Հա

Ազգային

06/08/2018 - 14:05

Հայաստանեան անց ու դարձ

Թէ Հայաստանում ժողովրդի եւ թէ միջազգային հանրութեան կողմից, Հայաստանի մայիսմէկեան իշխանափոխութեանը տւել են զանազան իմաստալից եւ անիմաստ որակումներ ու գնահատականներ, ինչպէս օրինակ՝ «սիրոյ եւ հանդուրժողականութեան» կամ «թաւշեայ յեղափոխութիւն», «Նոր Հայաստան» եւ «Նոր Հայաստան եւ նոր Հայրապետ», նոյնիսկ որոշ համացանցերում, Նիկոլ Փաշինեանին անւանել են «ազգային առաջնորդ»։

Թէ Հայաստանում ժողովրդի եւ թէ միջազգային հանրութեան կողմից, Հայաստանի մայիսմէկեան իշխանափոխութեանը տւել են զանազան իմաստալից եւ անիմաստ որակումներ ու գնահատականներ, ինչպէս օրինակ՝ «սիրոյ եւ հանդուրժողականութեան» կամ «թաւշեայ յեղափոխութիւն», «Նոր Հայաստան» եւ «Նոր Հայաստան եւ նոր Հայրապետ», նոյնիսկ որոշ համացանցերում, Նիկոլ Փաշինեանին անւանել են «ազգային առաջնորդ»։

Վազ անցնելով մի շարք անպատասխանատու եւ քինախնդիր անձանց կողմից յօրինւած «Նոր Հայաստան եւ նոր Հայրապետ» անհեթեթ կարգախօսից, պիտի անդրադառանամ «նոր Հայաստան» եւ «ազգային առաջնորդ» որակումներին։

Երկրների քաղաքական-տնտեսական կացութիւնները չեն նորանում կամ բարելաււում ղեկավար անձերի փոփոխութեամբ, այլ փոխւած ղեկավարների կողմից ներկայացւած եւ գործադրւած, երկրի ու ժողովրդի համար բարենպաստ ու շահաւէտ ծրագրերով միայն: Երկրները հիմնովին չեն նորանում, լոկ կոռուպցիայի, չարաշահումների, կեղեքումների եւ անօրինականութիւնների բացայայտումներով, (թէեւ այդ բացայայտումներն էլ խիստ կարեւոր են), եւ տեղի ու անտեղի ձերբակալութիւններով, այլ նպատակասլաց, բազմաբնոյթ եւ ժամանակի հետ համահունչ քաղաքական ու տնտեսական ծրագրերով։ Դժբախտաբար դեռ յայտնի չէ թէ կառավառութիւնը ինչ ուղիով ու ռազմավարութեամբ է ցանկանում իրականացնել երկրի տնտեսութեանը, քաղաքական համակարգի, արտաքին յարաբերութիւնների եւ միւս բոլոր ոլորտների զարգացումը։

Աշխարհի պատմութեան մէջ չկայ նման մի դրւագ, երբ մի ղեկավար դեռ իր ղեկավարութեան հարիւր օրը չլրացրած այն էլ իր կենդանութեան օրօք, նոյնիսկ անպաշտօն եղանակով եւ մի քանի պնակալեզների կողմից, «ազգային առաջնորդ»ի պատւին արժանանայ,(կարծում եմ ինք Վարչապետ Փաշինեանը եւս պիտի նեղանայ նման մի անւանումից): Առհասարակ զանազան երկրների արժանաւոր ղեկավարները, բացառութեամբ մի քանի բռնակալների, յետմահու են «ազգային առաջնորդ»-ի կոչման արժանանում, արդ չգիտես ինչ ասես այդ պնակալեզներին որոնք իրենց ստորաքարշ շողոքորթութեամբ, մեծամտութիւն եւ անբարտաւութիւն են սերմանում նոր իշխանութեան հասած ղեկավարների մտքի մէջ, որը ի վերջոյ հանգելու է բռնապետութեան։

Արդէն Վարչապետ Նիկոլ Փաշինեանը, ըստ միջազգային աւանդոյթի, պատրաստւում է իր կառավարման 100 օրեայ արդիւնքները ներկայացնի, 17 օգոստոսին գումարւելիք հանրահաւաքին։ Ընդհանրապէս 100 օրեայ կառավարման հաշւետւութիւնը կատարւում է սեղմ շրջանակներում որին հրաւիրւում են մասնակցելու կուսակցութիւնների, ԶԼՄ-ի, զանազան հաստատութիւնների ներկայացուցիչները, օտար յայտնի լրատւամիջոցների թղթակիցները եւ պետական ու դիւանագիտական դէմքեր որտեղ հաշւետւութիւնը վերջանալուց յետոյ, ներկայացրած գործունէութեան շուրջ, տեղի է ունենում հարցումների, պատասխանների եւ քննադատութիւնների մի երկար շարան։

