Հա

Օրակարգ

23/07/2016 - 12:30

Ելք կայ

Վեցերորդ օրն է, ինչ Հայաստանի քաղաքացիներն ու հայութիւնը նոր փորձութեան առաջ են: Զէնքի ուժով քաղաքական փոփոխութիւններ են պահանջում մի խումբ մարդիկ, ովքեր քաղաքական պայքարի մեթոդներն ու ձեւերը չեն ընդունում: Առկայ է փակուղային իրավիճակ, առկայ է մտածողութեան ճգնաժամ: Որ մտածողութիւնը կը յաղթի, ինչ հանգուցալուծում կունենանք, սրանից է կախւած երկրի հետագայ ընթացքը:

ՀՅԴ Հայաստանի ԳՄ-ն յայտարարութեամբ է հանդէս եկել


Վեցերորդ օրն է, ինչ Հայաստանի քաղաքացիներն ու հայութիւնը նոր փորձութեան առաջ են: Զէնքի ուժով քաղաքական փոփոխութիւններ են պահանջում մի խումբ մարդիկ, ովքեր քաղաքական պայքարի մեթոդներն ու ձեւերը չեն ընդունում: Առկայ է փակուղային իրավիճակ, առկայ է մտածողութեան ճգնաժամ: Որ մտածողութիւնը կը յաղթի, ինչ հանգուցալուծում կունենանք, սրանից է կախւած երկրի հետագայ ընթացքը: Այս իրադրութեան մէջ իւրաքանչիւրը՝ անհատ, թէ հասարակական-քաղաքական խմբաւորում պարտաւոր է յստակ դիրքորոշում ունենալ:
Ոստիկանական զօրամասի գրաւումից ժամեր անց, երբ դեռ յայտնի չէր, որ գնդապետ է զոհւել, Հ. Յ. Դաշնակցութիւնը արտայայտել է իր դիրքորոշումը՝ այո, անհրաժեշտ են որակական փոփոխութիւններ, բայց ծայրայեղական մտածողութիւնը ոչ թէ մօտեցնում, այլ հեռացնում է այդ փոփոխութիւնները:
Զէնքով, բռնութեամբ, պատանդներով եւ ահաբեկչութեամբ հարցեր չեն լուծւելու: Նպատակն ինքնին չի արդարացնում միջոցները:
Ով հակառակն է մտածում կամ աջակցում է այդպէս մտածողներին, ուղղակի բացառում է ուժեղ, կազմակերպւած, ազատ երկիր ունենալու հեռանկարը: Պատրանք ստեղծելով, թէ պայքարում են լաւ իշխանութեան, լաւ Հայաստանի համար, իրականում ոչնչացնում են Հայաստանը:
Այն պնդումները, թէ մեր երկրի ծանր իրավիճակը փոխելու այլ ելք չի մնացել կեղծ են ու մտացածին:
Ելք կայ: Բայց, այդ ելքը պահանջում է աշխատանք, գիտակից կազմակերպւածութիւն, ազատ քաղաքացիների համախմբում, հետեւողական պայքար մեզ թուլացնող բոլոր երեւոյթների դէմ, ինչի հիմքերը դժւարութեամբ, բայց ստեղծւում են:
Հայհոյանքը, թշնամանքը, ատելութիւնը, բռնութիւնը, ժողովրդի արդարացի ակնկալիքներն ու դժգոհութիւնը անտեսելը միշտ պառակտում ու ոչնչացնում են հայութեան հաւաքական ներուժը: Արդիւնքում քառօրեայ պատերազմից յետոյ ստեղծւած մեր աներեւակայելի համազգային համախմբումը այսօր լրջօրէն վտանգւած է:
Ճշմարտութիւնը միշտ դառն է, բայց այն չասելը անպատասխանատւութիւն է ու անողնաշարութիւն:
Հոկտեմբերի 27-ից, մարտի 1-ից յետոյ երրորդ հարւածն է հասցւել մեր պետականութեանը: Վտանգ կայ, որ նորից տարիներ ենք կորցնելու, ինչը յղի է ներքին ու արտաքին կեանքում նոր կորուստներով: Չհասկանալ սա, չդատապարտել կատարւածը, նշանակում է ջուր լցնել մեր թշնամիների ջրաղացին:
Հ. Յ. Դաշնակցութիւնը ձտգում է իրավիճակի բացառապէս խաղաղ հանգուցալուծման, անթոյլատրելի է համարում նոր արիւնահեղութիւնը, իրաւապահ մարմիններից պահանջում է արհեստավարժութիւն, պահանջում է յարգել օրինապահ քաղաքացիների իրաւունքներն ու արժանապատւութիւնը, վճռականօրէն դատապարտում է պայքարի ոչ-քաղաքական մեթոդներն ու ծայրայեղական մտածողութիւնը:
Մենք կարող ենք եւ ունենալու ենք ուժեղ, ազատ, բարեկեցիկ Հայաստան: Այդ ճանապարհին պարտաւոր ենք ձեւաւորել եւ նոր որակի իշխանութիւն: Այդ ճանապարհը մենք անցնելու ենք այս արժէքներով ու գիտակցութեամբ առաջնորդւող հասարակութեան լայն շրջանակների հետ:

