Հա

Համայնք

01/07/2019 - 10:20

Ն.Ս.Օ.Տ.Տ. Արամ Ա կաթողիկոսի ընտրութեան եւ օծման 24-րդ տարեդարձը Ատրպատականի հայոց թեմում

Մեծի Տանն Կիլիկիոյ Վեհափառ Հայրապետ՝ Ն.Ս.Օ.Տ.Տ. Արամ Ա Սրբազնագոյն ազգընտիր կաթողիկոսի ընտրութեան եւ հովւապետական օծման 24-րդ տարեդարձի ուրախ առիթով (յունիս 28 - 1 յուլիս 1995) կիրակի, 30 յունիս 2019 թ.-ին, Ատրպատականի հայոց թեմում կատարւեց Հայրապետական մաղթանք, Վեհափառ Հայրապետի կենաց արեւշատութեան, քաջառողջութեան եւ Մեծի Տանն Կիլիկիոյ կաթողիկոսութեան անսասանութեան համար:

«alikonline.ir» - Մեծի Տանն Կիլիկիոյ Վեհափառ Հայրապետ՝ Ն.Ս.Օ.Տ.Տ. Արամ Ա Սրբազնագոյն ազգընտիր կաթողիկոսի ընտրութեան եւ հովւապետական օծման 24-րդ տարեդարձի ուրախ առիթով (յունիս 28 - 1 յուլիս 1995) կիրակի, 30 յունիս 2019 թ.-ին, Ատրպատականի հայոց թեմում կատարւեց Հայրապետական մաղթանք, Վեհափառ Հայրապետի կենաց արեւշատութեան, քաջառողջութեան եւ Մեծի Տանն Կիլիկիոյ կաթողիկոսութեան անսասանութեան համար: Տեղեկացնում է Ատրպատականի ազգային առաջնորդարանը:

Թաւրիզի Լիլաւա հայաշատ թաղամասի Սբ. Սարգիս եկեղեցում եկեղեցական արարողութեան նախագահեց եւ իր պատգամը յղեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, իսկ Ուրմիայի Սբ. Ստեփանոս ծխական եկեղեցում ս. պատարագը մատոյց եւ քարոզեց՝ արժ. Տ. Ներսէս քհնյ. Պասիլեան: Թաւրիզում ս. պատարագի երգեցողութիւնը կատարեց «Կոմիտաս» երգչախումբը, ղեկավարութեամբ երաժիշտ Վարդան Վահրամեանի, իսկ Ուրմիայում «Նարեկացի» երգչախումբը, ղեկավարութեամբ Արտեմիս Բայրամեանի: Թաւրիզում, մոմակրութեամբ եւ քշոցակրութեամբ խորանին սպասարկում էին մանուկներ, որոնք Վեհափառ Հայրապետին վերջին հովւապետական այցի ընթացքում, (մայիս 2012 թ.), հազիւ քայլող կամ գրկի երեխաներ էին, իսկ այսօր Հայոց Հայրապետի համար կատարւած Մաղթանք Հայրապետականին են մասնակցում, խորանի վրայ պաշտօն ստանձնելով..:

Պատգամից առաջ, Առաջնորդ Սրբազանի գլխաւորութեամբ, խորանի սուրբ բեմում, «Ուրախ լեր» շարականի երգեցողութեամբ սկսւեց Հայրապետական մաղթանքը, Մեծի Տանն Կիլիկիոյ Վեհափառ Հայրապետների յատուկ բարեմաղթական աղօթքը, որը խմբագրւել է 1930 թւին, երջանկայիշատակ Տ.Տ. Բաբգէն Ա Կիւլէսէրեան կաթողիկոսի կողմից: Բնագրին հետեւողութեամբ կարդացւեցին սուրբգրային  համապատասխան ընթերցումներ եւ մաղթանքներ՝ վասն արեւշատութեան եւ «ընդ երկայն աւուրս» գահակալութեան Ն.Ս.Օ.Տ.Տ. Արամ Ա Վեհափառ Հայրապետի եւ ի պայծառութիւն Մեծի Տանն Կիլիկիոյ կաթողիկոսական Սուրբ Աթոռոյն:

