանալու իրողութիւնը, սրանից շուրջ մէկ տարի առաջ, նրա ղեկավարած «Քարան սիմա ֆան» եւ Գերմանիայի «Քրոս-մաֆէ» ընկերութիւնների միջեւ համաձայնագրի ստորագրմամբ: Սոյն համաձայնագրով հաստատւում էր, որ գերմանական կողմը Իրան է փոխադրելու պլաստիկ արդիւնաբերութեան հիմքը հանդիսացող առանցքային հումքի մշակման տեխնլոգիան եւ արտադրման գիտութիւնը, այն էլ՝ Իրանի դէմ պատժամիջոցների չեղարկումից՝ (ԲԱՐՋԱՄ-ից) ընդամենը մէկ տարի անց:

Միաժամանակ, կարեւորելով Իրան-Հայաստան առեւտրա-տնտեսական փոխյարաբերութիւնների ընդհանուր կոնտեքստում զարգացող միտումները, յատուկ տեղ ու դերակատարութիւն է վերապահւած եղել Իրան-Հայաստան Առեւտրական պալատի գործունէութեանը՝ երկու հարեւան ու բարեկամ երկրների բարձրաստիճան պատասխանատուների կողմից:

Մեզ մնում է լիայոյս լինել մեր երիտասարդ գործարարի այս յոյժ կարեւոր ոլորտում նորանոր ձեռքբերումների արձանագրմանը, որն ինչ խօսք՝ դրական հեռանկար է ուրւագծելու Իրան-Հայաստան առեւտրա-տնտեսական փոխյարաբերութիւնների ոլորտում աւելիով գործարկելու առկայ ներուժ կարողականութիւնները:

Միեւնոյն ժամանակ, հարկաւոր է գնահատանքի ու երախտագիտութեան խօսք ուղղել Իրան-Հայաստան Առեւտրական պալատի երկարամեայ տնօրէն, ազգային-հասարակական գործիչ, բարերար Լեւոն Ահարոնեանին, որն էլ տւեալ ոլորտում չի խնայել ոչ մի ջանք, թողնելով հարուստ փորձառութիւն՝ երիտասարդ գործարարներին:

«Ալիք»

Յարակից Հրապարակումներ

  • Պատմութեան անբեկանելի դասերը...
    Պատմութեան անբեկանելի դասերը...

    Եւ ահա, այսօր համալրւում է 1921 թւականի փետրւարի 18-ի հայկական ապստամբութեան 97-րդ տարին: Ապստամբութիւն՝ թուրք-բոլշեւիկեան հակահայ ու հակահայաստանեան դաշինքի արդիւնքում՝ Հայաստանի անկախութիւնն խախտած եւ իշխանութեան եկած՝ հայանուն բոլշեւիկների հակազգային ու հակամարդկային բռնարարքների դէմ:

  • Համազգային պարտաւորութիւն...
    Համազգային պարտաւորութիւն...

    «Ալիք»-ի խմբագրութիւնն օրերս ստացել է Հայաստանի Հանրապետութեան Սփիւռքի նախարարութեան կողմից հրապարակւած «Հայաստանի Հանրապետութեան եւ Մայիսեան հերոսամարտերի 100-ամեակին նւիրւած միջոցառումների ծրագիր»-ը:

    Ծրագիր, որն ընդգրկում է 86 տարատեսակ միջոցառումներ, որոնք կայանալու են 2018 թւականի ողջ ընթացքում (գլխաւոր միջոցառումները՝ մայիս ամսւայ ընթացքում):

  • Ձիթենու կոտրւող ճիւղը...
    Ձիթենու կոտրւող ճիւղը...

    Կոտրւող «Ձիթենու ճիւղ»-ի վրայ նստած Թուրքիան արդէն սկսել է չքմեղանքի եւ արդարացման հնարքներով խաղեր տալ…

    Յոխորտացող Էրդողանը կուսակիցների առջեւ հերթական ելոյթում յայտարարել է, որ զինական գործողութիւնների ընթացքում յաջողութիւններին միշտ էլ ուղեկցում են ձախողութիւնները…

  • Վարդանանքի արդիականութիւնը...
    Վարդանանքի արդիականութիւնը...

    Հայոց ազգային գաղափարախօսութեան ձեւաւորման ու կայացման հիմքում իր ուրոյն եւ անբեկանելի դրոշմն է ամրագրել ՎԱՐԴԱՆԱՆՔ-ը:

  • «Դիպլոմատ հրէշներ»-ի արդիականութիւնը...
    «Դիպլոմատ հրէշներ»-ի արդիականութիւնը...

    Հայ ազատագրական պայքարի (սկսեալ 1870-ականներից մինչեւ 1918-ի Հայաստանի անկախացում) ողջ երկայնքում թէ՛ ռուսական եւ թէ՛ եւրո-արեւմտեան դիւանագիտութիւնը, ժամանակին, մեծ յեղափոխական Ստեփան Զօրեանը (Ռոստոմ) արժանիօրէն բնութագրեց ոչ աւել, ոչ պակաս քան՝ հրէշաւոր դիպլոմատիա, իր՝ հէնց նոյն վերտառութեամբ հազւադէպ յօդւածներից մէկում...

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։