Հա

Ազգային

09/07/2019 - 15:30

ՀՅԴ Նոր Սերունդը Փարիզի մէջ բողոքի ցոյց կը կազմակերպէ ֆրանքեւազէրպայճանական համագործակցութեան դէմ

ՀՅԴ Նոր Սերունդը որոշած է չորեքշաբթի, յուլիս 10-ի երեկոյեան, Փարիզի մէջ, Արտաքին գործոց նախարարութեան շէնքին առջեւ ցոյց մը կազմակերպել, բողոքելու համար ֆրանքեւազէրպայճանական համագործակցութեան դէմ։ 

ՀՅԴ Նոր Սերունդը որոշած է չորեքշաբթի, յուլիս 10-ի երեկոյեան, Փարիզի մէջ, Արտաքին գործոց նախարարութեան շէնքին առջեւ ցոյց մը կազմակերպել, բողոքելու համար ֆրանքեւազէրպայճանական համագործակցութեան դէմ։ 

Այս առթիւ ՀՅԴ Նոր Սերունդի հրապարակած հաղորդագրութեան մէջ կը վերյիշեցուի ֆրանսական արդարադատութեան՝ Արցախի հետ բարեկամութեան ուխտերու ջնջումի որոշումները ու կ՚ըսուի.-

«Ֆրանսա անգամ մը եւս կ՚ոտնակոխէ այն արժէքները, որոնք կոչուած են իրը ըլլալու։ Սոյն ուխտերը, որոնք պէտք է խորհրդանշէին ԲԱՐԵԿԱՄՈՒԹԻՒՆ-ը այդ (ֆրանսական եւ արցախեան - «ՆՅ») քաղաքներուն միջեւ, ջնջուեցան տնտեսական եւ քաղաքական նկատառումներով, այդպէսով տեղի տալով՝ ազէրի մենատիրոջ պահանջներուն։ Ո՞ւր մնացին մարդկային իրաւունքները եւ Ֆրանսայի ազատ իրաւարարի հանգամանքը։

Բայց կայ դեռ աւելին։ Արդէն ծանօթ ենք Էմանիւէլ Մաքրոնի Ֆրանսայի եւ մենատէր Ալիեւի Ազէրպայճանի տնտեսական կապերուն։ Ֆրանսա կ՚արտադրէ զէնքեր ու կը մատակարարէ Ազէրպայճանին, որ կը գործածէ սպանելու համար մեր եղբայրներն ու քոյրերը։ Կեղծաւորութիւն է ասիկա։ Ներկայիս ալ կը տեղեկանանք, որ ֆրանսական Թալես ձեռնարկութիւնը Ազէրպայճանին պիտի մատակարարէ վերահսկողութեան եւ ձայնատեղաստուգումի(radiolocalisation) տարբեր տեսակի սարքեր։

Այս պատճառներով՝ ձեզի ժամադրութիւն կու տանք Չորեքշաբթի, Յուլիս 10, ժամը 18.30-ին ցոյց կատարելու Արտաքին գործոց նախարարութեան շէնքին առջեւ։

Վե՛րջ՝ ֆրանքեւազէրպայճանական քաղաքական-ռազմական համագործակցութեան։ Վերյիշեցնենք ֆրանսական կառավարութեան՝ իր պատասխանատւութիւնները։ Վերյիշեցնենք անոր, որ մարդկային արժէքները որքա՜ն աւելի կարեւոր են, քան դրամը։ Վերյիշեցնենք անոր, որ վաճառած զէնքերը կը գործածուին մեր եղբայրներուն ու քոյրերուն դէմ, որոնք կը պաշտպանեն մեր հողերը, ի գին իրենց կեանքին։

Պարո՛ն Մաքրոն, դադրեցուցէ՛ք ֆրանսահայ համայնքին հետ խաղալը։ Դադրեցուցէ՛ք խաղալը Արցախի մեր եղբայրներուն ու քոյրերուն կեանքին հետ, որոնք կը պաշտպանեն Արցախը»։

 

«Նոր Յառաջ», 9 յուլիս 2019 թ.

Յարակից լուրեր

  • «Ազատութիւն յանուն ինչի՞». Լիլիթ Գալստեան
    «Ազատութիւն յանուն ինչի՞». Լիլիթ Գալստեան

    ՀՅԴ Հայաստանի ԳՄ անդամ Լիլիթ Գալստեանն իր ֆէյսբութեան էջում գրել է. «Օրեր առաջ, խուսափելով իրաւական գնահատական տալուց եւ այն թողնելով սահմանադրագէտներին, տարակուսանքս էի յայտնել Վահէ Գրիգորեանի ինքնահռչակման պահւածքի, նրա արկածախնդրութիւնը նախադէպային դարձնելու վտանգաւորութեան եւ, առհասարակ, այսպէս մտածելու որակների ու գործողութիւնների շուրջ։

  • Ծաւալւած գործընթացն իր մէջ պարունակում է լուրջ վտանգներ
    Ծաւալւած գործընթացն իր մէջ պարունակում է լուրջ վտանգներ

    Սամուէլ Բաբայեանը եւ նրա թիմակիցները փորձում են մեր հանրութեանը մոլորութեան տանելով եւ զգացական թելերի վրայ խաղալու քայլերով բացատրել, որ իբր այս գործընթացով Արցախը վերջնականորեն կը միաւորւի մայր Հայաստանին:

  • Տեղի է ունցել ՀՅԴ-ԱԺՄ հանդիպումը
    Տեղի է ունցել ՀՅԴ-ԱԺՄ հանդիպումը

    Յուլիսի 9-ին Հայ Յեղափոխական Դաշնակցութեան «Սիմոն Վրացեան» կենտրոնում տեղի է ունեցել հանդիպում ՀՅԴ Հայաստանի Գերագոյն մարմնի եւ «Ազգային ժողովրդավարական միութիւն» կուսակցութեան ներկայացուցիչների միջեւ:

  • Ֆրանս-ադրբեջանական համագործակցութիւնը առաջացրել է ֆրանսահայ համայնքի զայրոյթը
    Ֆրանս-ադրբեջանական համագործակցութիւնը առաջացրել է ֆրանսահայ համայնքի զայրոյթը

    ՀՅԴ «Նոր սերունդը» յուլիսի 10-ին Փարիզում՝ Ֆրանսիայի արտաքին գործերի նախարարութեան դիմաց, նախաձեռնելում է բողոքի ակցիա՝ ընդդէմ ֆրանս-ադրբեջանական համագործակցութեան: «Tert.am»-ի հետ զրոյցում այս մասին յայտնեց ՀՅԴ «Նոր սերունդի» ատենապետ Պերճ Քերթեշեանը:

  • Ստեփանակերտում մեկնարկել է ՀՅԴ պատանեկան ճամբարը
    Ստեփանակերտում մեկնարկել է ՀՅԴ պատանեկան ճամբարը

    2008 թւականից Արցախում պատանեկան ճամբարներ անցկացնող Արեւմտեան Ամերիկայի ՀՅԴ երիտասարդական միութեան համար այս տարին եւս բացառութիւն չէր:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։