Հա

Գաղափարական

18/05/2019 - 14:30

Մենք տակաւին այդ շունն ենք

Սփիւռքը սունկի նման չբուսաւ։ Ան պարտադրուեցաւ, որպէսզի վերանայ հայրենիքը եւ ընդհուպ չքանայ ազգը։ Սփիւռքահայը մացառի նման չչորացաւ, հողմերուն զարնուեցաւ բայց դիմացաւ, որպէսզի ապրի եւ իրմով ապրեցնէ կորսուած հայրենիքը։

ՍԵԴՕ ՊՈՅԱՃԵԱՆ

 

Սփիւռքը սունկի նման չբուսաւ։ Ան պարտադրուեցաւ, որպէսզի վերանայ հայրենիքը եւ ընդհուպ չքանայ ազգը։ Սփիւռքահայը մացառի նման չչորացաւ, հողմերուն զարնուեցաւ բայց դիմացաւ, որպէսզի ապրի եւ իրմով ապրեցնէ կորսուած հայրենիքը։

Հակառակ բոլոր դժուարութիւններուն եւ շրջապատի խոչընդոտներուն, մենք մեր լեռներէն վար չիջանք։ Մնացինք մեր լեռնաշխարհի բարձունքներուն վրայ՝ հոգեպէս, մտքով, եւ էութեամբ։ Հայրենացուցինք Սփիւռքեան գաղթօճախները, որպէսզի հայրենանանք ներքնապէս։ Կազմակերպեցինք ու կազմակերպուեցանք։ Քաղաքականացուցինք ու քաղաքականացուեցանք։ Յեղափոխականացուցինք եւ յեղափոխականացուեցանք։ Այս բոլորը եւ աւելի՚ն կատարեցինք՝ յանուն արդարութեան, յանուն մեր հաւաքական յաւերժութեան, յանուն մեր հայրենիքի վերականգման։

Անոնք մանկութիւն չունեցող մարդիկ էին սկիզբը, եւ իմաստ ու առաքելութիւն տուին Սփիւռքին։ Ետքէն եկան պահանջատէրերը, որոնք պահեցին հին երազները եւ որոնեցին նոր ճամբաներ։ Նոր ճամբաներ, որոնց աւանդները պահ կը մնային իրենց հայկական երակներուն մէջ։ Այդ հին բայց միշտ նոր աւանդները հրաբուխի նման ժայթքեցին, որպէսզի վերականգնի արդարութիւնը։ Անոնք դարձան արդարութեան մարտիկ եւ ազատամարտիկ՝ մեծ ու փոքր մայրաքաղաքներէն մինչեւ Արցախեան բարձր լեռները։

Անոնք այդ շուներն էին, որ պահպանեցին ու ամրացուցին մեր ինքնութիւնը։ Անոնք այդ նոյն շուներն էին, որ աւելի հայացուցին եւ հայրենացուցին մեզ։

Այսօր երբ մակերեսային ծեքծեքումներ ողողած են մեր ազգային կեանքը, երբ եսի համար երկչոտութիւնը վերածուած է խոհեմութեան, երբ սահմանափակումներով մարդիկ մեզ կը փորձեն կեղծ բարձունքներ տանիլ, շուներուն առաքելութիւնը վերածուած է ոչ միայն անհրաժեշտութեան, այլեւ պարտադիր հրամայականի։

Թերեւս դժուար է ըմբռնել այս բոլորը։ Բայց ըմբռնելու համար պէտք է կրկին վերադառնալ Պօղոս Սնապեանի «Ես այդ շունն եմ» գործին, թափանցելու համար այն ապրումներուն եւ խոստումներուն, որոնք տակաւին կը շարունակեն հայկականութիւն եւ մարտունակութիւն ներշնչել։

«Ներդաշնակուած ծեքծեքումները չեն լիացներ մեր հոգին, մենք վարժ չենք սալոններու կեանքին, մենք լեռն ենք տակաւին, մեր հոգիները լեռներէն վար չէ իջած, մեր հոգին լեռնաշխարհներու ծարաւի։

«Սահմանաւորուած չափերը չեն կրնար տանիլ մեզ կատարներուն, կատարներու գինովութեան։

«Ուսումնասիրուած կշռոյթներուն մէջ կը խեղդուի՜նք, մենք յախուռն կեանքն ենք, բխումը, յանկարծական ու տաք աղաղակը, ամեհի, վայրի հոգիին ի նուէր պղպջացող վաղնջական արիւն մը կը կրենք մեր երակներուն, մեր գետերուն պէս անսանձ, մենք պոռթկումն ենք, ապստամբ հունչը։