Առաջնորդ Սրբազանը իր պատգամով, մեկնաբանեց Հայրապետական մաղթանքի բնագրում տեղադրւած աւետարանական հատւածի Քաջ Հովւի պատկերը, ցոյց տալով որ հովւի նւիրաբերումը, սովորական պարտականութիւն չէ՛, այլ անձնազոհութիւն, նոյնիսկ կորուսեալ այն մէկի համար, որը դարձեալ մաս է կազմում իր հօտին. «Հովւապետական մականը իր ձեռքին, ընտրութեան եւ օծման օրւանից Վեհափառ Հայրապետը մեր ժողովրդի զաւակներին հաւաքում է Քրիստոսի հօտի մէջ: Աշխարհացրիւ հայութեան գաղթօջախներում, Լիբանանից սկսեալ մինչեւ աշխարհի տարբեր անկիւններում գտնւող հայերը նրա ուշադրութիւնից չեն վրիպում: Միւս կողմից, հոգեւոր ու ազգային ծառայութեան պարունակից դուրս, Արամ Ա կաթողիկոս իր ժողովրդի արժանաւոր ներկայացուցիչը եղաւ ու շարունակում է մնալ, միջազգային բեմերում, համաշխարհային մակարդակի վրայ: Եկեղեցիների Համաշխարհային Խորհրդի բարձրագոյն դիրքը զբաղեցնելու օրերից, նա մեր ազգի դատի նւիրեալ խօսնակը դարձաւ ամէն տեղ, պետական ու քաղաքական բարձրագոյն ամբիոններից բարձրաձայնելով անիրաււած մեր ժողովրդի արդար դատի լուծման տենչը հայութեան:

«Վեհափառը նաեւ եղաւ շինարար Հայրապետ: Նայեցէ՛ք Անթիլիասի վանքին, Պիքֆայայի վանքին, Կաթողիկոսարանի միւս հիմնարկութիւններին: Հին, լքւած, մաշւած ոչինչ չի՛ մնացել: Անթիլիասի հին օրերից միայն մէկ պարիսպ մնացել էր, որ Մայրավանքի հայ որբերի որբանոց լինելու օրւանից կար, դա եւս վերացւել է եւ Կաթողիկոսարանը վերածւել է հոգեւոր ու վարչական շքեղ կենտրոնի սփիւռքահայութեան սրտին վայել:

«Արամ Ա Վեհափառ Հայրապետը ուժեղ նկարագրի տէր մարդ է, որ կարող է իրմով հմայել հոգեւորականների, պետական, քաղաքական ու հասարակական գործիչների, որոնք պատրաստւում են իրենց ծառայութեան համապատասխան կեանքին ու ասպարէզին, եւ կամ արդէն իսկ կան իրենց պաշտօնների գլխին կանգնած: Նրա հզօր անհատականութիւնը խորապէս տպաւորում է իրեն լսողներին, յառաջադէմ եւ նոր ծրագրերի միշտ բաց միտք եւ հեռատես հայեացք տեսնելով նրա աչքերի մէջ:

«Իր այս վեհ ինքնութեամբ եւ ճաշակաւոր նախասիրութիւններով, նաեւ նա կարողանում է վարակել թեմերի մէջ գործող հոգեւորական եւ աշխարհական ծառայողներին: Մեր բոլոր թեմերի հոգեւորականութեան համար տիպար օրինակը Վեհափառն է, իսկ աշխարհական ղեկավարութիւնը միշտ հետամուտ՝ Նորին Սրբութեան ցուցմունքին եւ հայրական թելադրութիւններին: Նայեցէ՛ք մեր բոլոր թեմերին, Վեհափառի ներկայութիւնը զգալու էք այնտեղ, որովհետեւ նրա հզօր շնչով թափ է ստանում գործը, ինչպէս նաեւ արդիւնաւորւում է այն, նրա աղօթքով ու քաջալերանքով»,- ասաց Սրբազանը:

Հայրապետական մաղթանքը իր աւարտին հասաւ երգչախմբի եւ ներկայ հաւատացեալների կողմից միաբերան երգւած «Կիլիկիա» մաղթերգով:

Յարակից լուրեր

  • Ն.Ս.Օ.Տ.Տ. Արամ Ա կաթողիկոս իր տեսակէտը կը պարզէ «Իստանպուլի գոնւենցիա»-ի մասին
    Ն.Ս.Օ.Տ.Տ. Արամ Ա կաթողիկոս իր տեսակէտը կը պարզէ «Իստանպուլի գոնւենցիա»-ի մասին

    Սուրբ Աստուածածնի ուխտի օրուան բազմահազար ժողովուրդին ուղղած իր Հայրապետական պատգամին մէջ, խօսելով հայ ընտանիքին հոգեւոր, բարոյական ու ազգային արժէքները պահելու հրամայական անհրաժեշտութեան մասին, Ն.Ս.Օ.Տ.Տ. Արամ Ա կաթողիկոս իր յստակ տեսակէտը պարզեց, այսպէս կոչուած, «Իստանպուլի Գոնվենցիայ»-ին մասին: Նորին Սրբութիւնը հետեւեալ չորս կէտերուն մէջ ամփոփեց իր մօտեցումը.-

  • Ատրպատականի հայոց թեմի առաջնորդը Ղարադաղի Իւրգիւթիւն գիւղում
    Ատրպատականի հայոց թեմի առաջնորդը Ղարադաղի Իւրգիւթիւն գիւղում

    Թեմի պատմութեան ընթացքում հայաթափւած տարբեր բնակավայրերում գտնւող եկեղեցիների եւ ազգային այլ կառոյցների տեղագրութիւնը կատարելու մեծ ճիգ ի գործ դնելով, Ատրպատականի հայոց թեմի առաջնորդ Գերշ. Տ. գրիգոր Ս. եպս. Չիֆթճեանը երկուշաբթի, 12 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Իւրգիւթիւն գիւղը, վերայայտնելու այն ինչ որ մնացել էր անցեալից, իբրեւ շօշափելի յիշատակ, տեղի հայ կեանքից:

  • Ատրպատականի հայոց թեմի առաջնորդը Ղարադաղի Ասրան գիւղում
    Ատրպատականի հայոց թեմի առաջնորդը Ղարադաղի Ասրան գիւղում

    Տեղագրական եւ կալւածային ցուցակագրման իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 9 օգոստոս 2019 թ.-ին այցելեց Ղարադաղի Քէյւան գաւառակի նախկին հայաբնակ Ասրան գիւղը, հայկական հետքեր որոնելու այնտեղ:

  • Նորոգութիւններ Սալմաստի Հաֆթւան, Սառնա եւ Ախտախանա գիւղերի հայկական եկեղեցիներում
    Նորոգութիւններ Սալմաստի Հաֆթւան, Սառնա եւ Ախտախանա գիւղերի հայկական եկեղեցիներում

    Չորեքշաբթի, 7 օգոստոս 2019 թ.-ի վաղ առաւօտուն, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Սալմաստ, մօտկից հետեւելու գաւառի մի քանի եկեղեցիների վերանորոգութեան աշխատանքներին, որոնք կատարւում են Իրանի Մշակութային ժառանգութիւնների հիմնարկութեան կողմից եւ հիմնարկութեան նիւթական հովանաւորութեամբ, անմիջական հսկողութեամբ Իրանի Եկեղեցիների պահպանութեան կենտրոնին, տնօրէնութեամբ դոկտ. Շերլի Աւետեանի:

  • «Վահագն Տատրեանի մահը կորուստ մըն է ազգային պահանջատիրութեան». Ն.Ս.Օ.Տ.Տ. Արամ Ա կաթողիկոս
    «Վահագն Տատրեանի մահը կորուստ մըն է ազգային պահանջատիրութեան». Ն.Ս.Օ.Տ.Տ. Արամ Ա կաթողիկոս

    Կիրակի, 4 օգոստոս 2019-ին, Վեհափառ Հայրապետը ցաւով իմացաւ փրոֆ. Վահագն Տատրեանի մահուան գոյժը, որուն համար յայտնեց, թէ անոր կորուստը մեծ է մանաւանդ Հայ Դատի աշխատանքներուն առնչութեամբ։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։