Հա

Օրակարգ

07/10/2018 - 16:10

Դժւարութիւնները դիմագրաւելու կռւանները...

Վաղւանից եռօրեայ կարգով թեհրանահայութեան հայաշատ թաղամասեր՝ Զէյթուն, Սասուն եւ Կենտրոն համայնքների քաղաքացիների հետ ինքնին ողջունելի հանդիպում-քննարկման են նախաձեռնել ազգային իշխանութեան օրէնսդիր (Պատգամաւորական ժողով) եւ գործադիր (Թեմական խորհուրդ) մարմինները:

Դ. Մ.

 

Վաղւանից եռօրեայ կարգով թեհրանահայութեան հայաշատ թաղամասեր՝ Զէյթուն, Սասուն եւ Կենտրոն համայնքների քաղաքացիների հետ ինքնին ողջունելի հանդիպում-քննարկման են նախաձեռնել ազգային իշխանութեան օրէնսդիր (Պատգամաւորական ժողով) եւ գործադիր (Թեմական խորհուրդ) մարմինները:

Հանդիպումների օրակարգերն ու քննարկման թեմաները, ինչպէս վերջին օրերին հրապարակւած «Յայտարարութեան» մէջ է նշւել, ընդգրկում են մեր համայնքին յուզող ամենատարբեր խնդիրներ՝ երկրի տնտեսական ծանրակշիռ իրավիճակի ազդեցութիւնները համայնքի վրայ, ինչպէսեւ՝ ներհամայնքային օրախնդիր հարցեր, որոնց վերաբերեալ անտարակոյս ժողովուրդ-ազգային իշխանութիւն դէմ առ դէմ հանդիպումն ու միմեանց լսել, մտքեր ու մտահոգութիւններ փոխանակելը, դրական ու օգտաշատ է համարւելու:

Մէկ կողմից՝ ժողովրդի իրազեկւածութիւնն ու սեփական, անմիջական ձայնը իր ընտրեալներին հասցնելն է անհրաժեշտ,

իսկ միւս կողմից՝ ընտրեալների գործունէութեան մասին եւ որ կարեւոր է՝ նոր իրողութիւնների լոյսի տակ՝ դիմագրաւող դժւարութիւնները ժողովրդի հետ կիսելու եւ մօտաւոր հեռանկարը ուրւագծելու հանգամանքն է պարտաւորեցնող…

Մէկ խօսքով՝ հասարակական երկխօսութեան (ինչ ձեւաչափով էլ որ պատկերացնենք) օրինաչափերի կարեւորումը յանգեցնելու է նոյն հասարակայնութեան ու տւեալ դէպքում, մեր համայնքի թէ՛ համերաշխութեանը, եւ թէ՛ կենսունակութեանը, որոնք էլ գլխաւոր կռւաններն են եղել ինչպէս անցեալի, այնպէս էլ նորօրեայ դժւարութիւնները դիմագրաւելու համար:

Անշուշտ, առաջիկայ հանդիպում-քննարկումների մասին օրը օրին թերթս տեղեկատւական պարտականութիւնից ելած՝ անելու է պարտն ու պատշաճը:

Յարակից լուրեր

  • Հանդիպումները կայացան. այժմ խօսքերը գործնականացնելու ժամանակն է...
    Հանդիպումները կայացան. այժմ խօսքերը գործնականացնելու ժամանակն է...

    Յարգելի ընթերցող, ինչպէս անցնող շաբաթւայ ընթացքում մեր թղթակցութիւնների ընդմիջից ներկայացրինք, կայացան թեհրանահայ համայնքի եռեակ հայաշատ քաղաքամասերի քաղաքացիների հետ Թեհրանի հայոց թեմի Պատգամաւորական ժողովի եւ Թեմական խորհրդի միջեւ անմիջական հանդիպում-քննարկումները:

  • Հայաստանը դեռ սպասում է իր տնտեսական յեղափոխութեանը
    Հայաստանը դեռ սպասում է իր տնտեսական յեղափոխութեանը

    Էմանուէլ Մակրոնի այցը Հայաստան, ուր նա եկել է Ֆրանկոֆոնիայի գագաթաժողովին մասնակցելու, կովկասեան այս փոքր երկրի գործարար շրջանակներին մեծ յոյսեր է ներշնչում: Հայաստանի կառավարութիւնը օգտագործեց առիթը, որ մի քանի շաբաթում կազմակերպի գործարար ֆորում, որին մասնակցելու են ընկերութիւնների 350 ֆրանսախօս ղեկավարներ` գրում է Ռեժի Ժենտէն «Le Figaro»-ում:

  • Հասարակական կարծիքի դերը առկայ տնտեսա-քաղաքական գործընթացներում
    Հասարակական կարծիքի դերը առկայ տնտեսա-քաղաքական գործընթացներում

    Հասարակական կարծիքի դրսեւորումը առողջ հասարակական կեանքի ցուցանիշ է եւ սա փաստ է, որը գործնականօրէն ապացուցւած է: Այս մասին բազմիցս խօսել ենք մեր էջերում: Այսօր այդ խօսքի շեշտադրումը օրւայ հրամայական է ու ընթերցողը այսուհետեւ աւելի շատ կը մասնակցի քննարկումների եւ կը զգայ համայնքային- հասարակական հարցերի աւելի լայն անդրադարձների արծարծումը:

  • Տնտեսական ճգնաժամը եւ առանց այդ էլ «բաց»-ով փակւող մեր բիւջէն
    Տնտեսական ճգնաժամը եւ առանց այդ էլ «բաց»-ով փակւող մեր բիւջէն

    Հանդիպումների երկրորդ օրը, երէկ, երեքշաբթի, տեղի ունեցաւ «Սիփան» միութեան «Նայիրի» սրահում, որտեղ Սասուն քաղաքամասի բնակիչներն առիթ ունեցան դէմ առ դէմ, կամ ինչպէս դահլիճից հնչեց՝ եռակողմ հանդիպմանը լսելու Պատգամաւորական ժողովի եւ Թեմական խորհրդի ներկայացուցիչների ծաւալած գործունէութեան մասին:

  • Ազգային իշխանութիւն-ժողովուրդ հանդիպում՝ Զէյթուն քաղաքամասում
    Ազգային իշխանութիւն-ժողովուրդ հանդիպում՝ Զէյթուն քաղաքամասում

    Թեհրանի հայոց թեմի ազգային իշխանութեան օրէնսդիր եւ գործադիր մարմիններ՝ Թ. Հ. Թ. Պատգամաւորական ժողովը եւ Թեմական խորհուրդը համայնքին լսելու եւ իրենց տարած աշխատանքները համայնքի սեփականութիւնը դարձնելու նպատակով նախաձեռնել են հանդիպումների շարան Թեհրանի երեք քաղաքամասերում: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։