Հա

Համայնք

04/10/2015 - 07:30

Թ. Հ. թեմի առաջնորդի եւ Թեմական խորհրդի հանդիպումը՝ Թեհրանի Թաղային խորհուրդների հայ անդամների հետ

Թ. Հ. թեմի առաջնորդ Տ. Սեպուհ արք. Սարգսեանի եւ Թեմական խորհրդի ատենապետի եւ անդամների հետ կայացած հանդիպմանը, Թաղային խորհուրդների 12 հայ անդամներից նեկայ էին ութը, որոնք մաս էին կազմում Զարքեշ, Մաջիդիէ, Բահար եւ Վանաք շրջանների Թաղային խորհուրդներին:

Թ. Հ. Թ. Թեմական խորհրդի նախաձեռնութեամբ, թւականիս սեպտ.-ի 23-ին ազգային առաջնորդարանի դահլիճում հանդիպում էր կազմակերպւել Թաղային խորհուրդների հայ անդամների հետ:
Թ. Հ. թեմի առաջնորդ Տ. Սեպուհ արք. Սարգսեանի եւ Թեմական խորհրդի ատենապետի եւ անդամների հետ կայացած հանդիպմանը, Թաղային խորհուրդների 12 հայ անդամներից նեկայ էին ութը, որոնք մաս էին կազմում Զարքեշ, Մաջիդիէ, Բահար եւ Վանաք շրջանների Թաղային խորհուրդներին:
Հանդիպման ընթացքում, Թաղային խորհուրդների անդամները զեկուցեցին իրենց աշխատանքների, իրաւասութիւնների եւ քաղաքապետարանի հետ իրենց յարաբերութիւնների մանրամասները:
Իւրաքանչիւրը ներկայացրեց իր շրջանի խորհրդի կողմից այդ շրջանի հայկական կառոյցներին, ինչպիսին՝ դպրոցներ, եկեղեցիներ եւ միութիւններ, նաեւ Կարիքաւորներին օժանդակող մարմնին ցուցաբերած օժանդակութիւնների մասին, յաւելելով, որ կարելի է աւելի օժանդակութիւն տրամադրել:
Հանդիպման ընթացքում, խօսւեց նաեւ նման ընտրութիւններին, մասնակցելու հարցով համայնքիս խրախուսելու նպատակով, ազգային մարմինների համագործակցութեան անհրաժեշտութեան մասին:
Հանդիպման աւարտին, թեմակալ առաջնորդը կարեւորեց խորհուրդների դերը ու աշխատանքները եւ նրանց կապը Թեմական խորհրդի հետ, համայնքային աշխատանքներն է՛լ աւելի դիւրին դարձնելու համար: Կարեւորւեց նաեւ նման հանդիպումների յաճախականութիւնը:

Թ. Հ. Թ. Հանրային կապ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։