Հա

Համայնք

14/05/2016 - 10:00

Տ. Նշան եպս. Թոփուզեանի վախճանման 6-րդ տարելիցը՝ Ատրպատականում

Կիրակի, մայիսի 1-ին, Լիլաւայի Ս. Սարգիս եկեղեցում մատուցւած սուրբ եւ անմահ պատարագի աւարտին, հոգեհանգստեան յատուկ արարողութիւն կատարւեց, Ատրպատականի հայոց թեմի նախկին առաջնորդ՝ հոգելոյս Տ. Նշան եպս. Թոփուզեանի վախճանման 6-րդ տարելիցի առիթով, նախագահութեամբ թեմակալ առաջնորդ՝ Տ. Գրիգոր եպս. Չիֆթճեանի:

Ատրպատական, ազգ. առաջնորդարան - Կիրակի, մայիսի 1-ին, Լիլաւայի Ս. Սարգիս եկեղեցում մատուցւած սուրբ եւ անմահ պատարագի աւարտին, հոգեհանգստեան յատուկ արարողութիւն կատարւեց, Ատրպատականի հայոց թեմի նախկին առաջնորդ՝ հոգելոյս Տ. Նշան եպս. Թոփուզեանի վախճանման 6-րդ տարելիցի առիթով, նախագահութեամբ թեմակալ առաջնորդ՝ Տ. Գրիգոր եպս. Չիֆթճեանի:
Իր քարոզում, Սրբազան Հայրը վեր հանեց հոգելոյս Սրբազանի երկար տարիների ծառայութիւնը Ատրպատականում, մատնանշելով այն աշխատանքները, որոնք նա իրականացրեց երիտասարդական եռանդով. «Իր շատ երիտասարդ տարիքում, Անթիլիասի Մայրավանքից այստեղ ժամանելով, հոգելոյս Սրբազան Հայրը իր կեանքը կապեց պատմական այս թեմին, նւիրւեց այս ժողովրդին ամբողջական հոգով, եւ անմնացորդ սիրով սիրեց բոլորին»,- ասաց Սրբազան Հայրը: Ապա, նա հանգամանօրէն յիշեց այն հոգեւոր, մշակութային, կալւածական, շինարարական եւ բարեկարգական աշխատանքները, որոնք Նշան Սրբազան Հայրը իր առաջնորդութեան տարիներին իրականացրել էր, յատկապէս թեմի վանքերի վերանորոգութեան ու բարեզարդման հսկելով:
Յաւելենք նաեւ, որ ըստ աւանդութեան, նոյն առիթով հոգեհանգիստ կատարւեց նաեւ Ատրպատականում ծառայած բոլոր հանգուցեալ հոգեւոր սպասաւորների հոգիների խաղաղութեան համար՝ սկսած առաջնորդներից մինչեւ սարկաւագներ եւ դպիրներ:

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։