Հա

Համայնք

15/01/2018

Մշակոյթի նախարարի տեղակալի այցը՝ Ազգային առաջնորդարան

Երէկ՝ յունւարի 14-ին Նոր տարւայ եւ Ս. Ծննդեան տօների կապակցութեամբ իրանահայութեանը Իսլամական մշակոյթի եւ արաջնորդութեան նախարարութեան պատգամը փոխանեցելու նպատակով, մշակութային գծով նախարարի տեղակալ Մոհսէն Ջաւադին եւ նրա գլխաւորած պատւիրակութիւնն այցելել են Սրբազան Հօրը՝ մաղթելով համայնքին համերաշխութիւն, ծրագրերի իրականացում եւ նոր ձեռքբերումներ:

«alikonline.ir», Ս. Ֆարմանեան - Երէկ՝ յունւարի 14-ին Նոր տարւայ եւ Ս. Ծննդեան տօների կապակցութեամբ իրանահայութեանը Իսլամական մշակոյթի եւ արաջնորդութեան նախարարութեան պատգամը փոխանեցելու նպատակով, մշակութային գծով նախարարի տեղակալ Մոհսէն Ջաւադին եւ նրա գլխաւորած պատւիրակութիւնն այցելել են Սրբազան Հօրը՝ մաղթելով համայնքին համերաշխութիւն, ծրագրերի իրականացում եւ նոր ձեռքբերումներ:

Հանդիպմանը ներկայ էին  Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, Թ. Հ. Թ. Պատգամաւորական ժողովի եւ Թ. Հ. Թ. Թեմական խորհրդի ատենապետները եւ ներկայացուցիչները:

Հանդիպման ժամանակ գերշ. Տ. Սեպուհ Ս. արք. Սարգսեանն ողջունելով հիւրերին ասաց. «Իսլ. յեղափոխութեան առաջնորդի եւ երկրի իշխանութիւնների ուշադրութիւնը մէկ անգամ եւս ապացուցն է մեր բարեկամական ամուր կապերի, իսկ դա Իրանի իշխանութիւնների կողմից մշտապէս ցուցաբերւող բարեկամական վերաբերմունքի արդիւնքն է, ինչի համար եւս անկեղծ շնորհակալ ենք»:

Սրբազան Հայրն անդրադառնալով ԱՄՆ նախագահ Դոնալդ Թրամփի Երուսաղէմն Իսրայէլի մայրաքաղաք ճանաչելու մասին յայտարարութեանը նշեց. «ԱՄՆ նախագահի այդ յայտարարութիւնը, չի համապատասխանում ե՛ւ պատմական իրողութեան ե՛ւ միջազգային օրէնքի նորմերին»։

Սրբազան Հայրը դատապարտելով Դոնալդ Թրամփի որոշումը ընդգծեց, որ կրօնների իրաւունքները պէտք է միշտ պաշտպանւած լինեն Երուսաղէմում, յստակեցնելով. «Մեր բողոքի եւ դատապարտութեան ձայնն ենք բարձրացնում, որովհետեւ ե՛ւ իսլամութեան ե՛ւ քրիստոնէութեան համար անընդունելի որոշում է դա, քանի որ Երուսաղէմը իբրեւ միաստւածեան կրօնների կենտրոն անբաժան մասն է կազմում Պաղեստինի»:

Հանդիպմանը դոկտ. Կարէն Խանլարեանն էլ իր հերթին ողջունելով ներկաներին շնորհակալութիւն յայտնեց նախարարութեանը եւ իշխանութիւններին տօնական օրերին ցուցաբերած աջակցութեան եւ համայնքային տօնական միջոցառումների կազմակերպման արտօնութիւններ տալու հարցում:

Մոհսէն Ջաւադին էլ իր հերթին անդրադառնալով Դոնալդ Թրամփի որոշմանը՝ գնահատեց Սրբազան Հօր հաւասարակշռւած դիրքորոշումը Պաղեստինի հարցում, միաժամանակ, յոյս յայտնելով, որ Պաղեստինի ժողովուրդը կը հասնի իր արդար պահանջներին:

Նախարարի տեղակալը եւս մէկ անգամ, շեշտելով համայնքին օժանդակելու նախարարութեան պատրաստակամութեան մասին յայտնեց, որ դա կը լինի շարունակական՝ աւելացնելով. «Իրանահայ համայնքը իր ուրոյն դերով մշտապէս ակտիւօրէն մասնակցել է երկրի զարգացման ծրագրերին եւ եղել մեր կողքին»: Նա յաւելեց. «Նախարարութիւնը կարեւորում է ազգային փոքրամասնութիւնների դերն ու նշանակութիւնը երկրի կեանքում եւ պատրաստ է իր լիազօրութիւնների շրջանակում համագործակցել ու աջակցել»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։