Հա

Ազգային

19/05/2019 - 09:10

ՀՅԴ Բիւրոյի յայտարարութիւնը

Ամիսներ շարունակ Դաշնակցութիւնն ահազանգում էր, որ երկրում սերմանւող ու խրախուսւող քաղաքական անհանդուրժողականութիւնն անխուսափելիօրէն յանգեցնելու է պառակտումների ու ատելութեան։ Ցաւօք, դա այլեւս իրողութիւն է։ Ժողովրդի տարբեր հատւածներին իրար դեմ լարելու, հասարակութիւնը «սեւերի» ու «սպիտակների», իւրայինների ու թշնամիների բաժանելու իշխանութիւնների քաղաքականութիւնն արդէն գործնական դրսեւորումներ է ստանում։ 

Ամիսներ շարունակ Դաշնակցութիւնն ահազանգում էր, որ երկրում սերմանւող ու խրախուսւող քաղաքական անհանդուրժողականութիւնն անխուսափելիօրէն յանգեցնելու է պառակտումների ու ատելութեան։ Ցաւօք, դա այլեւս իրողութիւն է։ Ժողովրդի տարբեր հատւածներին իրար դեմ լարելու, հասարակութիւնը «սեւերի» ու «սպիտակների», իւրայինների ու թշնամիների բաժանելու իշխանութիւնների քաղաքականութիւնն արդէն գործնական դրսեւորումներ է ստանում։ 

ՀՅԴ Բիւրոյի բազմամեայ ներկայացուցիչ, Արցախեան ազատամարտի կազմակերպիչներից Հրանտ Մարգարեանն իր մանկահասակ թոռների հետ Ազատութեան հրապարակում զբօսնելիս յարձակման է ենթարկւել մոլագար ամբոխի կողմից։

Անհանդուրժողականութեան ու թշնամանք տարածելու իշխանութեան անպատասխանատու, ագրեսիւ կոչերն ու ատելութեան խօսքն այլեւս հանրային վարքագիծ է դարձել։ Փողոցային խուժանն արդէն իշխանութիւնների կարգախօսները դարձրել է իր վարքի կանոն։

Ազգային ու մարդկային նկարագիր չունեցող հանրային տականքը գլուխ է բարձրացրել եւ փորձում է իր կամքն ու ստոր արժէքները պարտադրել։ Ամիսներ շարունակ լրատւամիջոցներով ու հանրային հարթակներում Դաշնակցութեան առանձին գործիչների ու կուսակցութեան դէմ իրականացւել է կազմակերպւած, ուղղորդւած ու հովանաւորւող հակաքարոզչութիւն, սերմանւել է թշնամանք ու ատելութիւն։

Հրանտ Մարգարեանին ու Դաշնակցութեանն ուղղւած անբարոյ յայտարարութիւնները, սպառնալիքներն ու ամբոխի յարձակումը մենք գնահատում ենք որպէս յստակ ուղղորդւած գործողութիւն եւ ստոր քայլ Դաշնակցութեան համահայկական ողջ ընտանիքի դէմ։ Յանուն հասարակական համերաշխութեան շատ դէպքերում ենք լռել։ Թերեւս մեր լռութիւնն ու համարժէք քայլերով չպատասխանելը ոմանց մօտ ստեղծել է անպատիժ մնալու թիւր մտայնութիւն։ Այլեւս չենք հանդուրժելու, քանզի հայ մարդուն ոչ վայել վարքագծով ագրեսիւ փողոցային խուժանը հասարակութիւն չէ։

Պահանջում ենք երկրի իշխանութիւններից եւ իրաւապահ մարմիններից ամենակարճ ժամկէտում գնահատական տալ կատարւածին, օրէնքի ողջ խստութեամբ պատժել մեղաւորներին եւ ընդմիշտ վերջ տալ նման գործելաոճին։

 

ՀՅԴ Բիւրօ

19 մայիս, 2019 թ.