Հ. Յ. Դաշնակցութեան
Հայաստանի Գերագոյն մարմին

Յարակից լուրեր

  • Ժողովրդավարութեան գերեզմանափորները. դեռ ուշ չի դէմքը փրկելու համար
    Ժողովրդավարութեան գերեզմանափորները. դեռ ուշ չի դէմքը փրկելու համար

    Հրապարակախօս, լրագրող Վահան Իշխանեանն իր ֆէյսբուքեան էջում գրում է.

    «Այն քաղաքական ու հասարակական գործիչները, ովքեր վարչապետ Նիկոլ Փաշինեանի կոչով դատարանների մուտքերը փակեցին կամ ողջունեցին այն, չդիմացան այն փորձութեանը, որով պարզւեց, որ նրանք կայուն համոզմունքներ չունեն ժողովրդավարութեան եւ մարդու իրաւունքների վերաբերեալ, եւ իրենց առաջնորդի մատի շարժումով կարող են վերածւել ժողովրդավարութեան գերեզմանափորների։

  • ՀՅԴ Հայաստանի ԳՄ յայտարարութիւնը
    ՀՅԴ Հայաստանի ԳՄ յայտարարութիւնը

    Վերջին օրերին երկրում ընթացող զարգացումները եւ, յատկապէս, դատաիրաւական համակարգի վերաբերեալ վարչապետ Ն. Փաշինեանի մօտեցումները կրկին մեր հանրային-պետական կեանքի ալեկոծման պատճառ են դարձել։ Այս կապակցութեամբ հարկ ենք համարում կատարել հետեւեալ արձանագրումները.

  • Ժողովրդավարութեան տապալում
    Ժողովրդավարութեան տապալում

    Ժողովրդավարութիւնը մի համակարգ է որում իշխանութիւնը պատկանում է ժողովրդին, որի կառավարումը իրականացւում է ժողովրդի հանրաքւէով հաստատւած սահմանադրութեան սկզբունքների հիման վրայ, կառավարող մարմինների համար պարբերաբար անցկացւող ազատ ու արդար ընտրութիւններով ժողովրդի ընտրեալների միջոցով, ոչ թէ փողոցում մութ նպատակների համար հաւաքւած մի խումբ՝ խուլիգանների:

  • «Հնարաւոր է` Փաշինեանը նախապէս մեղքը գցում է ղարաբաղցիների վրայ». «Minval.az»-ի յօդւածը
    «Հնարաւոր է` Փաշինեանը նախապէս մեղքը գցում է ղարաբաղցիների վրայ». «Minval.az»-ի յօդւածը

    Ադրբեջանական «Minval.az» պարբերականը յօդւած է հրապարակել` անդրադառնալով երէկ Հայաստանում տեղի ունեցած իրադարձութիւններին եւ ՀՀ վարչապետ Նիկոլ Փաշինեանի` դատական համակարգի փոփոխութեան մասին ելոյթին:

  • «Իրատես». «Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու հետեւից 2.5 տասնամեակ անց «թուրք» կարող են վանկարկել ու թքել նրա վրայ»
    «Իրատես». «Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու հետեւից 2.5 տասնամեակ անց «թուրք» կարող են վանկարկել ու թքել նրա վրայ»

    «Իրատես» թերթը գրում է. ««Ո՞ւմ մտքով կանցներ, որ յանուն հայրենիքի ռազմաճակատ մեկնած մարդու ետեւից երկուսուկէս տասնամեակ անց «թուրք» կարող են վանկարկել ու թքել նրա վրայ: Ո՞վ կարող էր պատկերացնել, որ մի բուռ ժողովրդին կարող են սեւերի ու սպիտակների, յեղափոխականների ու հակայեղափոխականների բաժանել ու թոռների հետ զբօսանքի դուրս եկած ազատամարտիկին` ՀՅԴ-ական Հրանտ Մարգարեանին, յարձակման թիրախ դարձնել օրը ցերեկով՝ երեխաների աչքի առջեւ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։