Հա

Համայնք

15/02/2014 - 10:40

Թեհրանի Ս. Սարգիս եկեղեցու պատմականը

Հայ Եկեղեցու տօնացոյցի համաձայն՝ Ս. Սարգսի տօնը այս տարի փետրւարի 15-ին է: Սոյն տօնը նաեւ Թեհրանի Ս. Սարգիս եկեղեցու անւանակոչութեան տօնն է: Այս առթիւ նոյն օրը եկեղեցում մատուցւում է ս. պատարագ եւ տրւում է քարոզ, նաեւ հոգեհանգստեան արարողութիւն է կատարւում եկեղեցու բարերար Սարգսեան ընտանիքի հանգուցեալ անդամների յիշատակին:

ՅՈՎԻԿ ՄԻՆԱՍԵԱՆ

Հայ Եկեղեցու տօնացոյցի համաձայն՝ Ս. Սարգսի տօնը այս տարի փետրւարի 15-ին է: Սոյն տօնը նաեւ Թեհրանի Ս. Սարգիս եկեղեցու անւանակոչութեան տօնն է: Այս առթիւ նոյն օրը եկեղեցում մատուցւում է ս. պատարագ եւ տրւում է քարոզ, նաեւ հոգեհանգստեան արարողութիւն է կատարւում եկեղեցու բարերար Սարգսեան ընտանիքի հանգուցեալ անդամների յիշատակին:
Ս. Սարգիս եկեղեցու տօնի սեմին ընթերցողներին ներկայացնում ենք սոյն եկեղեցու պատմականը:
Ս. Սարգիս եկեղեցին գտնւում է Քարիմխան եւ Նեջաթօլլահի (նախկին Վիլլա) պողոտաների խաչմերուկում: Ընդհանուր տարածքն է 2350 քառ. մետր, իսկ եկեղեցուն յատկացւած կառուցւածքը՝ 571 քառ. մետր: Ունի շուրջ 34.40 մետր երկարութիւն եւ 16.50 մետր լայնք: Թեհրանի առաջնորդանիստ մայր եկեղեցին է, որի շրջափակում գտնւում է Թեհրանի հայոց թեմի ազգային առաջնորդարանը, որը կառուցւել է Մարգար Սարգսեանի բարերարութեամբ՝ ի յիշատակ իր կնոջ՝ Խանում Սարգսեանի:
Ս. Սարգիս եկեղեցու հիմնօրհնէքը կատարւել է 1964 թւականի մայիսին՝ Թեհրանի հայոց թեմի ժամանակի առաջնորդ Տ. Արտակ արք. Մանուկեանի ձեռամբ: Եկեղեցու կառուցումն սկսւել է 1966 թւականին, Գուրգէն եւ Վազգէն Սարգսեանների բարերարութեամբ, ի յիշատակ իրենց հօր՝ Մարգար Սարգսեանի, 1961 թւականին ազգային իշխանութեան կողմից գնւած հողամասի վրայ:
Եկեղեցու ճարտարապետն էր Օժէն (Ժենիա) Աֆթանդիլեանը: Օծումը կատարւել է 1973 թւականի ապրիլի 29-ին՝ Մեծի Տանն Կիլիկիոյ ժամանակի կաթողիկոս Տ. Տ. Խորէն Ա Բարոյեանի ձեռամբ՝ հայ եւ եւրոպացի հոգեւորականների, Թեհրանի իսլամ կրօնապետի, Իրանի պետական այրերի, օտարերկրեայ դեսպանների, ազգային մարմինների եւ մեծ թւով հաւատացեալ հասարակութեան ներկայութեամբ:
Ունի երգեցիկ խումբ՝ ղեկավարութեամբ Կարինէ Մուրադեանի եւ դոկտ. Էլիպս Մասեհեանի. երգեհոնով նւագակցում են՝ Օֆիկ Մելիքեանը եւ Նարեկ Աբրահամեանը:
Եկեղեցու շրջափակում գտնւում են՝ Մեծ Եղեռնի յուշակոթող (բարերար՝ Արսէն Տէր-Յակոբեան՝ ի յիշատակ իր ծնողների՝ Գրիգորի եւ Մաշինկայի), որի պաշտօնական բացումը կատարւեց 1973 թւականի ապրիլին՝ Խորէն Ա կաթողիկոսի ձեռամբ, Թեհրանի հայոց թեմի նախկին առաջնորդ Տ. Արտակ արք. Մանուկեանի շիրիմը եւ մի գրատուն՝ «Մաշտոց» անունով:
Սոյն եկեղեցում նախկինում պաշտօնավարել են՝ Տ. Սարգիս քհնյ. Մարսէլեանը, Տ. Գաբրիէլ քհնյ. Քեշիշեանը, Տ. Բաբգէն քհնյ. Սարգսեանը, Տ. Վազգէն քհնյ. Շմաւոնեանը, Տ. Տաճատ քհնյ. Մելիքեանը, Տ. Արսէն քհնյ. Աւետեանը, Տ. Ռուբէն քհնյ. Միսիսեանը եւ Տ. Յակոբ քհնյ. Քեշիշեանը: Ներկայում եկեղեցում պաշտօնավարում են՝ Տ. Վարազդատ աւ. քհնյ. Տէրտէրեանը, Տ. Սահակ քհնյ. Խոսրովեանը եւ Տ. Արիստակէս քհնյ. Շահմիրեանը:
Ունի երկու Կիրակնօրեայ դպրոց, որոնց պարապմունքները կատարւում են «Արաքս» եւ «Ռոստոմ» դպրոցներում:
Սոյն եկեղեցու նստարանները տրամադրել են՝ Գեղայր Հովուեանը եւ Գուգուշ Յովհաննիսեանը՝ ի յիշատակ իրենց վաղամեռիկ որդիների՝ Դաւիթի եւ Ռուդիի:
Եկեղեցու մկրտութեան աւազանը կառուցւել է 2006 թւականին՝ Հրայր Յակոբեանի բարերարութեամբ՝ իր տիկնոջ՝ Վարդուհի Դաւթեան-Յակոբեանի յիշատակին:

