Հա

Համայնք

14/05/2019 - 11:00

Ատրպատականի հայոց թեմը Անթիլիասում ներկայացրեց իր յառաջիկայ գործունէութեան նախագիծը

Հինգշաբթի 9 մայիս 2019-ի յետմիջօրէին, Ն.Ս.Օ.Տ.Տ. Արամ Ա կաթողիկոսի նախագահութեամբ Մեծի Տանն Կիլիկիոյ կաթողիկոսութեան Ազգային Կենտրոնական Վարչութիւնը լսեց Ատրպատականի հայոց թեմի պատրաստած նախագիծը, իր գործունէութեան յառաջիկայ տարիների գծով:

«alikonline.ir» - Հինգշաբթի 9 մայիս 2019-ի յետմիջօրէին, Ն.Ս.Օ.Տ.Տ. Արամ Ա կաթողիկոսի նախագահութեամբ Մեծի Տանն Կիլիկիոյ կաթողիկոսութեան Ազգային Կենտրոնական Վարչութիւնը լսեց Ատրպատականի հայոց թեմի պատրաստած նախագիծը, իր գործունէութեան յառաջիկայ տարիների գծով: Տեղեկացնում է Ատրպատականի ազգային առաջնորդարանը:

Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի գլխաւորած պատւիրակութեան մաս էին կազմում Պատգամաւորական ժողովի ատենապետ՝ Արմինէ Վահրամեանն ու Թեմական խորհրդի ատենապետ Ռուբիկ Ջանանեանը: Պատւիրակութիւնը երեկոյեան ժամը 4-ին ներկայանալով վերոյիշեալ ժողովին, նախապէս Պատգամաւորական ժողովի աշխատանքային բովից անցած նախածրագիրը ներկայացրեց Վեհափառ Հայրապետին եւ ժողովականներին:

Ողջունելով Ատրպատականի պատւիրակութեանը, Վեհափառ Հայրապետը ամփոփ անդրադարձաւ սոյն թեմի պատմական կարեւորութեանը, Հայ Եկեղեցու անդրա­նիկ թեմը լինելու իրողութեանը եւ եկեղեցական ու ազգային մեր պատմութեան համար այն բարձր նշանակութեանը, որով նա իր մէջ է ամփոփում մեր ազգի Լուսաւորիչ զոյգ առաքեալներից Սբ. Թադէոսի նահատակութեան սրբավայրը, ինչպէս նաեւ բազմաթիւ այլ սրբավայրեր:

Նորին Սրբութիւնը նաեւ պարզաբանեց աշխարհաքաղաքական այն իւրայատուկ դրւածքը թեմին, որով դարեր շարունակ հայ ժողովրդի զաւակները այս տարածաշրջանում խաղաղ համակեցութեամբ են գոյատեւել, տարբեր ազգերի ու կրօնների բազմագոյն միջավայրում:

Ատրպատականի առաջնորդ Գրիգոր Սրբազան ներածական ամփոփ զեկոյցով հանդէս եկաւ, թեմում բնակւող ժողովրդի տոկունութեան եւ իր ծննդավայրում արմատաւորւած լինելու իրողութեանն անդրադառնալով: Ազգային-եկեղեցական կեանքի բնականոն առօրեայի մասին խօսելով, նա իր երախտագիտութիւնը յայտնեց Իրանի Իսլամական Հանրապետութեան, այն առանձնաշնորհներին եւ դիւրութիւններին համար, որ հիւսիսային Իրանում, յատկապէս Ատրպատականում տրւում է մեր ժողովրդի զաւակներին:

Պատգամաւորական ժողովի ատենապետուհի Արմինէ Վահրամեանը այնուհետեւ մանրամասն ներկայացրեց թեմի յառաջիկայ հնգամեայ գործունէութեան նախածրագիրը, դրա եկեղեցական, կրթական, մշակութային, միութենական եւ շինարարական տարբեր բաժիններով: Նախածրագիրը ընդգրկում էր թեմի հայաշատ զոյգ քաղաքների՝ Թաւրիզի եւ Ուրմիոյ, ինչպէս նաեւ Սալմաստի եւ այլ շրջանների աշխատանքային ծրագրերը, որոնցից ոմանք արդէն իսկ գործադրութեան նախնական փուլերում են գտնւում:

Թեմական խորհրդի ատենապետ՝ Ռուբիկ Ջանանեանը մասնագիտական վերլուծումներով լուսաբանութիւն տւեց շինարարական բնագաւառի բոլոր նախածրագրերին, որոնցից ոմանք արդէն իսկ գործադրւել են, իսկ ուրիշներ իրենց նախնական քայլերն են վերցրել, հասութաբեր աղբիւրներ ստեղծելու համար թեմի գոյապահպանման: Աշխարհագրական սահմաններով ընդարձակ թեմի վերահսկողութեան դժւարութիւններին անդրադարձաւ նա, ցոյց տալով այն բացառիկ ճիգը, որը ի գործ է դրւում թեմում, հոգեւորական եւ աշխարհական մարդոյժի միացեալ աշխատանքով:

Պատւիրակութեան անդամները այնուհետեւ պատասխանեցին իրենց ուղղւած հարցերին, յատկապէս շեշտը դնելով Ատրպատականցի հայի իր հողերում մնալու եւ Հայաստանի սահմանակից հայութիւն լինելու գիտակից դերակատարութեանը վրայ:

