Հա

Ազգային

20/04/2019 - 09:50

«Հայաստան-Արցախ ռազմաքաղաքական պայմանագիրն արտաքին քաղաքականութեան եւ պաշտպանութեան ոլորտում արդէն արւածին իրաւական հիմք է տալու». Կիրօ Մանոյեան

Հայաստան-Արցախ ռազմաքաղաքական պայմանագիրն արտաքին քաղաքականութեան եւ պաշտպանութեան ոլորտում արդէն արւածին իրաւական հիմք է տալու եւ դրանով իսկ շատ հարցերի պատասխան: Այս մասին «Yerkir.am»-ի հետ զրոյցում ասաց ՀՅԴ Բիւրոյի անդամ, Բիւրոյի Հայ Դատի եւ քաղաքական հարցերի գրասենեակի ղեկավար Կիրօ Մանոյեանը:

«alikonline.ir» - Հայաստան-Արցախ ռազմաքաղաքական պայմանագիրն արտաքին քաղաքականութեան եւ պաշտպանութեան ոլորտում արդէն արւածին իրաւական հիմք է տալու եւ դրանով իսկ շատ հարցերի պատասխան: Այս մասին «Yerkir.am»-ի հետ զրոյցում ասաց ՀՅԴ Բիւրոյի անդամ, Բիւրոյի Հայ Դատի եւ քաղաքական հարցերի գրասենեակի ղեկավար Կիրօ Մանոյեանը:

«Որպէսզի չստացւի, որ ամէն անգամ վարչապետը ստիպւած լինի ասել` ես չեմ ընտրւել Արցախի բնակչութեան քւէով, եւ այլն: Կամ՝ Հայաստանը յայտարարում է, որ ինքն Արցախի անվտանգութեան երաշխաւորն է, բայց չի ասւում՝ իրաւական ի՞նչ հիմքի վրայ: Միւս կողմից՝ այնպէս չէ, որ ոչ մի պայմանագիր չի ստորագրւել. կայ միջպետական պայմանագիր, միջկառավարական, որն ինչ-որ առումով նաեւ ճանաչում է ենթադրում: Այսինքն՝ փաստն այն է, որ ինչ-որ առումով մենք արդէն ճանաչել ենք՝ սկսած նաեւ նրանից, որ Արցախի Հանրապետութիւնը ՀՀ-ում ունի ներկայացուցչութիւն, որը պաշտօնական Երեւանի տեսանկիւնից նոյն կարգավիճակն ունի, ինչ Մինսկի խմբի համանախագահող երկրների դեսպանութիւնները: Աւելին` ՀՀ կառավարութիւնը, ԱԺ-ի համաձայնութեամբ, ամենամեայ վարկ է տրամադրում Արցախին՝ բիւջէով է նախատեսւած եւ միջկառավարական համաձայնագրի շրջանակում: Միւս պահը՝ ՀՀ կառավարութիւնը բուհերում տեղեր է յատկացնում Արցախի քաղաքացիների համար»,- նշեց Մանոյեանը՝ յիշեցնելով, որ ժամանակին Սերժ Սարգսեանն ասում էր, թէ Արցախի անկախութեան ճանաչումը կը յանգեցնի պատերազմի վերսկսման, ինչը թոյլ չէր տալիս երրորդ երկրի ասել՝ ճանաչի՛ր, եւ ինչն Ադրբեջանը քարոզչական դաշտում օգտագործում էր:

«Մենք կարծում ենք, որ անհրաժեշտ է նման պայմանագրի ստորագրումը: Չեմ բացառում, որ ԵԱՀԿ ՄԽ համանախագահող պետութիւնները դժգոհ լինեն Հայաստան-Արցախ ռազմաքաղաքական պայմանագրից, բայց Ադրբեջանին էլ դեղին քարտ կը լինի, որ նա չի կարող առյաւէտ բանակցութիւններն իր քմահաճոյքներին գերի պահել: Իհարկէ, այնպէս չէ, որ յաջորդ օրը երկրները հերթ կը կանգնեն՝ ճանաչելու համար Արցախի անկախութիւնը, բայց դա կը հեշտացնի միջազգային ճանաչման գործընթացը: Սա կարեւոր է բոլորի համար՝ ՀՀ-ն իրաւականօրէն կը հիմնաւորի իր արածները, տեղ կը բացւի բանակցութիւններին Արցախի լիիրաւ մասնակցութեան համար»,- շեշտեց ՀՅԴ Բիւրոյի Հայ Դատի եւ քաղաքական հարցերի գրասենեակի ղեկավարը:

