Հա
11/03/2018 - 12:21

Շահան Գանտահարեան. «Լիբանանահայութեան շրջանում կայ ցանկութիւն գալ Հայաստան, բայց դա զանգւածային բնոյթ չունի»

Լիբանանում հրապարակւող «Ազդակ» թերթի խմբագիր Շահան Գանտահարեանի խօսքով՝ եւ՛ սիրիական պատերազմը, եւ՛ երկրի ներսում տեղի ունեցողն իրենց ազդեցութիւնն ունենում են Լիբանանի վրայ, եւ արդիւնքում նկատւում է նաեւ լիբանանահայութեան որոշակի արտահոսք:

«alikonline.ir» - Լիբանանում հրապարակւող «Ազդակ» թերթի խմբագիր Շահան Գանտահարեանի խօսքով՝ եւ՛ սիրիական պատերազմը, եւ՛ երկրի ներսում տեղի ունեցողն իրենց ազդեցութիւնն ունենում են Լիբանանի վրայ, եւ արդիւնքում նկատւում է նաեւ լիբանանահայութեան որոշակի արտահոսք:

Նա «tert.am»-ի հետ զրոյցում նկատեց, որ ընդհանրապէս քրիստոնեայ ազգաբնակչութիւնը հեռանում է եւ՛ Եգիպտոսից, եւ՛ Սիրիայից, եւ՛ Իրանից, եւ՛ նաեւ Լիբանանից:

«Բայց Լիբանանը, որն անցել է 17-ամեայ քաղաքացիական պատերազմի բովով, հիմա համեմատաբար հանգիստ է:  Իհարկէ, կայ մտավախութիւն, որ բազմաթիւ գործօնների հետեւանքով, լարւածութիւն նորից կը սկսւի, բայց այդ գործօնները  սահմանափակ տեսքով եղան մինչ հիմա. զսպող մեխանիզմներ կան հիմա: Այսօր շատ աւելի լաւատեսական գնահատականներ եւ բնութագրեր են հնչում այն առումով, որ Լիբանանն արդէն համալիբանանեան կեցւածք է դրսեւորել»,- ասաց նա:

Նշենք, որ աւելի վաղ արտակարգ եւ լիազօր դեսպան Արման Նաւասարդեանը, կանխատեսելով եւ զգալով լիբանանահայ համայնքին սպառնացող վտանգը՝ նշել էր, որ պէտք է զբաղւել լիբանանահայերի հայրենադարձութեան խնդիրներով:

Լիբանանահայ խմբագիր Շահան Գանտահարեանը համաձայնեց, որ Լիբանանում ներքաղաքական խնդիրները շատ էին, սակայն նկատեց, որ դրանք կարծես թէ լուծւում են:

«Վարչապետը հրաժարական տւեց, յատկապէս Սաուդական Արաբիայի պատճառով: Բայց յետոյ միջազգային հանրութիւնը նրան հետ բերեց իր պաշտօնին»,- ասաց նա՝ յաւելելով, որ այս պահի դրութեամբ չկայ այն աշխարհաքաղաքական որոշումը, որ Լիբանին եւս ներքաշեն պատերազմական գործողութիւնների մէջ:

Շահան Գանտահարեանի խօսքով՝ լիբանանահայութեան շրջանում կայ ցանկութիւն գալ Հայաստան, բայց դա զանգւածային բնոյթ չունի:

«Կարծում եմ, որ «Հայրենադարձութեան մասին» օրէնքի մշակումը շատ ողջունելի է: Դա չի վերաբերում միայն լիբանանահայերին, այլ ամբողջ սփիւռքին»,- ասաց նա:

Խօսելով լիբանանահայութեան՝ հայրենիք վերադառնալու մասին՝ նորից նշեց, որ հիմա էլ նկատելի է, որ որոշակի խումբ գալիս է Հայաստան, նաեւ նկատեց՝ հայրենիքի հետ կապն ամրացրել են այստեղից դէպի Լիբանան եղած կանոնաւոր թռիչքները:

«Կապն ակտիւացել է Լիբանանի հետ, եւ նաեւ միջպետական յարաբերութիւններն են խորանում»,- ասաց նա՝ մատնանշելով ՀՀ նախագահի այցը Բէյրութ եւ հոկտեմբերին սպասւող Լիբանանի նախագահի այցը Երեւան,- դա կօգնի, որ համայնքում երիտասարդները  մտածեն նաեւ հայրենիք վերադառնալու մասին: Լիբանանի համայնքը շատ մեծ դեր է կատարում նաեւ երկու երկրների միջեւ յարաբերութիւնների խորացման հարցում»:

