Հա

Ազգային

01/04/2018 - 07:00

Երևանում տեղի է ունեցել ՀՅԴ երիտասարդական և ուսանողական միութիւնների ներկայացուցիչների համահայկական խորհրդաժողովը

2018 թ. Մարտի 28-30-ը, Երևանում տեղի ունեցաւ Հ.Յ.Դ. երիտասարդական և ուսանողական միութիւնների ներկայացուցիչների համահայկական խորհրդաժողովը։ Խորհրդաժողովին մասնակցում էին 35 ներկայացուցիչներ 16 երկրներից (Աւստրալիա, Արգենտինա, Ուրուգուայ, Կանադա, Ա.Մ.Ն. Արևելեան և Արևմտեան շրջաններ, Ֆրանսիա, Հոլանդիա, Լիբանան, Սիրիա, Իրան, Հայաստան, Արցախ և այլուր)։

2018 թ. Մարտի 28-30-ը, Երևանում տեղի ունեցաւ Հ.Յ.Դ. երիտասարդական և ուսանողական միութիւնների ներկայացուցիչների համահայկական խորհրդաժողովը։ Խորհրդաժողովին մասնակցում էին 35 ներկայացուցիչներ 16 երկրներից (Աւստրալիա, Արգենտինա, Ուրուգուայ, Կանադա, Ա.Մ.Ն. Արևելեան և Արևմտեան շրջաններ, Ֆրանսիա, Հոլանդիա, Լիբանան, Սիրիա, Իրան, Հայաստան, Արցախ և այլուր)։ 

Բացման խօսքով հանդէս եկաւ Հ.Յ.Դ. Բիւրոյի Երիտասարդական գրասենեակի պատասխանատու ընկեր Սարգիս Մկրտչեանը։

Եռօրեայ խորհրդաժողովում մասնակցիները նախ զեկուցեցին անցնող երկու տարիների իրենց պատկան միութեան գործունէութեան և դիմագրաւած դժուարութիւնների մասին, ապա ունկնդրեցին Հ.Յ.Դ. Բիւրոյի Երիտասարդական գրասենեակի գործունէութեան զեկոյցը։

Այնուհետև տեղի ունեցաւ քննարկում «Հանրային կապի հարցը Հ.Յ.Դ. երիտասարդական դաշտում», «Հ.Յ.Դ. Երիտասարդականի արտաքին-յարաբերական աշխատանքները», «Հ.Հ. 100-ամեակ», «Պատանեկան ճամբարներ», «Դաստիարակչական նիւթեր» և այլ հարցերի շուրջ։ Մանրամասնօրէն վերհանուեցին Հ.Յ.Դ. Երիտասարդականի առջև ծառացած մարտահրաւէրները և առաջարկներ հնչեցին լուծումների ու հետագայ անելիքների վերաբերեալ։

Մարտի 29-ին խորհրդաժողովի մասնակիցները հանդիպում ունեցան Հ.Յ.Դ. Բիւրոյի ներկայացուցիչ ընկեր Հրանտ Մարգարեանի հետ, ով խօսեց «Հայաստանի ներքին և արտաքին քաղաքական իրավիճակն ու Հ.Յ.Դ. դերն ու անելիքները» նիւթի մասին և պատասխանեց երիտասարդների բազմաթիւ հարցումներին։

Առանձին զեկոյցներով Հ.Յ.Դ. Բիւրոյի Հանրային կապի գրասենեակի պատասխանատու ընկեր Արտակը Սարգսեանը ներկայացրեց «Հ.Յ.Դ. հանրային կապի ռազմավարութեան հիմնադրոյթները» և Հ.Յ.Դ. Մամլոյ դիւանի պատասխանատու ընկեր Արտաշէս Շահբազեանը «Հ.Հ. 100-ամեակ» թեմաները։

Խորհրդաժողովը տեղի ունեցաւ ընկերական ջերմ մթնոլորտում։

Վերջում խորհրդաժողովի մասնակիցներն ընդունեցին Յայտարարութիւն, որը ներկայացւում է ստորև։

Յայտարարութիւն
Հ Յ Դաշնակցութեան երիտասարդական և ուսանողական միութիւնների համահայկական խորհրդաժողովի

30.03.2018թ.
Երևան

ՀՅԴ երիտասարդական և ուսանողական միութիւնների համահայկական խորհրդաժողովը.

– Լսելով Հայաստանի Հանրապետութեան ներքաղաքական, արտաքին քաղաքական և սոցիալ-տնտեսական իրավիճակի վերաբերեալ համապարփակ զեկոյց,
– Քննարկելով հայրենիքի և սփիւռքի երիտասարդութեան առջև ծառացած ազգային, կրթական և ընկերային խնդիրները,
– Քննարկելով ՀՅԴ երիտասարդական և ուսանողական միութիւնների առջև ծառացած մարտահրաւէրները,
– Անդրադառնալով միութիւնների կազմակերպական կարողականութիւնների շարունակական զարգացման ու արդիականացման խնդիրներին,
– Արձանագրելով արտաքին-յարաբերական ոլորտում ՀՅԴ Երիտասարդականի ձեռք բերած յաջողութիւնները,
– Քննարկելով միութիւնների կողմից Հայաստանում և Արցախում իրականացւող պատանեկան ճամբարների հարցերը,
– Անդրադառնալով Հայաստանի Հանրապետութեան հիմնադրության 100 ամեակի առիթով ՀՅԴ Երիտասարդականի անելիքներին,