Արդեօք բազմամարդ հանրահաւաքներում հնարւոր է հարցեր ու քննադատութիւներ ուղղել իշխանաւորներին եւ պատասխան ստանալ, բնականաբար պատասխանը ոչ է։ Դէ ուրեմն կազմակերպւելիք հանրահաւաքը, աւելի շատ ցոյց է լինելու եւ ոչ թէ 100 օրեայ կառավարման հաշւետւութիւն։

ԹԱԹՈՒԼ ՕՀԱՆԵԱՆ
Երեւան
04.08.2018 թ․

Յարակից լուրեր

  • Իրանագէտ. «ԱՄՆ-ի պատժամիջոցները չեն կարող շրջադարձային կերպով խաթարել Հայաստան-Իրան տնտեսական գործակցութիւնը»
    Իրանագէտ. «ԱՄՆ-ի պատժամիջոցները չեն կարող շրջադարձային կերպով խաթարել Հայաստան-Իրան տնտեսական գործակցութիւնը»

    Իրանագէտ Վարդան Ոսկանեանն անդրադառնալով ԱՄՆ-ի կողմից Իրանի նկատմամբ սահմանւած պատժամիջոցներին եւ դրանց ազդեցութեանը հայ-իրանական տնտեսական համագործակցութեան վրայ, նկատեց, որ ցանկացած պատժամիջոցային փաթեթ Հայաստանի բիզնես շրջանակների եւ Հայաստան-Իրան տնտեսական յարաբերութիւնների համար ստեղծում է որոշակի ռիսկային դաշտ։

  • Միջպետական յարաբերութիւնները լաւագոյնս արդիւնաւորելու համար՝ անհրաժեշտ է, որ Կանադան Երեւանի մէջ դեսպանատուն հիմնէ
    Միջպետական յարաբերութիւնները լաւագոյնս արդիւնաւորելու համար՝ անհրաժեշտ է, որ Կանադան Երեւանի մէջ դեսպանատուն հիմնէ

    Հայաստան կատարած պատմական այցելութեան ընթացքին, վարչապետին ընկերակցող հայ համայնքը ներկայացնող պատուիրակութեան մաս կը կազմէին Կանադայի Հայ Դատի յանձնախումբի անդամներ Րաֆֆի Տօնապետեան, Շահէն Միրաքեան եւ Յակոբ Թորոսեան։ «Հորիզոն» հարցազրոյց ունեցաւ Հայ Դատի յանձնախումբի ներկայացուցիչ Րաֆֆի Տօնապետեանի հետ։

  • Եթէ խաղաղութիւնը հողերի վերադարձով է պայմանաւորւում
    Եթէ խաղաղութիւնը հողերի վերադարձով է պայմանաւորւում

    Հետաքրքիր է, որ Միլսի յայտարարութեան յաջորդ օրը հետեւեց ՌԴ արտգործնախարարութեան խօսնակ Մարիա Զախարովայի կոշտ արձագանգը, որի մէջ ՌԴ արտաքին գերատեսչութիւնն ԱՄՆ կառավարութեանը բաց տեքստով մեղադրել է Հայաստանի ներքին գործերին միջամտելու մեջ: Եւ ոչ միայն: Զախարովան նաեւ հարց է տալիս՝ ի՞նչ են իրենց թոյլ տալիս ամերիկեան դեսպաններն աշխարհով մէկ, նրանք հարւածում են դեմոկրատիային, ԶԼՄ-ների ազատութեանը, քաղաքացիական հասարակութեանը, նրանք հարւածում են նաեւ հէնց իրենց՝ ցոյց տալով ԱՄՆ քաղաքական կեանքում առկայ կեղծաւորութիւնը:

  • Փաշինեանը փակո՞ւմ է Իրանի հետ սահմանը
    Փաշինեանը փակո՞ւմ է Իրանի հետ սահմանը

    Սիւնիքի մարզում Նիկոլ Փաշինեանի բացատրութիւնները, թէ ինչու է Յունան Պօղոսեանին նշանակել մարզպետ, զաւեշտալի լինելուց բացի նաեւ մտահոգիչ են: Շնորհիւ Փաշինեանի յայտարարութեան, այսօր ողջ աշխարհն իմացաւ, որ Հայաստան-Իրան սահմանով մեծ չափերի հասնող նարկոթրաֆիկ գոյութիւն ունի, եւ ինքը, ահա, բարձրաստիճան ոստիկանին մարզպետ նշանակելով, միջոցներ է ձեռք առել թմրանիւթերի ճանապարհը փակելու համար: 

  • Ստեփան Դանիէլեան. «Կուռքեր մի ստեղծէք, որ չհիասթափւէք ու չյուսահատւէք»
    Ստեփան Դանիէլեան. «Կուռքեր մի ստեղծէք, որ չհիասթափւէք ու չյուսահատւէք»

    «Ցանկացած առողջ, կամ առողջանալու ցանկաթիւն ունեցող հասարակութիւն պէտք է փորձի իմաստաւորել ու վերաիմաստաւորել իր հեռու եւ ոչ այնքան հեռու անցեալը. առանց իմաստաւորման առաջընթաց չի կարող լինել»: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։