Հա

Օրակարգ

15/12/2016 - 12:10

126-ամեայ ժողովրդանւէր վաստակը

ՀՅԴ աշխարհասփիւռ կառոյցները իւրաքանչիւր տարւայ աւարտին տօնակատարական ձեւաչափով եւս հարազատ ժողովրդի հետ առնչւելու պարտաւորութեան գիտակցումով են առաջնորդւում: Տօնախմբութեան ընդմիջից, սակայն, ՀՅԴ կառոյցները, տարբեր մակարդակներով անխտիր, սեփական ժողովրդին հաշւետւութեան բարոյական պարտքի զգացմունքով են օժտւում՝ շիտակօրէն ու անաչառ զեկուցելով իրենց արածի, չարածի, սայթաքումի, ձեռքբերումների եւ ինչու ոչ՝ բացերի ու բացթողումների մասին:

ՀՅԴ աշխարհասփիւռ կառոյցները իւրաքանչիւր տարւայ աւարտին տօնակատարական ձեւաչափով եւս հարազատ ժողովրդի հետ առնչւելու պարտաւորութեան գիտակցումով են առաջնորդւում: Տօնախմբութեան ընդմիջից, սակայն, ՀՅԴ կառոյցները, տարբեր մակարդակներով անխտիր, սեփական ժողովրդին հաշւետւութեան բարոյական պարտքի զգացմունքով են օժտւում՝ շիտակօրէն ու անաչառ զեկուցելով իրենց արածի, չարածի, սայթաքումի, ձեռքբերումների եւ ինչու ոչ՝ բացերի ու բացթողումների մասին: Ու այդպէս են եղել տւեալ կառոյցները արդէն 126 տարի շարունակ, հիմնադրութիւնից ի վեր...
ՀՅԴ-ի կազմակերպական-աշխարհագրական ստատուսը (աշխարհասփիւռ եւ ապակենտրոն լինելու հանգամանքը) նրան որպէս համահայկական կազմակերպութիւն հանդէս գալու ծանրակշիռ հնարաւորութիւն է ընձեռել ու այդ իսկ պատճառով, ի հեճուկս որոշ թիւրըմբռնումների՝ իր մօտ բացառւել է լոկ կուսակցական-հատւածական միաւորի կարգավիճակը: Դեռ աւելին. կազմակերպական դրւածքից առաւել, Հ. Յ. Դաշնակցութիւնը իր գաղափարա-քաղաքական արժեհամակարգի մշտանորոգ կանխադրոյթներից ելնելով իսկ, հետապնդել ու գործունէութիւն է ծաւալել գերազանցապէս համահայկական նպատակների կենսագործման շրջագծերում, երբ դեռեւս նախորդ դարասկզբում Արեւելահայաստանի ու Արեւմտահայաստանի ազատագրական պայքար էր մղում, եւ երբ դրանից յետոյ տասնամեակներ շարունակ, ընդհուպ մինչեւ 21-րդ դար թեւակոխած՝ վերանկախացած Հայաստան-Արցախում, Ջաւախքում ու արտերկրի Սփիւռքեան գաղթօջախներում, սեփական ժողովրդի բարօրութեան ու բազմոլորտ իրաւունքների ձեռքբերման համար պահանջատէր կեցւածքով է ասպարէզ իջնում:
....Ու շնորհիւ պետականութեամբ խարսխւած՝ 25-ամեայ վերանկախացած Հայրենիքի, ՀՅԴ-ի թէ՛ կազմակերպական եւ թէ՛ գաղափարա-քաղաքական 126-ամեայ ժողովրդանւէր վաստակը աւելիով կոփւելու, կենսունակ դառնալու եւ ժամանակի հետ վերանորոգւելու ուղի է հարթում, դարձեալ համահայկական ու համազգային եւ այսօր, առաւել քան երբեւէ, Հայոց պետականութիւնը հզօրացնող շահերին ու նպատակներին ի խնդիր:
Իսկ ՀՅԴ-ի առջեւ դրւած նպատակները, ինչպէս 126 տարի առաջ, այսօր էլ, Սիամանթօական բնութագիրով՝ «տկարութիւն չեն ճանաչում...»:

Յարակից լուրեր

  • Նրանք գրիչը փոխարինեցին զէնքով ու կռւեցին խաղաղութեան համար
    Նրանք գրիչը փոխարինեցին զէնքով ու կռւեցին խաղաղութեան համար

    1993 թւականի օգօստոսի 23-ին Մարտունու դիրքերում պաշտպանական հատւածը ամրապնդելիս զոհւեցին Մարտունու 26-րդ մոտոհրաձգային գումարտակի հրամանատար, ՀՅԴ Արցախի կենտրոնական կոմիտէի անդամ Մերուժան Մոսիեանը եւ Լիբանանի ՀՅԴ անդամ, ԼՂՀ Մարտունու 26-րդ մոտոհրաձգային գումարտակի հետախուզական եւ զինական մասի խորհրդական Մհեր Ջուլհաճեանը մարտական ընկերների՝ Արտակ Մնացականեանի, Լեւոն Համբարձումեանի եւ Ռուդիկ Աւագեանի հետ:

  • Մեկնարկել է ՀՄԸՄ Արցախի մեկուսի մասնաճիւղի առաջին բանակումը
    Մեկնարկել է ՀՄԸՄ Արցախի մեկուսի մասնաճիւղի առաջին բանակումը

    Օգոստոսի 22-28-ը Ասկերանի շրջանի Պատարա համայնքի տարածքում ընթանում է նախօրէին հիմնւած Հայ մարմնակրթական ընդհանուր միութեան Արցախի մեկուսի մասնաճիւղի առաջին բանակումը:

  • ՀՄԸՄ պաշտօնական մուտքն Արցախ
    ՀՄԸՄ պաշտօնական մուտքն Արցախ

    Ինչպէս տեղեկացրել էինք, օգոստոսի 22-ին Ստեփանակերտում կայացել է Հայ մարմնակրթական ընդհանուր միութեան Արցախի մեկուսի մասնաճիւղի բացման արարողութիւնը:

    Բացման արարողութեանը ներկայ էին ԱՀ նախագահ Բակօ Սահակեանը, Արցախի թեմի առաջնորդ Պարգեւ արքեպիսկոպոս Մարտիրոսեանը, պետնախարար Գրիգորի Մարտիրոսեանը, պետական այրեր, ՀՅԴ Արցախի ԿԿ, ՀՄԸՄ Կենտրոնական Վարչութեան անդամներ, հիւրեր:

  • Արցախում բացւել է ՀՄԸՄ 111-րդ մասնաճիւղը
    Արցախում բացւել է ՀՄԸՄ 111-րդ մասնաճիւղը

    Օգոստոսի 22-ին Արցախի մայրաքաղաք Ստեփանակերտի Վերածննդի հրապարակում հանդիսաւորութեամբ նշւել է Հայ Մարմնակրթական ընդհանուր միութեան (ՀՄԸՄ) Արցախի մասնաճիւղի բացման արարողութիւնը: ՀՄԸՄ-ի Արցախի մասնաճիւղը թւով 111-րդն է եւ բացւել է մօտ մէկ ամիս տեւած նախապատրաստական աշխատանքներից յետոյ:

  • Խմբագրական. Ուղղակի ժողովրդավարութեամբ` հանրաքուէով
    Խմբագրական. Ուղղակի ժողովրդավարութեամբ` հանրաքուէով

    Ամուլսարը հանքարդիւնաբերական նպատակներով շահագործելու խնդիրը համատարած եւ սուր հնչեղութիւն ստացած է մեր երկրին մէջ: Տեղեկատուական բաց համակարգը բնականաբար կը նպաստէ, որ երկրի սահմանները հատուին դէպի ընդհանրապէս հայկական աշխարհ եւ հրապարակային քննարկումները շարունակուին այս առումով: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։