Յարակից լուրեր

  • ՀՅԴ Հայաստանի ԳՄ յայտարարութիւնը
    ՀՅԴ Հայաստանի ԳՄ յայտարարութիւնը

    Ամուլսարի շահագործման առնչութեամբ վերջին օրերին ծաւալւող հանրային լարւածութեան պատճառը գործող իշխանութիւնների հակասական յայտարարութիւններն են, չկշռադատւած գործողութիւնները, ինչպէս նաեւ խնդրի շուրջ հասարակութեան լայն շրջանակներում ձեւաւորւած մեծ սպասումներին համարժէք քայլերի բացակայութիւնը։ 

  • «Սա շատ լաւ ցոյց է տալիս, թէ ինչ բոբիկ է ՀՀ իշխանութիւնը տեղեկատւական անվտանգութեան առումով». Կարէն Վրթանէսեանը՝ Չինարիի վերաբերեալ Արարատ Միրզոյեանի գրառման մասին
    «Սա շատ լաւ ցոյց է տալիս, թէ ինչ բոբիկ է ՀՀ իշխանութիւնը տեղեկատւական անվտանգութեան առումով». Կարէն Վրթանէսեանը՝ Չինարիի վերաբերեալ Արարատ Միրզոյեանի գրառման մասին

    Ռազմական փորձագէտ Կարէն Վրթանէսեանը ֆէյսբուքում գրառում է կատարել՝ անդրադառնալով ՀՀ ԱԺ նախագահ Արարատ Միրզոյեանի յայտարարութեանը, թէ Ադրբեջանն այլեւս չի կարողանայ գնդակոծել Չինարին:

  • Յայտարարութիւն Հայաստանում դատարանների շուրջ ծաւալւած իրադարձութիւնների վերաբերեալ
    Յայտարարութիւն Հայաստանում դատարանների շուրջ ծաւալւած իրադարձութիւնների վերաբերեալ

    Պետական իշխանութեան թեւերի միջեւ հաւասարակշռութեան եւ փոխզսպումների համակարգի կայացումն ու անխափան գործունէութիւնը ցանկացած երկրի զարգացման գրաւականներից է: Օրէնսդիր, գործադիր ու դատական համակարգերի անկախութիւնն ու ինքնուրոյնութիւնը պարտադիր պայման է՝ բացառելու իշխանութեան կենտրոնացումը մէկ քաղաքական ուժի ձեռքում, ինչը երկրում մենիշխանութեան հաստատման հիմնական նախադրեալներից է: Այս առումով` դատարանների եւ դատաւորների նկատմամբ քաղաքական իշխանութեան կողմից ազդեցութիւն գործադրելու ցանկացած փորձ անթոյլատրելի է։

  • ՀՅԴ Գանատայի 48-րդ Շրջանային ժողովի յայտարարութիւն
    ՀՅԴ Գանատայի 48-րդ Շրջանային ժողովի յայտարարութիւն

    Յուլիս 5-7 շաբաթավերջին, Մոնթրէալի մէջ կայացաւ ՀՅԴ Գանատայի 48-րդ Շրջանային ժողովը, մասնակցութեամբ Վանգուվըրի, Թորոնթոյի, Լաւալի, Գէմպրիճի, Ս. Գաթրինզի Մոնթրէալի, Համիլթընի եւ Օթթաուայի կոմիտէութեանց պատգամաւորներուն, ինչպէս նաեւ ՀՅԴ «Արմէն Գարօ» ուսանողական, ՀՅԴ Գանատայի երիտասարդական միութեանց պատգամաւորներուն:

  • ՀՅԴ Արցախի կազմակերպութեան շրջանային ժողովի յայտարարութիւնը
    ՀՅԴ Արցախի կազմակերպութեան շրջանային ժողովի յայտարարութիւնը

    ՀՅ Դաշնակցութեան Արցախի կազմակերպութեան բարձրագոյն ժողովը, քննելով եւ վերլուծելով Արցախում տիրող կացութիւնը եւ առաջիկայ ՏԻՄ, նախագահական եւ խորհրդարանական ընտրութիւններում Դաշնակցութեան դիրքորոշումները, արձանգրելով, որ որոշ քաղաքական ուժերի եւ առանձին գործիչների կողմից վաղաժամկէտ սկսած նախագահական ընտրութիւնների նախապատրաստման գործընթացը եւ սահմանադրական իրաւակարգաւորումներին հակասող փաստացի քարոզարշաւը հասարակութեան ծայրաստիճան բեւեռացման պատճառ է դարձել, ինչին նպաստել է նաեւ իշխանութեան կողմից երկրում արմատական բարեփոխումների գործընթացի անհետեւողականութիւնը.

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։