Հա

Օրակարգ

08/01/2018 - 15:00

Ժողովրդական կրքերի հանդարտեցման նախանշաննե՞ր...

Ժողովրդական բացայայտ, իսկ այժմ երեւի թաքուն կրքերը հանդարտեցնելու նախանշանները ակներեւ են դարձել երէկւայ՝ օրէնսդիր, գործադիր, դատական իշխանութիւնների եւ անվտանգութեան ու իրաւապահ մարմինների միջեւ կայացած համատեղ նիստի ընթացքում բարձրաձայնւած յայտարարութիւններում:

Դ. Մ.

 

Ժողովրդական բացայայտ, իսկ այժմ երեւի թաքուն կրքերը հանդարտեցնելու նախանշանները ակներեւ են դարձել երէկւայ՝ օրէնսդիր, գործադիր, դատական իշխանութիւնների եւ անվտանգութեան ու իրաւապահ մարմինների միջեւ կայացած համատեղ նիստի ընթացքում բարձրաձայնւած յայտարարութիւններում:

Շուրջ 70 ձերբակալեալի ազատ արձակման, ֆիլտրացւած սոցցանցերի վերագործարկման, ռադիօ-հեռուստատեսութեան կազմակերպութեան լրատւական ծրագրերի վերանայման գծով նոր քաղաքականութեանց մշակման եւ այլեւայլ խնդիրների մասին համատեղ խորհրդակցական նիստում յայտարարութիւններին զուգահեռ՝ խորհրդարանի եւ միջամուխ միւս մարմինների կողմից մի շարք թանկացումների (բենզին, ձու, երկրից ելքի տուրք եւ այլն...) առկախումը թերեւս միտւած են հէնց վերոգրեալ կրքերի հանդարտեցմանը...:

Ժողովրդական խաղաղ ցոյցեր ու հաւաքներ անցկացնելու մնայուն վայր ճշտորոշելու Թեհրանի Քաղխորհրդի (աւագանիների) առաջարկն էլ թէեւ վերոգրեալների շարքին կարելի է դասել, բայց պարզ է, որ լոկ դրանով չէ, որ ժողովուրդ-իշխանութիւն փոխյարաբերութիւններին ինստիտուցիոնալ կերպարանք է հաղորդւում... խնդիրը, կարծում ենք հիմնականում կայանում է նրանում, որ առհասարակ Իրանի հասարակա-քաղաքական շրջանակներում կուսակցականացման աւանդոյթը խորթ է եղել կամ էլ կայացածութեան հոլովոյթ չի ապրել...: Սա, անշուշտ առանձին քննարկելիք թեմա է:

Մինչ այդ, սակայն, ժողովրդական արդարացի յոյզերին, պահանջներին եւ առաւել եւս՝ կրքերին բաւարարութիւն տալու կոչւած եւ հէնց այդ նպատակին ծառայելու համար ժողովրդի կողմից ընտրւած իշխանութիւնները պէտք է օր աւուր եւ առաւել քան երբեւէ կանոնակարգեն-մշակեն եւ որ կարեւոր է՝ դիւրացնեն նոյն ժողովրդի հետ յարաբերւելու, խորհրդակցել-քննարկելու առիթներն ու պատեհութիւնները:

Այլապէս՝ ժողովրդական զանգւածները եւ առաջին հերթին՝ երիտասարդ, ուսանող, գործազուրկ եւ անկարող ու սոցիալ-տնտեսապէս խոցելի խաւերը նման պատեհութիւնները կորոնեն այսպէս ասած՝ ինստագրամային կամ թելեգրամային փոխյարաբերութիւններում, խորթանալով ու հեռանալով պետական-պաշտօնական հաւաստիքներից...:

Յարակից լուրեր

  • Վերանորոգ ոգով ու կամքով…
    Վերանորոգ ոգով ու կամքով…

    2019-ը դիմաւորելու առիթով, երէկ «Ալիք»-ի ընտանիքը ի մի էր եկել…

    Ողջ աշխատակազմը իրեն առաւել ամուր զգաց, շնորհիւ հաստատութեան ու վարչութեան ներկայացուցիչների ներկայութեան, որոնք էլ գնահատելով-արժեւորելով համախումբ աշխատանքը՝ բարեմաղթեցին աւելի բարօր պայմաններ՝ նորացւող տարում:

  • Սփիւռքի նախարարութիւնը՝ «Դէ ֆակտօ» անգործութիւնից՝ «Դէ իւրէ» լուծարում…
    Սփիւռքի նախարարութիւնը՝ «Դէ ֆակտօ» անգործութիւնից՝ «Դէ իւրէ» լուծարում…

    Հայաստանի ժամանակաւոր կառավարութիւնը նախագծելով պետական կառավարման գործառոյթների օպտիմալացման իր «Ճանապարհային քարտէզը», նպատակադրել է 17 նախարարութիւնները 12-ի իջեցնել: Կրճատւող 5 նախարարութիւններից, ըստ երեւոյթի, միայն Սփիւռքի նախարարութիւնն է, որ պէտք է լուծարւի, իսկ միւս 4-ը պահպանելու են իրենց նախարարական մակարդակի գործառոյթը՝ տարբեր նախարարութիւնների մէջ ընդգրկւելով: Սփիւռքի նախարարութիւնը, սակայն, ըստ էութեան իջնելու է՝ մարմին, կոմիտէ կամ ինչ-որ գերատեսչութեան բաժնի մակարդակի:

  • Զայանդէ ռուդը, հայ պատգամաւորը եւ երախտագէտ սպահանցիները...
    Զայանդէ ռուդը, հայ պատգամաւորը եւ երախտագէտ սպահանցիները...

    Ինչպէս գիտի ընթերցողը, Սպահան քաղաքի խորհրդարանական պատգամաւորների ֆրակցիան, որին եւ մաս է կազմում Սպահանի եւ հարաւային իրանահայութեան պատգամաւոր Ժորժիկ Աբրահամեանը, որպէս բողոք՝ Զայանդէ ռուդ գետի երկար ամիսներից ի վեր ցամաքեցմանը, խմբովի հրաժարականի դիմում էին ներկայացրել: 

  • Անմիջական երկխօսութեան արգասիքը...
    Անմիջական երկխօսութեան արգասիքը...

    Թանկագին ընթերցող.-

    Երէկ խմբագրութեանս համար հազւադէպ ու միաժամանակ պատւաբեր այցով՝ Հայաստանի Հանրապետութեան արտակարգ ու լիազօր դեսպան պրն. Արտաշէս Թումանեանը, աշխատանքային միջավայրին հաղորդեց առաւել հետաքրքիր ու կրկնակի կենսունակ բնոյթ:

  • Կայացած եւ արդիւնաւէտ քննարկում, բայց...
    Կայացած եւ արդիւնաւէտ քննարկում, բայց...

    Ինչպէս մեր նոյն այս սիւնակի երէկւայ համարում ենք անդրադարձել, դեկտ. 17-ի կլոր սեղան-քննարկման հիմնական թեման Իրան-Հայաստան յարաբերութիւնների մասնաւորապէս քաղաքական հարցերն էին ու դրանցում առիթների ու խոչընդոտների պատճառ-հետեւանքային իրողութիւնները: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։