Յարակից լուրեր

  • Ս. Սարգսի շրջակայ միջավայրի բարձրութիւնը խախտւել է
    Ս. Սարգսի շրջակայ միջավայրի բարձրութիւնը խախտւել է

    Թեհրանի ամենամեծ եկեղեցի համարւող Ս. Սարգսի շրջակայ յուշարձանի միջավայրի բարձրութեան թոյլատրելի չափերը գերազանցւել է, որի շահագործման իրաւասութիւնների լիազօրագրի հաստատումը յանձնւել է մասնաւոր սեկտորին:  

  • Ս. Սարգիս եկեղեցու Եկեղեցական խորհուրդը հանդիպեց առաջնորդ Սրբազանին
    Ս. Սարգիս եկեղեցու Եկեղեցական խորհուրդը հանդիպեց առաջնորդ Սրբազանին

    Երեքշաբթի, յուլիսի 9-ի կէսօրին, Ս. Սարգիս եկեղեցու Եկեղեցական խորհուրդը հանդիպեց թեմիս առաջնորդ գերշ. Տ. Սեպուհ Ս. արք. Սարգսեանին:

  • Հաղորդագրութիւն
    Հաղորդագրութիւն

    Առ ի գիտութիւն յայտնում ենք, Թեհրանի թեմի մեր սիրելի ժողովրդի զաւակներին, որ հրաւէրով թեմիս առաջնորդ գերշ. Տ. Սեպուհ Ս. արք. Սարգսեանի եւ ներկայութեամբ Պատգամաւորական ժողովի դիւանի ամբողջական կազմի, Պատգամաւորական ժողովի կողմից ընտրւած թեմիս գործադիր իշխանութեան կազմերը՝ Կրօնական, Թեմական խորհուրդներն ու Հաշւեքննիչ մարմինը իրենց անդրանիկ նիստերը առանձնաբար գումարեցին 2019 թւականի  մայիսի 29-ին, ազգային առաջնորդարանում եւ ընտրեցին իրենց դիւանները հետեւեալ կազմերով.-

  • Համբարձման տօնակատարութիւն
    Համբարձման տօնակատարութիւն

    Մեր եկեղեցու տօնացոյցի համաձայն, թւականիս հինգշաբթի մայիսի 30-ը մեր Տիրոջ Յիսուս Քրիստոսի երկինք Համբարձման տօնն էր:

    Այդ ուրախ առիթով Թեհրանի եկեղեցիներում հինգշաբթի առաւօտեան մատուցւեց Քրիստոսի երկինք համբարձման տօնի առիթով սուրբ պատարագ:

  • Թեհրանի Ս. Սարգիս եկեղեցում նշւեց հանգուցեալ էմամ Խոմէյնիի մահւան 30-րդ տարելիցը
    Թեհրանի Ս. Սարգիս եկեղեցում նշւեց հանգուցեալ էմամ Խոմէյնիի մահւան 30-րդ տարելիցը

    Իսլամական յեղափոխութեան հիմնադիր առաջնորդ հանգուցեալ էմամ Խոմէյնիի մահւան 30-րդ տարելիցը մեծարելու առիթով, երէկ՝ մայիսի 24-ին, առաւօտեան իւրայատուկ միջոցառում էր կազմակերպւել Թեհրանի Ս. Սարգիս առաջնորդանիստ եկեղեցում, նախագահութեամբ Թ. Հ. թեմի առաջնորդ Տ. Սեպուհ արք. Սարգսեանի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։