Դիտարկմանը, թէ Սիրիայի պատերազմի հետեւանքով Հայաստան եկած սիրիահայերի մի մասը դժգոհեց Հայաստանից, թէ իրենց այստեղ լաւ չընդունեցին, գուցէ լիբանանահայերի դէպքում էլ նման խնդիր լինի, Շահան Գանտահարեանը պատասխանեց. «Ես համաձայն չեմ, որ այստեղ սիրիահայերին լաւ չընդունեցին, որովհետև եւ՛ Սփիւռքի նախարարութիւնը, եւ՛ համապատասխան գերատեսչութիւնները հայեցակարգեր են մշակել եւ գործնական քայլերի դիմել: Ոմանք, իհարկէ, Հայաստան որպէս տարածք են դիտարկել՝ այլ տեղ գնալու համար՝ Լիբանանը առաջին կանգառ համարելով, յետոյ Հայաստան եկել: Բայց ստւար մի խումբ մնացել է այստեղ, եւ նրանք շատ գոհ են պետութեան ընձեռած հնարաւորութիւններից»:

Յարակից լուրեր

  • Ակնարկ. Ուաշինկթընի հետեւողական պահուածքը խնդրոյ խռարկայ է
    Ակնարկ. Ուաշինկթընի հետեւողական պահուածքը խնդրոյ խռարկայ է

    Հայաստանի Հանրապետութեան մէջ Միացեալ Նահանգներու դեսպանին կատարած յայտարարութիւնը թէ՛ պատմական եւ թէ՛ քաղաքական ու իրաւական տուեալներով կարելի է հակափաստարկել: Բնականաբար նաեւ շատ համոզիչ ձեւերով պարզել, թէ ինչո՛ւ այդ մասին քննարկումներ չկան հայկական դաշտին մէջ, երբ յատկապէս ի սպառ կը բացակային քննարկումները Պաքուի մէջ անցեալին վերադարձը բացառելու եւ Արցախի ժողովուրդի կամարտայայտութեան փաստին հետ հաշուի նստելու: Որուն համար զարմանք չի յայտներ ամերիկացի դիւանագէտը:

  • Մեկնարկում է Իրանի եւ Հայաստանի առողջապահական զբօսաշրջութեան ոլորտների համագործակցութիւնը
    Մեկնարկում է Իրանի եւ Հայաստանի առողջապահական զբօսաշրջութեան ոլորտների համագործակցութիւնը

    ԻԻՀ առողջապահութեան փոխնախարար Հաշեմիի Հայաստան կատարած այցի ընթացքում, քննարկւել է երկու երկրների միջեւ առողջապահական զբօսաշրջութեան զարգացման հարցը: Այդ շրջանակում, առաջին իրանական ընկերութիւնը ռադիոթերապիայի զարգացած սարքաւորումներով սկսել է Հայաստանում իր աշխատանքը:

  • Վահան Իշխանեան. «Ինչ շուտ հպարտ քաղաքացիները դարձան բեսետկեքի անբաններ»
    Վահան Իշխանեան. «Ինչ շուտ հպարտ քաղաքացիները դարձան բեսետկեքի անբաններ»

    Հրապարակախօս Վահան Իշխանեանն իր ֆէյսբուքեան էջում գրում. «Նիկոլ Փաշինեանը արդէն հակայեղափոխականներ է փնտրում հասարակութեան աւելի լայն շերտերում, ամենախոցելի խաւերում՝ գործազուրկների ու աղքատների մէջ, արդէն ամենաաղքատ խաւերին է մեղադրում երկրի տնտեսական անյաջողութիւններում, նրանց մեղադրում է թէ ծոյլ են, չեն ուզում աշխատել։ 

  • Չինաստանը Հայաստանին նւիրաբերեց շտապ բուժօգնութեան 200 աւտոմեքենայ
    Չինաստանը Հայաստանին նւիրաբերեց շտապ բուժօգնութեան 200 աւտոմեքենայ

    Չինաստանի Ժողովրդական Հանրապետութիւնը Հայաստանի Հանրապետութեանը նւիրաբերեց շտապ բուժօգնութեան 200 աւտոմեքենայ. յանձնման հանդիսաւոր արարողութիւնը տեղի ունեցաւ Երեւանում, ներկայ էին ՀՀ վարչապետի պաշտօնակատար Նիկոլ Փաշինեանը, Հայաստանում Չինաստանի արտակարգ եւ լիազօր դեսպան Թիէն Ըրլոնգը, ՀՀ առողջապահութեան նախարարի պաշտօնակատար Արսէն Թորոսեանը եւ այլք:

  • Վարդան Ոսկանեան. «Իրանը շահագրգռւած է Հայաստանի տարածքով տարանցման միջոցով դէպի Սեւ ծով ելք ապահովման հնարաւորութեամբ»
    Վարդան Ոսկանեան. «Իրանը շահագրգռւած է Հայաստանի տարածքով տարանցման միջոցով դէպի Սեւ ծով ելք ապահովման հնարաւորութեամբ»

    Իրանագէտ Վարդան Ոսկանեանն իր ֆէյսբուքեան էջում գրում է. «Բազմիցս նշել եմ, որ իրանցիների համար նշանաբանութիւնը եւ խօսքային կամ գործնական մակարդակում անուղղակի նշանների կամ ուղերձների փոխանակումը չափազանց արդիական եւ, ըստ էութեան, աշխարհայացքային կարեւորագոյն բաղադրիչ է։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։