Հա

Ազգային

21/05/2019 - 14:40

ՀՅԴ Հայաստանի ԳՄ յայտարարութիւնը

Վերջին օրերին երկրում ընթացող զարգացումները եւ, յատկապէս, դատաիրաւական համակարգի վերաբերեալ վարչապետ Ն. Փաշինեանի մօտեցումները կրկին մեր հանրային-պետական կեանքի ալեկոծման պատճառ են դարձել։ Այս կապակցութեամբ հարկ ենք համարում կատարել հետեւեալ արձանագրումները.

Վերջին օրերին երկրում ընթացող զարգացումները եւ, յատկապէս, դատաիրաւական համակարգի վերաբերեալ վարչապետ Ն. Փաշինեանի մօտեցումները կրկին մեր հանրային-պետական կեանքի ալեկոծման պատճառ են դարձել։ Այս կապակցութեամբ հարկ ենք համարում կատարել հետեւեալ արձանագրումները.

- Տարբեր հարցերի վերաբերեալ իշխանութիւնների չկշռադատւած, խնդրայարոյց եւ տարակուսանքի տեղիք տւող որոշումները, այլակարծութեան ագրեսիւ մերժումը թշնամանքի եւ անհանդուրժողականութեան մթնոլորտ են ստեղծում, ինչը ջլատում է մեր ժողովրդի հաւաքական ներուժը։

- Քաղաքական, հանրային դաշտում դաւադիրներ եւ դաւաճաններ փնտրելու մտասեւեռումը հարւածի տակ է դնում մեր ազգային անվտանգութիւնը, համերաշխութիւնը, Հայաստան-Արցախ միասնութիւնն ու մեր պաշտպանական համակարգը։

- Վերջին մէկ տարում երկրի քաղաքական իշխանութիւնն ունէր բաւարար լեգիտիմութիւն, իսկ 2018 թ. ԱԺ արտահերթ ընտրութիւններից յետոյ լիակատար հնարաւորութիւն հանրային կեանքի բոլոր ոլորտներում, այդ թւում` դատաիրաւական համակարգում (դատարաններ, դատախազութիւն, քննչական մարմիններ, ոստիկանութիւն) սկսելու բոլորիս կողմից այդքան սպասւող բովանդակային եւ խորքային փոփոխութիւնները։

- Ըստ էութեան չիրացնելով գործող Սահմանադրութեամբ եւ ՀՀ օրէնսդրութեամբ վարչապետին վերապահւած լայն լիազօրութիւններն ու պարտականութիւնները՝ Փաշինեանը որդեգրել է ժողովրդի գործօնը շահարկող մարտավարութիւն։

- Դեռեւս մեխանիզմներով եւ բովանդակութեամբ անորոշ անցումային արդարադատութեան նպատակների համար դատական իշխանութեան կազմաքանդումը վտանգում է մեր երկրի արդարադատութեան համակարգը։

Սիրելի՛ հայրենակիցներ, Հ.Յ. Դաշնակցութիւնը իրավիճակը գնահատում է տագնապեցնող. սխալ ճանապարհով ճիշտ հանգրւանի չենք հասնի։

Ստեղծւած իրավիճակի եւ հետեւանքների ամբողջ պատասխանատւութեան հասցէատէրը առաջին հերթին իշխանութիւններն են։ Այնուամենայնիւ, ոչ ոք իրաւունք չունի դիտորդի կարգավիճակով փաստելու, թէ ինչպէս է մաշւում ու հիւծւում պետութիւնը, թէ ինչպէս է ոչ խոհեմ գործելաոճն ու քաղաքական վարքագիծը սասանում մեր պետականութեան հիմքերը։

Համախմբւելու եւ այս անհեռանկար ընթացքը կասեցնելու ժամանակն է։

Դաշնակցութիւնը նախաձեռնում է բոլոր կողմերի հետ քննարկել իրավիճակը լիցքաթափելու, պետականաշինութեան գործընթացը բնականոն հուն տեղափոխելու, ժողովրդի ակնկալած բարեփոխումներն իրականութիւն դարձնելու ուղիները։

Մայիսի 23-ին, ժամը 19:00-ին ՀՅԴ-ն հրաւիրում է հանրահաւաքի՝ ներկայացնելու առկայ իրավիճակից դուրս գալու ելքերի վերաբերեալ իր մօտեցումներն ու տեսակէտները։

 

ՀՅԴ ՀԱՅԱՍՏԱՆԻ ԳԵՐԱԳՈՅՆ ՄԱՐՄԻՆ

21.05.2019

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։