Հա

Ազգային

10/10/2018 - 12:20

Մեր քայլերը եւ գործողութիւնները չենք պայմանաւորում այլ ուժերի քայլերի եւ գործողութիւնների հետ

«ՀՅԴ-ն հաւատարիմ է մնում իր դիրքորոշումներին եւ մօտեցումներին, պէտք չէ հասարակութեանը քաղաքական ուժերի մօտեցումները ձեւախեղւած ներկայացնել, մենք դէմ չենք արտայայտւել, արտահերթ ընտրութիւնների անցկացման հետ կապւած որեւէ հարց չենք ունեցել, մենք դէմ ենք ժամկէտներին»,- ընդգծեց Արսէն Համբարձումեանը:

Դեկտեմբերին ԱԺ արտահերթ ընտրութիւններ անցկացնելու յուշագիր ստորագրելու հարց մեր օրակարգում չկայ, փոխվարչապետ Տիգրան Աւինեանի հետ քննարկման ժամանակ նման հարց օրակարգում չի եղել:

«alikonline.ir» - Դեկտեմբերին ԱԺ արտահերթ ընտրութիւններ անցկացնելու յուշագիր ստորագրելու հարց մեր օրակարգում չկայ, փոխվարչապետ Տիգրան Աւինեանի հետ քննարկման ժամանակ նման հարց օրակարգում չի եղել:

Այս մասին «tert.am»-ի հետ զրույցում ասաց ՀՅԴ ԳՄ անդամ Արսէն Համբարձումեանը: Անդրադառնալով հարցին, որ եթէ ԲՀԿ-ն յուշագիր է ստորագրել, այսինքն՝ որոշակի առումով կոնսենսուս կայ դեկտեմբերին ընտրութիւններ անցկացնելու շուրջ, նշանակում է՝ ՀՅԴ-ն չի՞ խոչընդոտի, թէ պէտք է ՀՀԿ-ն եւս կողմ լինի, որ ՀՅԴ-ն համարի, որ լիարժէք կոնսենսուս կայ, Արսէն Համբարձումեանը պատասխանեց.

«Մենք քայլերը եւ գործողութիւնները չենք պայմանաւորում այլ ուժերի քայլերով եւ գործողութիւններով: Արտահերթ ընտրութիւնների ժամկէտների վերաբերեալ մենք մեր դիրքորոշումը չենք փոխել»,- շեշտեց նա: Հարցին՝ արդեօ՞ք չեն վախենում հասարակութեան ճնշումից, քանի որ պարբերաբար նշւում է, որ Նիկոլ Փաշինեանը հասարակական ճնշմամբ փափուկ ուժ կիրառեց ԲՀԿ-ի նկատմամբ, Արսէն Համբարձումեանն ասաց.

«ՀՅԴ-ն հաւատարիմ է մնում իր դիրքորոշումներին եւ մօտեցումներին, պէտք չէ հասարակութեանը քաղաքական ուժերի մօտեցումները ձեւախեղւած ներկայացնել, մենք դէմ չենք արտայայտւել, արտահերթ ընտրութիւնների անցկացման հետ կապւած որեւէ հարց չենք ունեցել, մենք դէմ ենք ժամկէտներին:

Մեր մօտեցումները պայմանաւորել ենք անհրաժեշտ քայլերով եւ գործողութիւններով, եւ այդ հաստատումներն արւած են կառավարութեան ծրագրում քաղաքական ուժերի համաձայնութեամբ: Մինչ արտահերթ ընտրութիւնները պէտք է յարգել պայմանաւորւածութիւնը եւ կատարել ծրագրում ամրագրւածը: Մենք ակնկալում ենք տեսնել կոնկրետ ժամանակացոյց, թէ ինչ ժամանակացոյցով է հնարաւոր անել այդ քայլերն ու գործողութիւնները»:

Արսէն Համբարձումեանն ասաց, որ ցանկացած ժամկէտ պէտք է տրամաբանւած լինի. նախ՝ կառավարութեան կողմից պէտք է հաստատւի ԸՕ բարեփոխումների փաթեթը, յետոյ ուղարկւի ԱԺ, որտեղ ընթացակարգով պէտք է ընդունւի, այն պէտք է խորհրդարանին ներկայացւէր սեպտեմբերին, ինչպէս նախատեսւում էր, սակայն չի արւել:

«Նախ՝ համապատասխան ճանապարհային քարտէզը պէտք է յստակ դրւէր սեղանին, որպէսզի պարզ լիներ՝ մինչեւ դեկտեմբեր հնարաւոր է անցկացնել ընտրութիւնները, թէ ոչ, եւ ինչ քայլերով կարելի է իրականութիւն դարձնել դա, եթէ դա արւէր՝ մենք պատրաստ ենք քննարկումներին, բայց մեզ դեռ տակաւին փաստարկներ չեն ներկայացւել»,- ընդգծեց նա:

Յարակից լուրեր

  • Ընկեր Աբոյին յիշելիս
    Ընկեր Աբոյին յիշելիս

    Արամ Թովմասնեանը «Facebook»-ի իր էջում գրութիւն է տեղադրել, յիշելով Հայ Յեղափոխական Դաշնակցութեան կարկառուն գործիչներից մէկին՝ Աբօ Աշճեանին:

  • Մենք ենք, մեր կուռքերը
    Մենք ենք, մեր կուռքերը

    ՀՀ ԱԺ արտահերթ ընտրութիւններն անցան ազատ, արդար, թափանցիկ: Դրանք մեր նորագոյն պատմութեան ամենաարդար ընտրութիւններն էին, կայ համընդհանուր վստահութիւն ընտրութեան արդիւնքների նկատմամբ… Ամէն ինչ հրաշալի է, գրեթէ` թաւշեայ: Արեւմուտքը, կարծես, բաւարարւել է` մեզնից մի փոքր աւելին պահանջելով, յոյս է յայտնել, որ ապագայում աւելի լաւ ընտրութիւն կունենանք: 

  • Ընդդիմութեան դաշտին կազմաւորումը, կամ՝ ձախակողմեան այլընտրանքը Ազգային ժողովէն դուրս
    Ընդդիմութեան դաշտին կազմաւորումը, կամ՝ ձախակողմեան այլընտրանքը Ազգային ժողովէն դուրս

    Հ. Յ. Դաշնակցութեան ցանկին վրայ Ազգային Ժողովի պատգամաւորի թեկնածու Արթուր Խաչատրեան ընտրարշաւի ժամանակ առիթով մը հարցազրոյցի մը մէջ ըսած է թէ շատ դժուար էր Աջ կառավարութեան մը մէջ Ձախ ըլլալ: Խաչատուրեան այն քիչերէն է հայկական իրականութեան մէջ Ընկերվար Միջազգայնականի միակ անդամ կուսակցութեան հանրածանօթ դէմքերէն, որոնք Դաշնակցութեան գաղափարախօսական ինքնութիւնը պարզ ու մէկին բանաձեւած է որպէս «Ձախ»:

  • ԱՄՆ Հայ Դատի յանձնախմբի գործադիր տնօրէն. «Մենք անհամբերութեամբ սպասում ենք նոր կառավարութեան կառուցողական ներգրաււածութեանը»
    ԱՄՆ Հայ Դատի յանձնախմբի գործադիր տնօրէն. «Մենք անհամբերութեամբ սպասում ենք նոր կառավարութեան կառուցողական ներգրաււածութեանը»

    Ամերիկայի Հայ Դատի յանձնախմբի գործադիր տնօրէն Արամ Համբարեանի խօսքով՝ իրենք դեկտեմբերի 9-ին կայացած արտահերթ խորհրդարանական ընտրութիւնները ողջունում են որպէս ժողովրդավարութեան յաղթանակ, որը ռազմավարական առումով կնորացնի ԱՄՆ-Հայաստան յարաբերութիւնները:

  • «Փաստ». «Յուսանք, որ այս «փրկիչը» հաշւի կառնի նախորդից ստացած դասերը եւ նոյն սխալները թոյլ չի տայ»
    «Փաստ». «Յուսանք, որ այս «փրկիչը» հաշւի կառնի նախորդից ստացած դասերը եւ նոյն սխալները թոյլ չի տայ»

    «Փաստ» թերթը գրում է. «Երբ վերջին արտահերթ խորհրդարանական ընտրութիւնները համեմատում ենք նախկինում տեղի ունեցած ընտրութիւնների հետ, ապա կարող ենք արձանագրել, որ այս անգամ դրանք միանշանակ եւ՛ արդար էին, եւ՛ ազատ, եւ՛ մրցակցային, «Փաստ» օրաթերթի թղթակցի հետ զրոյցում ասաց «Թրանսփարենսի ինթերնեշնլ» հակակոռուպցիոն կենտրոնի ծրագրերի ղեկավար Վարուժան Հոկտանեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։