Հա
15/07/2017

Ռուսաստանցի քաղաքագէտ. «Բաքուն խոչընդոտում է աբխազական երկաթգծի բացմանը, որ Հայաստանին շրջափակման մէջ պահի»

Յատկապէս Բաքուն եւ որոշ չափով Անկարան խոչընդոտում են Աբխազական երկաթգծի բացման գործընթացը: Այս մասին ասել է Մերձաւոր Արեւելքի եւ Կովկասի երկրների հարցերով ռուսաստանցի փորձագէտ Ստանիսլաւ Տարասովը: 

«alikonline.ir» - Յատկապէս Բաքուն եւ որոշ չափով Անկարան խոչընդոտում են Աբխազական երկաթգծի բացման գործընթացը: «tert.am»-ի հետ զրոյցում այս մասին ասել է Մերձաւոր Արեւելքի եւ Կովկասի երկրների հարցերով ռուսաստանցի փորձագէտ Ստանիսլաւ Տարասովը: 

Վերջինս նշել է, որ Ռուսաստանի եւ Վրաստանի միջեւ ներկայումս լուրջ բանակցութիւններ են ընթանում, գործընթացն արագացնելու համար ՌԴ ԱԳ նախարարը վերջերս մեկնել էր Աբխազիա եւ Աբխազիան երկաթգիծը բացելու հարցում իր հաւանութիւնը տւել է: 

«Կարծում եմ, որ Աբխազական երկաթգծի բացումը, որը կը վերականգնի Հայաստանի, Ռուսաստանի եւ Վրաստանի միջեւ հաղորդակցութիւնը, մօտ ապագայում տեղի կունենայ: Այս գործընթացին խանգարում է Վրաստանի միջոցով Բաքուն, իսկ որոշ առումով նաեւ Թուրքիան, որովհետեւ պաշտօնական Անկարայի ուշադրութիւնը Մերձավոր Արեւելքն է»,-ասել է Ստանիսլաւ Տարասովը: 

Վերջինս շեշտել է, Բաքուն խոչընդոտում է երկաթգծի բացմանը, որովհետեւ Հայաստանին մեկուսացնելու, շրջափակման մէջ պահելու քաղաքականութիւն է վարում: 

«Ադրբեջանում հասկանում են, որ եթէ երկաթգիծը բացւի, այն նոր հնարաւորութիւններ կը ստեղծի Հայաստանի համար, սա կոմունիկացիա է, ՌԴ հետ կապերը խորացնելու նոր միջոց է: Իսկ Հայաստանը ԵԱՏՄ անդամ է, ՀԱՊԿ անդամ է, ունի բազմաթիւ առեւտրային, ռազմական եւ այլ պայմանագրեր, որոնք ենթադրում են Ռուսաստանի հետ ակտիւ համագործակցութիւն»,- մանրամասնել է Ստանիսլաւ Տարասովը: 

Իսկ ահա Թուրքիայի պարագայում, ըստ նրա, իրավիճակը փոքր-ինչ այլ է: Տարասովն ասել է, որ պաշտօնական Անկարան խնդիր ունի «սեփական դաշտում ու դրանք լուծելով է զբաղւած»: 

«Թուրքիան սեփական դաշտում ֆուտբոլ է խաղում, իսկ սեփական դաշտում ֆուտբոլ խաղալ, նշանակում է՝ երբեմն պարտւել, երբեմն հաւասարեցնել հաշիւը, յաղթել՝ հազւադէպ: Անկարան կարող է ազդել Բաքւի վրայ, որ Բաքուն աւելի շատ հետեւողական լինի այս հարցում, բայց հէնց Թուրքիան այս պահին չունի դրա ժամանակը»,- ասել է Ս. Տարասովը: 

Քաղաքագէտի դիտարկմամբ՝ որոշակի դասաւորւածութեան պարագայում հարցը մօտ ժամանակներում կարող է լուծւել, երկաթգիծը կը բացւի, բայց ոչ հիմա: Ստանիսլաւ Տարասովը շեշտել է, որ աբխազական երկաթգիծը կը բացւի միայն այն ժամանակ, երբ տարածաշրջանում լինի յարաբերական անդորր:

Յարակից լուրեր

  • Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»
    Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»

    Կան ներդրողներ, ես անուններ չեմ հրապարակի, բայց բաւական մեծ ծաւալի ներդրումների մասին է խօսքը: Աւելի կոնկրետ ներդրումը կը լինի, դուք կը տեսնէք: Այս մասին այսօր կառավարութեան նիստի մեկնարկից առաջ լրագրողների հետ ճեպազրոյցում ասաց տնտեսական զարգացման եւ ներդրումների նախարար Արծւիկ Մինասեանը:

  • Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին
    Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին

    Վերջին ամիսներին Հայաստանի ներսում քաղաքական գործընթացների խաղաղ հանգուցալուծումը եւ առանց աշխարհաքաղաքան ցնցումների՝ երկրի զարգացման ուղու ապահովումը զարմացրեց շատերին, այդ թւում՝ Ադրբեջանին, որտեղ ոչ միայն զարմանում, այլ դատելով նաեւ մամուլում շարունակւող հրապարակումներից, ցաւում են նման ելքի համար։

  • Հայաստանը կարող է հանդիսանալ այն կղզեակը, որից կը կարողանան օգտւել իրանցիները
    Հայաստանը կարող է հանդիսանալ այն կղզեակը, որից կը կարողանան օգտւել իրանցիները

    Օրերս Ֆրանսիայի ֆինանսների նախարար Բրունօ Լը Մերը ցաւով յայտարարել է, որ ֆրանսիական մի քանի խոշոր ընկերութիւններ, որոնք միջուկային համաձայնութիւնից յետոյ սկսել էին գործունէութիւն ծաւալել Իրանում, հնարաւոր է՝ չկարողանան այլեւս շարունակել իրենց հետագայ համագործակցութիւնն ու դուրս գան իրանական շուկայից։ Պատճառն, ըստ Ֆրանսիայի գլխաւոր ֆինանսիստի, իհարկէ, ամերիկեան նախատեսւող պատժամիջոցներն են։ 

  • Միֆեր եւ իրականութիւն պարտադիր կուտակային կենսաթոշակային համակարգի մասին
    Միֆեր եւ իրականութիւն պարտադիր կուտակային կենսաթոշակային համակարգի մասին

    Կենսաթոշակային համակարգը երկրի քաղաքական, տնտեսական եւ սոցիալական անվտանգութեան տեսանկիւնից կարեւորագոյն գործօններից է, որի արդիւնաւէտ եւ առողջ կենսագործունէութեամբ մեծապէս պայմանաւորւած են երկրի սոցիալ-տնտեսական, բիւջետային կայունութիւնը, քաղաքացիների ընդհանուր բարեկեցութիւնը, հասարակութեան ունակութիւնը հոգ տանել իր անդամների մասին մինչեւ խոր ծերութիւն։

  • Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»
    Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»

    Ի վերջոյ Արցախի եւ Հայաստանի վերամիաւորումը պէտք է լինի․ «Ազատութիւն» ռ/կ-ի «Ֆէյսբուքեան ասուլիս» հաղորդաշարի ընթացքում նման միտք արտայայտեց Անվտանգութեան խորհրդի քարտուղար Արմէն Գրիգորեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։