«Մենք հիմա չենք կրնար նոր երգ յօրինել։ Մենք հիմա չենք կրնար մեր երգերէն հեռու ապրիլ։ Հերոսը պէտք է մռնչէ տակաւին ու Սուլթանը դողդղայ։ Պէտք է տեսնենք լեղապատառ փախչող թշնամին ու անոնց ետեւէն արնահեղ Գէորգը, Անդրանիկ փաշան, մեր հայրենեաց փառք ու պատիւ Սերոբ փաշայի հմայքը ծաւալի հոգիներուն մէջ, ըսենք չծնանք ազատ, ըսենք գէթ մեռնինք ազատ, կուրծքէն չորս գնդակ ստացած ու կրկին հրացան պարպելու կամքը բերող տղան ներկա՛յ ըլլայ մեր մէջ, երգը հնչէ նորէն, եաման Աստուած մեր երգը, վէրքերով լի, ջա՛ն ֆետայի, սխրալի, անհատելի՜...» (Պօղոս Սնապեան, «Ես այդ շունն եմ»)

Այսօր, մենք տակաւին այդ շունն ենք։

«Yerkir.am»

Յարակից լուրեր

  • Անկայուն երկիրը վտանգուած երկիր է. Պա՛հն է Արտաւազդներու եւ Արամներու
    Անկայուն երկիրը վտանգուած երկիր է. Պա՛հն է Արտաւազդներու եւ Արամներու

    Դաշնակցական մտաւորական, հրապարակագիր եւ հրապարակախօս Սեդօ Պոյաճեանը ֆէյսբուքի իր էջում գրել է. «Այսօր երկիրը վտանգուած է թէ՛ ներքին եւ թէ՛ արտաքին ճակատներու վրայ։

  • Ընկերական մտորումներ
    Ընկերական մտորումներ

    Վերջերս հաւաքական զրոյցի մը ընթացքին յայտնուեցաւ այն կարծիքը, թէ սփիւռքահայ կեանքի մէջ լճացում մը, եթէ ոչ արդէն նահանջ մը կ՚արձանագրուի. պատճա՞ռը՝ մեր աւանդական կուսակցութիւններու, իրենց ուղեկից կազմակերպութիւններով հանդերձ եւ թեմական-եկեղեցական կառոյցներու ժամանակավրէպ դարձած ըլլալն է։

  • Ծանիր զքեզ, Սփիւռք
    Ծանիր զքեզ, Սփիւռք

    Ցեղասպանութեան հետեւանքով եւ Հայաստանի խորհրդայնացումէն յետոյ աշխարհացրիւ հայութեան համայնքային կազմակերպումը, որ պատմութեան մէջ առաջին անգամ ըլլալով ինքզինք ճանչցաւ որպէս Սփիւռք, իր գոյապայքարը իմաստաւորեց եռակի յարացոյցով մը՝ վերապրում, հայապահպանում, հայրենադարձութիւն:

  • Սփիւռքի նկատմամբ թէ համար
    Սփիւռքի նկատմամբ թէ համար

    «Հիմա ասեմ, թէ որն է խնդիրը, որ մենք ունենում ենք՝ կապւած սփիւռքի կառուցւածքի հետ: 30 տարի առաջ սփիւռքի 90%-ը ներգրաււած էր մեր ճանաչած կազմակերպութիւններում՝ սփիւռքի խոշոր հաստատութիւններում: Այսօր սփիւռքի 90%-ը դուրս է այս կառոյցներից, այսինքն՝ այսօր մենք չունենք հաղորդակցման յստակ կապեր սփիւռքահայերի 90%-ի հետ»: Այս դիտարկումը պատկանում է վարչապետ Նիկոլ Փաշինեանին, գրի է առնւել ու հրապարակւել ֆրանսահայ պարբերականներից Nouvelle d՛Armenie-ում, հայերէն թարգմանւել «Առաւօտ» կայքէջի կողմից:

  • Դաշնակցութիւնը ուրիշ կուսակցութիւնների նման չէ
    Դաշնակցութիւնը ուրիշ կուսակցութիւնների նման չէ

    Դաշնակցական մտաւորական, հրապարակաիգիր եւ հրապարակախօս Սեդօ Պոյաճեանն իր ֆէյսբուքի էջում գրել է. «Վարէն մինչեւ իշխանական մակարդակներ գործում են բթամիտներ, որոնք Սփիւռքը պառակտելու իրենց ցնորածին ծրագրի երազը տեսնում են Դաշնակցութիւնը պառակտուած տեսնելու իրենց միւս երազին մէջ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։