Հարցին՝ հնարաւո՞ր է, որ, բացի ՄԽ համանախագահող երկրների դժգոհութիւնից, առաւել լուրջ խնդիրների առջեւ կանգնենք, քանի որ, ըստ էութեան, Հայաստան-Արցախ ռազմաքաղաքական պայմանագիրն իրենից դիւանագիտական փաստաթուղթ է ներկայացնելու, նա ասաց` այս փաստը Ադրբեջանը կարող է որպէս պատրւակ գործածել:

«Ինչ վերաբերում է ՄԽ-ին, ապա համանախագահող երկրները բազմիցս ասել են, որ իրենք դատավոր չեն, այլ բանակցութիւնների իրականացմանն աջակցող: Շատ կարեւոր է, որ նրանք լինեն: Մենք Ադրբեջանի պարտադրած եւ սանձազերծած պատերազմում զէնքով յաղթել ենք, բայց իրաւական փաստաթուղթ է հարկաւոր, որ աշխարհը ճանաչի՝ ինչպէս է հարցը եզրահանգւում: Եթէ ՄԽ համանախագահողներն ուզեն դժգոհութիւնից աւելի բան անել, կարող է դիւանագիտական մէկ-երկու բան փորձեն, բայց ուրիշ բան չեն կարող անել: Դա նրանց իրաւասութեան մէջ չի էլ մտնում»,- նշեց Մանոյեանը:

Ըստ նրա` Հայաստան-Արցախ ռազմաքաղաքական պայմանագիրը նաեւ հումանիտար ոլորտում է իրաւական հիմք լինելու բազմաթիւ հարցեր լուծելու համար, որոնք այսօր Հայաստանն է լուծում, սակայն իրականում միջազգային հանրութեան կատարելիքն է:

«Օրինակ՝ Արցախի Հանրապետութիւնը ճանաչւած չէ, եւ եթէ չլինէր Հայաստանի կողմից անձնագրերի տրամադրումը, ապա Արցախի բնակիչը չէր կարող երկրից դուրս գալ: Այս հարցով միջազգային հանրութիւնը պիտի զբաղւի, ՄԽ համանախագահողները պէտք է ՀՀ-ին շնորհակալ լինեն, որ սրանով ՀՀ-ն է զբաղւում: Պայմանագիրը սրան իրաւական հիմք է տալու»,- յաւելեց Մանոյեանը՝ ասելով, որ ՄԽ-ն դժգոհութիւն կարտայայտի, քանի որ միշտ էլ կողմերի միջեւ կեղծ հաւասարութեան նշան է դնում:

ՀՅԴ Բիւրոյի անդամը նաեւ ընդգծեց` մենք գնում ենք Արցախի միջազգային ճանաչման ճանապարհով, իսկ Ադրբեջանի ցանկացած քայլին պատրաստ ենք:

Նա յիշեցրեց Կոսովոյի անկախութեան ճանաչման փաստը, երբ միջազգային միջնորդները հազիւ երեք տարի համբերեցին, որ Սերբիան համաձայնի իրենց առաջարկած լուծումներին: «Երեք տարի բանակցութիւններից յետոյ ասացին՝ Սերբիան, միեւնոյն է, կարծիքը չի փոխի, ուրեմն մենք քայլ ենք ձեռնարկում: Եւ արդէն մօտ 100 պետութիւն ճանաչել է Կոսովոյի անկախութիւնը»,- ասաց Մանոյեանը՝ չհամաձայնելով պնդումներին, թէ Կոսովոյի դէպքը իւրայատուկ է: «Արդարադատութեան միջազգային դատարանը Կոսովոյի հարցով 2010 թւականի յուլիսի` իր խորհրդատւական տեսակէտի մէջ անդրադառնում է ինքնորոշման իրաւունքին եւ տարածքային ամբողջականութեան սկզբունքին՝ անկախ Կոսովոյից: Այնտեղ ասւում է, որ տարածքային ամբողջականութեան, ժողովուրդների իրաւահաւասարութեան, ազգերի ինքնորոշման իրաւունքը երկու տարբեր հարթութիւնների վրայ են: Երկրորդ՝ վերջին 150 տարւայ մէջ մօտ 100 պետութիւն ինքնորոշւել է այդ ձեւով»,- պարզաբանեց Մանոյեանը:

