Հա

Օրակարգ

23/12/2018 - 14:40

Զայանդէ ռուդը, հայ պատգամաւորը եւ երախտագէտ սպահանցիները...

Ինչպէս գիտի ընթերցողը, Սպահան քաղաքի խորհրդարանական պատգամաւորների ֆրակցիան, որին եւ մաս է կազմում Սպահանի եւ հարաւային իրանահայութեան պատգամաւոր Ժորժիկ Աբրահամեանը, որպէս բողոք՝ Զայանդէ ռուդ գետի երկար ամիսներից ի վեր ցամաքեցմանը, խմբովի հրաժարականի դիմում էին ներկայացրել: 

Դ. Մ.

 

-«....Ես համբուրեցի նրա ձեռքը…»:

-«Մեր հայ գործընկեր պատգամաւորը մեզանից՝ որպէս մուսուլման պատգամաւորներ, աւելի սրտցաւ գտնւեց եւ հետեւողականօրէն պաշտպանում է Զայանդէ ռուդի վերակենդանացման խնդիրը…»:

Այս խօսքերը օրերս արտասանել է մեջլիսում Սպահանի պատգամաւոր դոկտ. Քամրանը՝ Սպահանի Շահիդների բուրաստանում համախմբւած ժողովրդի առջեւ, միաժամանակ արժեւորելով Սպահանի հայոց թեմի եւ թեմակալ առաջնորդի համագործակցութիւնը, դա բնութագրելով որպէս օրինակելի ապացոյց միտւած՝ համաժողովրդական համերաշխութեանը, որն երբեւէ չի անտեսւում սպահանցիների կողմից…:

Ինչպէս գիտի ընթերցողը, Սպահան քաղաքի խորհրդարանական պատգամաւորների ֆրակցիան, որին եւ մաս է կազմում Սպահանի եւ հարաւային իրանահայութեան պատգամաւոր Ժորժիկ Աբրահամեանը, որպէս բողոք՝ Զայանդէ ռուդ գետի երկար ամիսներից ի վեր ցամաքեցմանը, խմբովի հրաժարականի դիմում էին ներկայացրել: Արդիւնքում, օրերս նոյնինքն նախագահ Ռոհանին, պատգամաւորների բողոքի դիմում-նամակին հապճէպ արձագանգելով՝ հրահանգ է իջեցրել՝ Զայանդէ ռուդը վերակենդանացնելու համար, որով նաեւ վերակենսաւորելու են Սպահանի լայնարձակ նահանգի ու շրջանի գիւղատնտեսութեան հնարաւորութիւններն ու գիւղացիութեան ոռոգման ջրի պաշարների նպատակային օգտագործումը, որն նախկինում անփոյթ ու անգրագէտ վարչարարութեան զոհն է դարձել…:

Սիրելի ընթերցող, վստահ ենք, որ դու էլ մեզ հետ հպարտանալու, խրախուսւելու պահեր ես ապրում, ի տես քո ընտրեալ պատգամաւորների, որոնք ինչպէս սեփական համայնքային թէ՛ ազգային, նոյնպէս էլ համընդհանուր շահերին կառչելով՝ հետամուտ են ու նախանձախնդիր մեր սիրելի Իրանի ծաղկմանն ու բարգաւաճմանը: Եւ պատահական չէ, որ Իրանի աւելի քան 110-ամեայ մեջլիսի պատմութեան ու կենսագործունէութեան երկայնքում, յատկապէս հայ պատգամաւորը, վայելել է ինչպէս պետական, այնպէս էլ առաւել եւս՝ ժողովրդական նեցուկն ու յարգանքը:

Եւ տւեալ դէպքում իրաւամբ սպահանցիները արժանին են մատուցել իրենց իսկ ցաւերով ու դժւարութիւններով ապրող՝ անաչառ եւ արդարամիտ հայ պատգամաւոր Ժորժիկ Աբրահամեանին…:

Յարակից լուրեր

  • Վերանորոգ ոգով ու կամքով…
    Վերանորոգ ոգով ու կամքով…

    2019-ը դիմաւորելու առիթով, երէկ «Ալիք»-ի ընտանիքը ի մի էր եկել…

    Ողջ աշխատակազմը իրեն առաւել ամուր զգաց, շնորհիւ հաստատութեան ու վարչութեան ներկայացուցիչների ներկայութեան, որոնք էլ գնահատելով-արժեւորելով համախումբ աշխատանքը՝ բարեմաղթեցին աւելի բարօր պայմաններ՝ նորացւող տարում:

  • Սփիւռքի նախարարութիւնը՝ «Դէ ֆակտօ» անգործութիւնից՝ «Դէ իւրէ» լուծարում…
    Սփիւռքի նախարարութիւնը՝ «Դէ ֆակտօ» անգործութիւնից՝ «Դէ իւրէ» լուծարում…

    Հայաստանի ժամանակաւոր կառավարութիւնը նախագծելով պետական կառավարման գործառոյթների օպտիմալացման իր «Ճանապարհային քարտէզը», նպատակադրել է 17 նախարարութիւնները 12-ի իջեցնել: Կրճատւող 5 նախարարութիւններից, ըստ երեւոյթի, միայն Սփիւռքի նախարարութիւնն է, որ պէտք է լուծարւի, իսկ միւս 4-ը պահպանելու են իրենց նախարարական մակարդակի գործառոյթը՝ տարբեր նախարարութիւնների մէջ ընդգրկւելով: Սփիւռքի նախարարութիւնը, սակայն, ըստ էութեան իջնելու է՝ մարմին, կոմիտէ կամ ինչ-որ գերատեսչութեան բաժնի մակարդակի:

  • Անմիջական երկխօսութեան արգասիքը...
    Անմիջական երկխօսութեան արգասիքը...

    Թանկագին ընթերցող.-

    Երէկ խմբագրութեանս համար հազւադէպ ու միաժամանակ պատւաբեր այցով՝ Հայաստանի Հանրապետութեան արտակարգ ու լիազօր դեսպան պրն. Արտաշէս Թումանեանը, աշխատանքային միջավայրին հաղորդեց առաւել հետաքրքիր ու կրկնակի կենսունակ բնոյթ:

  • Կայացած եւ արդիւնաւէտ քննարկում, բայց...
    Կայացած եւ արդիւնաւէտ քննարկում, բայց...

    Ինչպէս մեր նոյն այս սիւնակի երէկւայ համարում ենք անդրադարձել, դեկտ. 17-ի կլոր սեղան-քննարկման հիմնական թեման Իրան-Հայաստան յարաբերութիւնների մասնաւորապէս քաղաքական հարցերն էին ու դրանցում առիթների ու խոչընդոտների պատճառ-հետեւանքային իրողութիւնները: 

  • Կայացած եւ արդիւնաւէտ քննարկում, բայց...
    Կայացած եւ արդիւնաւէտ քննարկում, բայց...

    Երէկ Հայ Արհեստաւորների միութեան «Արամ Մանուկեան» սրահում «Իրան-Հայաստան» փոխյարաբերութիւնների ընդգրկուն թեմայով բանավէճ- քննարկումները կարելի է բնութագրել որպէս արդիւնաւէտ ու կայացած…

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։