Հանդիպման աւարտին, բոլոր ժողովականների ներկայութեան, Ատրպատականի հայոց թեմի անունից պատւիրակութիւնը Վեհափառ Հայրապետին նւիրեց Կիլիկիոյ Կաթողիկութեան զինանշանը կրող մետաքսահիւս թանկարժէք մէկ գորգ, հիւսւած Թաւրիզում, գորգարւեստի վարպետ Շաքէ Աբգարեանի ձեռամբ: Վեհափառ Հայրապետը բարձր գնահատեց սոյն նւիրաբերումը, որը հարստացնելու է Մեծի Տանն Կիլիկիոյ Կաթողիկոսութեան թանգարանի գորգարւեստի բաժանմունքի հաւաքածոն:

Նշենք, որ առաջնորդ Սրբազանը 7-9 Մայիս 2019-ին, Անթիլիասի Մայրավանքում մասնակցեց Մեծի Տանն Կիլիկիոյ կաթողիկոսութեան Ազգային Կենտրոնական Վարչութեան Կրօնական եւ Միացեալ նիստերին, իբրեւ անդամ սոյն մարմնին:

Յայտնենք, որ պատւիրակութիւնը շաբաթ 11 մայիս 2019-ի առաւօտեան նախաճաշի հիւրը եղաւ Նորին Սրբութեան եւ առանձին հանդիպում ունեցաւ նրա հետ: Ապա պատւիրակութիւնը նոյն օրը Թաւրիզ վերադարձաւ, հոգեպէս վերանորոգւած Հայ Եկեղեցու կենտրոնում եւ Մեծի Տանն Կիլիկիոյ Մայրավանքում լինելու բարի պատեհութիւնից:

Յարակից լուրեր

  • Ն.Ս.Օ.Տ.Տ. Արամ Ա կաթողիկոս իր տեսակէտը կը պարզէ «Իստանպուլի գոնւենցիա»-ի մասին
    Ն.Ս.Օ.Տ.Տ. Արամ Ա կաթողիկոս իր տեսակէտը կը պարզէ «Իստանպուլի գոնւենցիա»-ի մասին

    Սուրբ Աստուածածնի ուխտի օրուան բազմահազար ժողովուրդին ուղղած իր Հայրապետական պատգամին մէջ, խօսելով հայ ընտանիքին հոգեւոր, բարոյական ու ազգային արժէքները պահելու հրամայական անհրաժեշտութեան մասին, Ն.Ս.Օ.Տ.Տ. Արամ Ա կաթողիկոս իր յստակ տեսակէտը պարզեց, այսպէս կոչուած, «Իստանպուլի Գոնվենցիայ»-ին մասին: Նորին Սրբութիւնը հետեւեալ չորս կէտերուն մէջ ամփոփեց իր մօտեցումը.-

  • Ատրպատականի հայոց թեմի առաջնորդը Ղարադաղի Իւրգիւթիւն գիւղում
    Ատրպատականի հայոց թեմի առաջնորդը Ղարադաղի Իւրգիւթիւն գիւղում

    Թեմի պատմութեան ընթացքում հայաթափւած տարբեր բնակավայրերում գտնւող եկեղեցիների եւ ազգային այլ կառոյցների տեղագրութիւնը կատարելու մեծ ճիգ ի գործ դնելով, Ատրպատականի հայոց թեմի առաջնորդ Գերշ. Տ. գրիգոր Ս. եպս. Չիֆթճեանը երկուշաբթի, 12 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Իւրգիւթիւն գիւղը, վերայայտնելու այն ինչ որ մնացել էր անցեալից, իբրեւ շօշափելի յիշատակ, տեղի հայ կեանքից:

  • Ատրպատականի հայոց թեմի առաջնորդը Ղարադաղի Ասրան գիւղում
    Ատրպատականի հայոց թեմի առաջնորդը Ղարադաղի Ասրան գիւղում

    Տեղագրական եւ կալւածային ցուցակագրման իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 9 օգոստոս 2019 թ.-ին այցելեց Ղարադաղի Քէյւան գաւառակի նախկին հայաբնակ Ասրան գիւղը, հայկական հետքեր որոնելու այնտեղ:

  • Նորոգութիւններ Սալմաստի Հաֆթւան, Սառնա եւ Ախտախանա գիւղերի հայկական եկեղեցիներում
    Նորոգութիւններ Սալմաստի Հաֆթւան, Սառնա եւ Ախտախանա գիւղերի հայկական եկեղեցիներում

    Չորեքշաբթի, 7 օգոստոս 2019 թ.-ի վաղ առաւօտուն, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Սալմաստ, մօտկից հետեւելու գաւառի մի քանի եկեղեցիների վերանորոգութեան աշխատանքներին, որոնք կատարւում են Իրանի Մշակութային ժառանգութիւնների հիմնարկութեան կողմից եւ հիմնարկութեան նիւթական հովանաւորութեամբ, անմիջական հսկողութեամբ Իրանի Եկեղեցիների պահպանութեան կենտրոնին, տնօրէնութեամբ դոկտ. Շերլի Աւետեանի:

  • Թաւրիզի Հայ համլսարանականների միութեան վարչութիւնը այցելեց Ատրպատականի հայոց թեմի առաջնորդին
    Թաւրիզի Հայ համլսարանականների միութեան վարչութիւնը այցելեց Ատրպատականի հայոց թեմի առաջնորդին

    Երեքշաբթի, 6 օգոստոս 2019 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը իր գրասենեակում ընդունեց Թաւրիզի Հայ համալսարանականների միութեան նորընտիր վարչութեան կազմին, որը եկել էր Սրբազան Հօր օրհնութիւնը ստանալ, իր ընտրութիւնից յետոյ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։