յայտարարում է

– Հայաստանի և Արցախի հանրապետութիւնների երիտասարդության կրթական, ընկերային և քաղաքական խնդիրները շարունակում են անհանգստացնող մնալ՝ նպաստելով երիտասարդների կրթական մակարդակի ոչ բաւարար լինելուն, սոցիալական դժւարութիւններին, աշխատաշուկայի անհամաչափութեանը և քաղաքական հնարաւորութիւնների անհավասարությանը, որոնք պետութեան բացթողումն են: Ուստի այս խնդիրները շարունակում են մնալ ՀՅԴ Երիտասարդականի սևեռուն ուշադրութեան կենտրոնում։

-Արցախի Հանրապետութեան միջազգային ճանաչման գործընթացը ՀՅԴ Երիտասարդականի արտաքին-յարաբերական աշխատանքների հիմնական քաղաքական առաջնահերթութիւններից է։

-Հայաստանի Հանրապետութեան 100 ամյակի առթիվ ՀՅԴ Երիտասարդականը պէտք է կազմակերպի միջոցառումներ՝ թէ տեղային, թէ համահայկական մակարդակներում։

– Հայրենիք-սփիւռք համագործակցութեան առաւելագոյն արդիւնաւորման գործում երիտասարդութիւնը, և յատկապէս ՀՅԴ Երիտասարդականն ունեն իրենց ուրոյն յանձնառութիւն

– Անհրաժեշտ է սփիւռքի համայնքներում մեծացնել հայ երիտասարդութեան համայնքային, կազմակերպական և քաղաքական ներգրաււածութեան մակարդակը։

– Կարեւոր է համարւում միութիւնների աշխատանքների պատշաճ լուսաբանումը՝ հանրային կապերի ժամանակակից գործիքակազմի լայն կիրառմամբ։

– Սփիւռքի ՀՅԴ երիտասարդական և ուսանողական միութիւնների կազմակերպմամբ՝ Հայաստանի և Արցախի հանրապետութիւններում իրականացւող պատանեկան ճամբարները գնահատւում են դրական ու պէտք է շարունակւեն՝ այդ և այլ ճանապարհներով նպաստելով հայրենիք-սփիւռք կապերի ամրապնդմանը, փոխճանաչողութեան բարձրացմանը՝ երիտասարդական-պատանեկան հարթութիւնում:

ՀՅ Դաշնակցութեան երիտասարդական և ուսանողական միութիւնների խորհրդաժողովն աւարտեց իր աշխատանքները՝ յառաջիկայ երկու տարւայ համար նախանշելով ՀՅԴ Երիտասարդականի հիմնական կազմակերպական և քաղաքական անելիքները:

 Հ.Յ.Դ. Բիւրոյի
Երիտասարդական գրասենեակ
30 Մարտ, 2018 թ.

Յարակից լուրեր

  • ՀՅԴ Հայաստանի ԳՄ յայտարարութիւնը
    ՀՅԴ Հայաստանի ԳՄ յայտարարութիւնը

    Վերջին օրերին երկրում ընթացող զարգացումները եւ, յատկապէս, դատաիրաւական համակարգի վերաբերեալ վարչապետ Ն. Փաշինեանի մօտեցումները կրկին մեր հանրային-պետական կեանքի ալեկոծման պատճառ են դարձել։ Այս կապակցութեամբ հարկ ենք համարում կատարել հետեւեալ արձանագրումները.

  • ՀՅԴ Հայաստանի ԳՄ յայտարարութիւնը
    ՀՅԴ Հայաստանի ԳՄ յայտարարութիւնը

    Ընդամենը մէկ օր առաջ ՀՅԴ Հայաստանի Գերագոյն մարմինը հանդէս եկաւ քաղաքական յայտարարութեամբ՝ արձանագրելով, որ վերջին շրջանում ահագնացած ատելութեան խօսքը, փողոցային արդարադատութեան մերժելի դրսեւորումները, հանրութեանը բաժանարարներով թշմանացնելն ու երկրում անհանդուրժողականութեան մթնոլորտի շիկացումը խաթարում են Հայաստանում ժողովրդավարական եւ պետական ինստիտուտների կայացմանը եւ լրջագոյն սպառնալիք են երկրի առջեւ ծառացած արտաքին եւ ներքին մարտահրաւէրների լուծմանը։

  • ՀՀ նախագահի յայտարարութիւնը` ստեղծւած իրավիճակի վերաբերեալ
    ՀՀ նախագահի յայտարարութիւնը` ստեղծւած իրավիճակի վերաբերեալ

    Հայաստանի ներքաղաքական իրավիճակի կապակցութեամբ ՀՀ նախագահ Արմէն Սարգասեանը հանդէս է եկել յայտարարութեամբ:

  • ՀՅԴ Բիւրոյի յայտարարութիւնը
    ՀՅԴ Բիւրոյի յայտարարութիւնը

    Ամիսներ շարունակ Դաշնակցութիւնն ահազանգում էր, որ երկրում սերմանւող ու խրախուսւող քաղաքական անհանդուրժողականութիւնն անխուսափելիօրէն յանգեցնելու է պառակտումների ու ատելութեան։ Ցաւօք, դա այլեւս իրողութիւն է։ Ժողովրդի տարբեր հատւածներին իրար դեմ լարելու, հասարակութիւնը «սեւերի» ու «սպիտակների», իւրայինների ու թշնամիների բաժանելու իշխանութիւնների քաղաքականութիւնն արդէն գործնական դրսեւորումներ է ստանում։ 

  • ՀՅԴ Հայաստանի ԳՄ յայտարարութիւնը
    ՀՅԴ Հայաստանի ԳՄ յայտարարութիւնը

    Հրապարակւեց ընդհանուր իրաւասութեան դատարանի որոշումը ՀՀ երկրորդ նախագահ Ռոբերտ Քոչարեանի խափանման միջոցի հարցով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։