Հա

Ազգային

13/11/2018 - 15:20

Հայ ժողովրդի երկւութիւնները

Պատմական դժբախտ պատահարների եւ քաղաքական աննպաստ պայմանների բերումով, հայ ժողովրդի կեանքի մէջ առաջացել են մի շարք երկւութիւնններ:

ԹԱԹՈՒԼ ՕՀԱՆԵԱՆ

 

Պատմական դժբախտ պատահարների եւ քաղաքական աննպաստ պայմանների բերումով, հայ ժողովրդի կեանքի մէջ առաջացել են մի շարք երկւութիւնններ:

Դուալիզմը հայերէնում թարգմանւած է որպէս երկւութիւն, սակայն մեծ տարբերութիւն գոյութիւն ունի երկուսի միջեւ, քանզի դուալիզմ նշանակում է գիտական մի ուսմունք որ ընդունում է երկու իրարամերժ սկզբունքներ, մինչդեռ հայ ժողովրդի մէջ գոյութիւն ունեցած երկւութիւնը իրարամերժ սկզբունքների ընդունման կամ մերժման խնդիր չէ, այլ հայ ժողովրդի ծոցում անկախ իր կամքից, ստեղծւած զանազան բաժանումների իրողութիւնն է:

Թէեւ հայ ենք ազգութեամբ, լեզւով, հայրենիքով, մշակոյթով եւ հաւատալիքով ու համոզումներով բայց դժբախտաբար մէկտեղւած չենք, ապրում ենք միատարր հայութեամբ Հայաստանում ու Արցախում եւ բազմաշերտ հայութեամբ ցրւած սփիւռքում, զանազան երկրների մշակոյթների ազդեցութեան ներքոյ:

Ձգտում եւ պայքարում ենք մէկ եւ միացեալ հարենիք ունենալու համար բայց ունենք շրջապատւած եւ կիսապատերազմական վիճակում, Հայաստանի եւ Արցախի Հանրապետութիւններ:

Հայաստանեայց Առաքելական Եկեղեցին մէկ իր հիմնադրմամբ, հաւատամքով եւ ծիսակատարութեամբ, բայց ունի երկու գլուխ՝ Ամենայն Հայոց եւ Կիլիկիոյ կաթողիկոսութիւններ եւ զոյգ գահակալ կաթողիկոսներ:

Ունենք արեւելահայութիւն եւ արեւմտահայութիւն իրենց արեւելահայերէն ու արեւմտահայերէն լեզուներով ինչպէս նաեւ հին եւ նոր ուղղագրութիւններ, առաջինով գրում եւ կարդում են սփիւռքահայերը, երկրորդով՝ Հայաստանի, Արցախի եւ նախկին խորհրդային երկրների հայերը:

Քաղաքական կեանքի մօտ անցեալում եւս ունէինք մէկ կողմից բոլշեւիկներն ու տարբեր երկրներում նրա կառքին լծւած համայնավարամիտ տեղական կառոյցներն ու աւանդական մի քանի կուսակցութիւններն եւ միւս կողմից ՀՅԴ-ն իր համակիրների հսակայ բանակով ու զանազան կազակերպութիւններով որոնց միջեւ ընթացող անհաշտ պայքարը խիստ երկպառակտութիւն էր առաջցրել հայ հասարակութեան մէջ իսկ ներկայիս էլ Հայաստանում սունկի պէս բուսնած, ունենք բազում կուսակցութիւններ, դաշինքներ եւ աղանդաւորական հոսանքներ:

Հետաքրքիր է որ մայր բնութիւնն էլ, երեւի կանխատեսելով հետագային կազմւելիք հայ ազգի մէջ առաջանելիք երկւութիւնները, մեզ պարգեւել է նաեւ աշխարհում նմանը չունեցող երկու մասիսներ:

Ցաւալին այն է որպէս միաստւածապաշտ եւ քրիստոնէութիւն ընդունող առաջին ժողովուրդ, մեր պաշտած՝ Աստուծոյ անունը գրում ենք երեք տեսակ, արեւմտահայերը գրում են ու-ով «Աստուած», նոր ուղղագրութեան հետեւորդ Արեւելահայերը՝ վեեւ-ով «Աստված» իսկ պարսկահայերն էլ դեռ հնուց վարժւած, գրում են վիւն ով «Աստւած», որը ոչ հին եւ ոչ էլ նոր ուղղագրութիւն է:

Դժբախտաբար վերոնշեալ երկւութիւնները ծնունդ են տւել նաեւ մենք ու դուքի, մէկը միւսին հաւանելու չհաւանելու, սիրելու եւ ատելու, գերադասելու եւ ստորադասելու անբարոյ զգացումի որը պատճառ է դառնում ազգի զաւակների միջեւ փոխադարձ թշնամական յարաբերութիւնների ստեղծմանը:

Այս երկւութեան եւ երկփեղկւածութեան խառնիճաղանջ կացութեան մէջ, միակ երեւոյթը որ հանդիսանում է մեր ժողովրդի միասնականութեան հիմնասիւնը, (անկախ իր բովանդակութիւնից) դա մեր գրաբարեան «Տէրունական աղօթք»ն է: Աշխարհի բոլոր հայերը, (արեւելահայ, արեւմտահայ, Հայաստանում, Արցախում, սփիւռքում եւ նոյնիսկ աշխարհի չորս ծագերում ապրող հայեր) բոլոր բոլորը, «Տէրունական աղօթք»ը արտասանում են միանման, ուստի ահրաժեշտ է այն որպէս մեր ժողովրդի միասնականութեան ոյժ ու ոգի, պահել ու պաշտպանել անաղարտ ու մաքուր իր ձեւի մէջ:

Շատ յաճախ խօսւում է մեր եկեղեցական աղօթքները աշխարհաբարի փոխելու անհրաժեշտութեան մասին, ես միշտ էլ ջատագովել եւ համամիտ եղել նման մի աշխատանքի բայց ոչ բոլոր աղօթքների, ի մասնաւորի «Տէրունական աղօթք»ի, քանզի եթէ «Տէրունական աղօթք»ի թարգմանութիւնը կատարւի արեւմտահայերէն, խորթ պիտի հնչի արեւելահայոց համար եւ հակառակը ուստի եւ պիտի կորցնի իր միասնականութիւն բուրող ոգին եւ ոյժը հետեւաբար ներկայիս ոչ մի գնով նպատակայարմար չէ, Տէրունական աղօթքում որեւէ փոփոխութիւն կատարելը:

Նոր-Ջուղա

11.11.2018 թ.

Յարակից լուրեր

  • Զարգացած եւ ոչ զարգացած երկրներ
    Զարգացած եւ ոչ զարգացած երկրներ

    Մի շարք ընդհանրացած չափանիշների հիման վրայ, աշխարհի որոշ երկրներ նկատւում են որպէս զարգացած կամ յառաջադէմ եւ մի մասն էլ՝ ոչ զարգացած կամ յետադէմ, արդ տեսնենք որոնք են այդ զարգացած եւ ոչ զարգացած համարւելու բնորոշիչ չափանիշները:

  • Սխալ ձեւակերպումներ
    Սխալ ձեւակերպումներ

    Չնչին բացառութեամբ բոլոր ժողովրդների, ի մասնաւորի հայ ժողովրդի աւանդոյթում, հեքիաթներում, պատմւացքներում եւ առ հասարակ իրենց առօրեայ կեանքում, սպիտակ գոյնը համարւել է բարութեան, մաքրութեան, խաղաղութեան եւ համերաշխութեան խորհրդանիշ, իսկ սեւ գոյնը՝ չարութեան, նենգութեան, թշնամութեան եւ անմիաբանութեան։

  • Հայաստանեան անց ու դարձ
    Հայաստանեան անց ու դարձ

    Թէ Հայաստանում ժողովրդի եւ թէ միջազգային հանրութեան կողմից, Հայաստանի մայիսմէկեան իշխանափոխութեանը տւել են զանազան իմաստալից եւ անիմաստ որակումներ ու գնահատականներ, ինչպէս օրինակ՝ «սիրոյ եւ հանդուրժողականութեան» կամ «թաւշեայ յեղափոխութիւն», «Նոր Հայաստան» եւ «Նոր Հայաստան եւ նոր Հայրապետ», նոյնիսկ որոշ համացանցերում, Նիկոլ Փաշինեանին անւանել են «ազգային առաջնորդ»։

  • ՀՀ ծնունդը հայ ժողովրդի դարերի ընթացքում տարած ազատագրական պայքարների տրամաբանական արդիւնքն է
    ՀՀ ծնունդը հայ ժողովրդի դարերի ընթացքում տարած ազատագրական պայքարների տրամաբանական արդիւնքն է

    Բիւր յարգանք քեզ, ով հայ ժողովուրդ, որ գիտակցաբար եւ արժանավայել կերպով թէ Հայաստանում ու Արցախում եւ թէ Սփիւռքի զանազան հայաբնակ համայնքներում, տօնեցիր ու նշեցիր Հայաստանի Առաջին Հանրապետութեան 100-ամեայ յոբելեանը եւ երախտագիտութիւն ու յարգանք մատուցեցիր բոլոր այն երախտաւորներին, որոնք իրենց գործով ու արիւնով, 1918 թւի Մայիս 28-ին, 600 տարւայ ստրկութիւնից յետոյ, այն դժւարին պայմաններում, ստեղծեցին Հայաստանի Առաջին Հանրապետութիւնը:

  • Հայոց Ցեղասպանութեան 102-րդ տարելիցի ոգեկոչման ծրագիր՝ Շահինշահրում
    Հայոց Ցեղասպանութեան 102-րդ տարելիցի ոգեկոչման ծրագիր՝ Շահինշահրում

    Ապրիլի 21-ին Շահինշահրի «Սրբոց Վարդանանց» դպրոցի շրջափակում, Հայոց Ցեղասպանութեան զոհերի յիշատակին կառուցւած յուշարձան-խաչքարի առջեւ, Սպահանի հայոց թեմի Կաթողիկոսական փոխանորդ գերպ. Տ. Սիփան ծ. վրդ. Քէչէճեանի նախագահութեամբ եւ Շահինշահրի հոգեւոր տեսուչ գերպ. Տ. Անանիա ծ. վրդ. Գուճանեանի եւ արժ. Տ. Սահակ քհնյ. Մինասեանի մասնակցութեամբ կայացաւ Սրբոց Նահատակացն Բարեխօսական կարգը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։