Հարցին` արդեօ՞ք Հայաստան-Արցախ ռազմաքաղաքական պայմանագիրը կը նպաստի միջազգային կառոյցներում Արցախից ներկայացուցիչ ունենալուն, նա պատասխանեց, որ դա հեշտ չի լինի: «Գրեթէ բոլոր միջազգային կառոյցներում հասանելի են ՄԽ համանախագահող երկրները՝ կա'մ երեքը միասին, կա'մ նրանցից 1-2-ը, բայց փաստ է՝ պայմանագիրը մեծացնելու է առանձին պետութիւնների կողմից Արցախի անկախութեան ճանաչման հաւանականութիւնը»,- յաւելեց Կիրօ Մանոյեանը:

Յարակից լուրեր

  • Նրանք գրիչը փոխարինեցին զէնքով ու կռւեցին խաղաղութեան համար
    Նրանք գրիչը փոխարինեցին զէնքով ու կռւեցին խաղաղութեան համար

    1993 թւականի օգօստոսի 23-ին Մարտունու դիրքերում պաշտպանական հատւածը ամրապնդելիս զոհւեցին Մարտունու 26-րդ մոտոհրաձգային գումարտակի հրամանատար, ՀՅԴ Արցախի կենտրոնական կոմիտէի անդամ Մերուժան Մոսիեանը եւ Լիբանանի ՀՅԴ անդամ, ԼՂՀ Մարտունու 26-րդ մոտոհրաձգային գումարտակի հետախուզական եւ զինական մասի խորհրդական Մհեր Ջուլհաճեանը մարտական ընկերների՝ Արտակ Մնացականեանի, Լեւոն Համբարձումեանի եւ Ռուդիկ Աւագեանի հետ:

  • Մեկնարկել է ՀՄԸՄ Արցախի մեկուսի մասնաճիւղի առաջին բանակումը
    Մեկնարկել է ՀՄԸՄ Արցախի մեկուսի մասնաճիւղի առաջին բանակումը

    Օգոստոսի 22-28-ը Ասկերանի շրջանի Պատարա համայնքի տարածքում ընթանում է նախօրէին հիմնւած Հայ մարմնակրթական ընդհանուր միութեան Արցախի մեկուսի մասնաճիւղի առաջին բանակումը:

  • ՀՄԸՄ պաշտօնական մուտքն Արցախ
    ՀՄԸՄ պաշտօնական մուտքն Արցախ

    Ինչպէս տեղեկացրել էինք, օգոստոսի 22-ին Ստեփանակերտում կայացել է Հայ մարմնակրթական ընդհանուր միութեան Արցախի մեկուսի մասնաճիւղի բացման արարողութիւնը:

    Բացման արարողութեանը ներկայ էին ԱՀ նախագահ Բակօ Սահակեանը, Արցախի թեմի առաջնորդ Պարգեւ արքեպիսկոպոս Մարտիրոսեանը, պետնախարար Գրիգորի Մարտիրոսեանը, պետական այրեր, ՀՅԴ Արցախի ԿԿ, ՀՄԸՄ Կենտրոնական Վարչութեան անդամներ, հիւրեր:

  • Արցախում բացւել է ՀՄԸՄ 111-րդ մասնաճիւղը
    Արցախում բացւել է ՀՄԸՄ 111-րդ մասնաճիւղը

    Օգոստոսի 22-ին Արցախի մայրաքաղաք Ստեփանակերտի Վերածննդի հրապարակում հանդիսաւորութեամբ նշւել է Հայ Մարմնակրթական ընդհանուր միութեան (ՀՄԸՄ) Արցախի մասնաճիւղի բացման արարողութիւնը: ՀՄԸՄ-ի Արցախի մասնաճիւղը թւով 111-րդն է եւ բացւել է մօտ մէկ ամիս տեւած նախապատրաստական աշխատանքներից յետոյ:

  • Խմբագրական. Ուղղակի ժողովրդավարութեամբ` հանրաքուէով
    Խմբագրական. Ուղղակի ժողովրդավարութեամբ` հանրաքուէով

    Ամուլսարը հանքարդիւնաբերական նպատակներով շահագործելու խնդիրը համատարած եւ սուր հնչեղութիւն ստացած է մեր երկրին մէջ: Տեղեկատուական բաց համակարգը բնականաբար կը նպաստէ, որ երկրի սահմանները հատուին դէպի ընդհանրապէս հայկական աշխարհ եւ հրապարակային քննարկումները շարունակուին այս առումով: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։