Հա

Ազգային

11/09/2018 - 10:50

Միքայէլ Մանուկեան. «Դաշնակցութիւնն ամաչելու տեղ չունի»

Երէկ՝ սեպտեմբերի 10-ին, Արամ Մանուկեանի արձանի մօտ մեկնարկեց Երեւանի աւագանու ընտրութիւններում յայտ ներկայացրած ՀՅԴ-ի քարոզարշաւը:

«alikonline.ir» - Երէկ՝ սեպտեմբերի 10-ին, Արամ Մանուկեանի արձանի մօտ մեկնարկեց Երեւանի աւագանու ընտրութիւններում յայտ ներկայացրած ՀՅԴ-ի քարոզարշաւը: Փոխանցում է «yerkir.am»-ը:

Ցուցակը գլխաւորող` Երեւանի քաղաքապետի թեկնածու Միքայէլ Մանուկեանը ելոյթում նշեց, որ ՀՅԴ թիմը շրջելու է Երեւանի բոլոր թաղամասերով` ներկայացնելով իրենց ծրագրերն ու գաղափարները: ՀՅԴ-ն ներկայանում է «Միասին` յանուն Երեւանի» կարգախօսով` յանուն ժամանակակից, կանաչ գեղեցիկ, բարեկարգ, խնամւած Երեւանի, յանուն նոր սերնդի, հոգատար ու արդար, մշակութային ու համահայկական մայրաքաղաքի:

Լրագրողների հետ զրոյցում Միքայէլ Մանուկեանը նշեց, որ ՀՅԴ ծրագիրը շատ յաւակնոտ է, այն 30 օր շարունակ մշակել են բազմաթիւ արհեստավարժ մասնագէտներ բոլոր ոլորտներից` կանաչապատում, տրանսպորտ, կոմունալ շինարարութիւն, համայնքային կառավարում եւ այլն: «Չկայ մի ոլորտ, որը ներառւած չլինի մեր ծրագրում, եւ քարոզարշաւի ժամանակ ներկայացւելու են այդ ոլորտները: Կարեւորը խօսելը չէ, այլ գործելը, եւ ես վստահ եմ, որ ֆինանսական միջոցներ միշտ կարելի է գտնել` խնդիրներին սպառիչ լուծում տալու համար: Կարելի է արդիւնաւէտ համագործակցել թէ´ Սփիւռքի կառոյցների, թէ´ միջազգային կազմակերպութիւնների հետ: Կարեւորը արդիւնաւէտ գործելու կամքն է եւ ցանկութիւնը»,- ասաց նա:

Մանուկեանի խօսքով` Երեւանը պէտք է կանաչապատ գօտիներ ունենայ, տրանսպորտի ոլորտում` միասնական երթուղային ցանց եւ միասնական տոմսային համակարգ:

Հարցին, թէ ինչպէ՞ս է գնահատում ՀՅԴ-ի շանսերը, նա պատասխանեց. «Մենք մանդատների մասին չենք խօսում, մենք խօսում ենք յաղթանակի մասին, մենք վստահ ենք, որ յաղթելու ենք: Դաշնակցութիւնը նոր չէ, որ պէտք է ներկայանայ երևանցուն, Դաշնակցութիւնը 128 տարւայ պատմութիւն ունի, եւ Դաշնակցութիւնը մէկ վայրկեան անգամ ամաչելու տեղ չունի, նաեւ` վերջին քաղաքական գործընթացների համատեքստում»:

Ինչ վերաբերում է նախորդ քաղաքապետերի գործունէութեան գնահատմանը, Միքայէլ Մանուկեանը նշեց, որ բոլոր քաղաքապետերն էլ թողել են իրենց հետքը` ե՛ւ լաւ, ե՛ւ վատ իմաստով: Մասնաւորապէս Տարօն Մարգարեանի մասին նա ասաց. «Տարօն Մարգարեանը էսթետիկ իմաստով բաւական շատ գործ է արել` թէ՛ ծաղկապատման, թէ՛ նստարաններ տեղադրելու առումով»,- ասաց նա:

Յարակից լուրեր

  • «Արցախում ո՞ր ուժերը ՀՅԴ-ի հետ նախագահի համաձայնեցւած թեկնածու կունենան». Դաւիթ Իշխանեանն է պարզաբանում
    «Արցախում ո՞ր ուժերը ՀՅԴ-ի հետ նախագահի համաձայնեցւած թեկնածու կունենան». Դաւիթ Իշխանեանն է պարզաբանում

    Արցախի՝ 2020 թ.-ի նախագահական ընտրութիւններին համաձայնեցւած թեկնածուով մասնակցելու նպատակով՝ ՀՅԴ-ն հանդիպումներ եւ քննարկումներ է անցկացրել գրանցւած 22 կուսակցութիւնից 15-ի հետ. Yerkir.am-ի հետ բացառիկ հարցազրոյցում ասաց ՀՅԴ Արցախի ԿԿ ներկայացուցիչ Դաւիթ Իշխանեանը:

  • Հ. Յ. Դաշնակցութեան 129-ամեակին նւիրւած հանդիսութիւն՝ Թեհրանում
    Հ. Յ. Դաշնակցութեան 129-ամեակին նւիրւած հանդիսութիւն՝ Թեհրանում

    129-ամեայ կաղնի Հայ Յեղափոխական Դաշնակցութիւնը իր երիտասարդական աւիւնով շարունակում է իր երթը, հայ ժողովրդի վեհ գաղափարների իրականացման ճամբին:

    ՀՅԴ 129-ամեակի տօնակատարութիւնը մեկնարկեց «Մշակ բանւոր» օրհներգով, Հ. Մ. «Արարատ» կազմակերպութեան «Կոմիտաս» սրահում, հինգշաբթի, հոկտեմբերի 3-ին, ուր օրւայ բանախօս էր հրաւիրւել ՀՅԴ Հայաստանի Գերագոյն մարմնի անդամ Արծւիկ Մինասեանը:

  • Ղեկավարում ալ կայ, ղեկավարում ալ…
    Ղեկավարում ալ կայ, ղեկավարում ալ…

    Դաշնակցական մտաւորական, հրապակագիր եւ հրապարակախօս Սեդօ Պոյաճեանն իր ֆէյսբուքեան էջում գրել է. «Ի վերջոյ ունինք ղեկավարում, պէ՚տք է ունենանք, որպէսզի առաջ ընթանայ ազգային կեանքը։ Հարցը, սակայն, ղեկավարումի որակին եւ կարողութեան մասին է։ Ղեկավարումի մակարդակին աթոռի վրայ նստած պատահական մարդ կրնայ գնահատուիլ ո՚չ թէ իր անձին սեփական քարոզչութեամբ, այլ իր նախաձեռնած աշխատանքով՝ յօգուտ հաւաքականին։

  • Բեկորի մահւան 27-րդ տարելիցն է
    Բեկորի մահւան 27-րդ տարելիցն է

    «Ամէն հայ պէտք է զգայ, որ առանց իրեն հայրենիքը կը փլւի»: Այս խօսքերի պատկանում են ԱՀ Ստեփանակերտի առաջին վաշտի հրամանատար, «Արցախի հերոս», «Մարտական խաչ» առաջին աստիճանի շքանշանակիր, ՀՅԴ անդամ Բեկոր Աշոտին (Աշոտ Ղուեան, Ասկոլկա): 

  • Նրանք գրիչը փոխարինեցին զէնքով ու կռւեցին խաղաղութեան համար
    Նրանք գրիչը փոխարինեցին զէնքով ու կռւեցին խաղաղութեան համար

    1993 թւականի օգօստոսի 23-ին Մարտունու դիրքերում պաշտպանական հատւածը ամրապնդելիս զոհւեցին Մարտունու 26-րդ մոտոհրաձգային գումարտակի հրամանատար, ՀՅԴ Արցախի կենտրոնական կոմիտէի անդամ Մերուժան Մոսիեանը եւ Լիբանանի ՀՅԴ անդամ, ԼՂՀ Մարտունու 26-րդ մոտոհրաձգային գումարտակի հետախուզական եւ զինական մասի խորհրդական Մհեր Ջուլհաճեանը մարտական ընկերների՝ Արտակ Մնացականեանի, Լեւոն Համբարձումեանի եւ Ռուդիկ Աւագեանի հետ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։