Հա

Օրակարգ

21/09/2019 - 14:40

Գերագոյն նպատակի նոր փորձաքարը...

Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

Դ. Մ.

 

Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

Անցնող 28 տարիներին յաջորդող տարատեսակ վերիվայրումները հանդիսացել են լոկ փորձաքարեր՝ նոյն Անկախութեան արդարացման համար, որի հիմքն էլ կայանում է օրըստօրէ պետականութեան կայացւածութեան ու ազգի պետականամետութեան մէջ:

Հայոց Անկախութեան վերանւաճման հիմնաքարը հանդիսացող Արցախեան ծանրակշիռ փորձաքարը լիովին արդարացւած պէտք է սեպել. նոյնքան էլ արդարացւած է անկախութեան ու պետականութեան անվտանգութեան ծանրակշիռ երաշխիքը՝ Հայոց հերոսական բանակը:

Պետականաշինութեան միւս բոլոր գործօնները՝ իշխանութիւն-կառավարութիւն, դիւանագիտութիւն թէ՛ քաղաքականութիւն, սոցիալ-տնտեսութիւն, մշակոյթ թէ՛ գիտութիւն, արդարադատութիւն եւ կարեւորը՝ պատմական յիշողութիւն, որպէս նոյն փորձաքարային ոլորտներ, որոնք կոչւած են եղել պետական Անկախութեան օրէօր ամրակայմանը, անցնող շուրջ երեք տասնամեակներում պարտաւորւել են որոշակի մարտահրաւէրներ դիմագրաւել՝ իրենց իսկ կայացման եւ ժողովրդական ընդունելութեան արժանանալու համար:

Ահաւասիկ, Հայաստան աշխարհի պետական եռեսնամեայ Անկախութեան շեմին, ժողովրդային կամարտայայտման «թաւշեայ յեղափոխութիւնը», արդէն 1,5 տարի նոր փորձաքարի ու նոր փորձաշրջանի հոլովոյթ է առաջադրել՝ Հայոց Անկախ պետականութեան առաւել կայացման, առաւել զարգացման ու առաւել ամրապնդման նպատակով, որն էլ անկասկած Հայաստանի, Արցախի, Ջաւախքի եւ Սփիւռքի ողջ հայութեան նպատակակէտն է: Տայ Աստւած, որ հայի ու Հայաստանի ու հայութեան գերարժէքի՝ Անկախութեան անսասանութեանն ու պահպանմանը միտող նոր փորձաքարը, որպէս միջոց ի զօրու լինի արդարացնել ինքնիրեն դէպի գերագոյն նպատակին տանող տատասկոտ ճանապարհում…:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։