Հա

Ազգային

10/07/2019 - 11:30

Տեղի է ունցել ՀՅԴ-ԱԺՄ հանդիպումը

Յուլիսի 9-ին Հայ Յեղափոխական Դաշնակցութեան «Սիմոն Վրացեան» կենտրոնում տեղի է ունեցել հանդիպում ՀՅԴ Հայաստանի Գերագոյն մարմնի եւ «Ազգային ժողովրդավարական միութիւն» կուսակցութեան ներկայացուցիչների միջեւ:

«alikonline.ir» - Յուլիսի 9-ին Հայ Յեղափոխական Դաշնակցութեան «Սիմոն Վրացեան» կենտրոնում տեղի է ունեցել հանդիպում ՀՅԴ Հայաստանի Գերագոյն մարմնի եւ «Ազգային ժողովրդավարական միութիւն» կուսակցութեան ներկայացուցիչների միջեւ: Տեղեկացնում է «Yerkir.am»-ը:

Հանդիպումը նախաձեռնել էր ՀՅԴ Հայաստանի Գերագոյն մարմինը, որը շարունակում է քաղաքական խորհրդակցութիւնների շարքը խորհրդարանական եւ արտախորհրդարանական ուժերի հետ:

ԱԺՄ կուսակցութեան կողմից հանդիպմանը մասնակցում էին կուսակցութեան վարչութեան անդամներ Անահիտ Աղոյեանը, Ադրինէ Աւագեանը, Աշոտ Այւազեանը, Վարդան Վարդանեանը եւ Հրաչ Յամբարձումեանը։ Դաշնակցութեան կողմից հանդիպմանը մասնակցում էին ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը, ՀՅԴ մասնագիտական ոլորտային յանձնախմբերի համակարգող Արծւիկ Մինասեանը, ՀՅԴ Գերագոյն մարմնի անդամներ Շաղիկ Մարուխեանը եւ Աշոտ Սիմոնեանը ։

Գերագոյն մարմնի ներկայացուցիչ Իշխան Սաղաթելեանը նշել է, որ Դաշնակցութիւնն ու ԱԺՄ-ն ունեն համատեղ անցած ճանապարհ, եւ այժմ տեսանելի են համագործակցութեան հեռանկարները երկրում առկայ խնդիրներին լուծումներ առաջարկելու ուղղութեամբ։

ԱԺՄ վարչութեան անդամ Անահիտ Եղոյեանը նշել է, որ երկու կուսակցութիւնները երկրում առկայ իրավիճակը նոյն ձեւով են վերլուծում, եւ այդ հարցում կայ փոխըմբռնում` երկրում տիրող անհանդուրժողականութեան մթնոլորտն արգելք է ցանկացած առաջընթացի համար։

ՀՅԴ մասնագիտական ոլորտային յանձնախմբերի համակարգող Արծւիկ Մինասեանը ներկայացրել է Դաշնակցութեան նախաձեռնած ոլորտային յանձնախմբերի աշխատանքը, ինչպէս նաեւ որոշ օրէնսդրական նախաձեռնութիւնների առընչութեամբ կուսակցութեան տեսակէտները։ Նա ներկայացրել է նաեւ Դաշնակցութեան «Զարգանալ` չզիջելով» հայեցակարգի կարեւորութիւնը եւ դրա շուրջ համախոհ ուժերի համախմբման անհրաժեշտութիւնը։

Կողմերը համակարծիք են եղել, որ միասնական օրակարգի ձեւաւորումն ուղղւած է լինելու ապագայի քաղաքականութեան մշակմանը եւ այլընտրանքային օրակարգ առաջարկելուն։

Պայմանաւորւածութիւն է ձեռք բերւել առաւել ակտիւացնել միջկուսակցական շփումները ներքաղաքական կարեւորագոյն հարցերի շուրջ։

Յիշեցնենք, որ ՀՅԴ Հայաստանի Գերագոյն մարմնի այս նախաձեռնութեան նպատակն է խորհրդարանական եւ արտախորհրդարանական քաղաքական առողջ ուժերի հետ քննարկել երկրում տիրող քաղաքական իրավիճակը եւ մի շարք հարցերի ուղղութեամբ ճշգրտել մօտեցումներն ու համագործակցութեան հնարաւոր ուղիները։

Յարակից լուրեր

  • «Ազատութիւն յանուն ինչի՞». Լիլիթ Գալստեան
    «Ազատութիւն յանուն ինչի՞». Լիլիթ Գալստեան

    ՀՅԴ Հայաստանի ԳՄ անդամ Լիլիթ Գալստեանն իր ֆէյսբութեան էջում գրել է. «Օրեր առաջ, խուսափելով իրաւական գնահատական տալուց եւ այն թողնելով սահմանադրագէտներին, տարակուսանքս էի յայտնել Վահէ Գրիգորեանի ինքնահռչակման պահւածքի, նրա արկածախնդրութիւնը նախադէպային դարձնելու վտանգաւորութեան եւ, առհասարակ, այսպէս մտածելու որակների ու գործողութիւնների շուրջ։

  • Արամ Ա կաթողիկոսը ընդունել է Լիբանանում ՀՀ դեսպանին
    Արամ Ա կաթողիկոսը ընդունել է Լիբանանում ՀՀ դեսպանին

    Վեհափառ Հայրապետին այցելեց Լիբանանի մօտ Հայաստանի Հանրապետութեան դեսպան Վահագն Աթաբէկեան, Պիքֆայայի Ս. Աստուածածին վանքին մէջ:

  • ՀՅԴ Լիբանանի կեդրոնական կոմիտէն այցելեց վարչապետ Հարիրիի
    ՀՅԴ Լիբանանի կեդրոնական կոմիտէն այցելեց վարչապետ Հարիրիի

    ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի, ընկերակցութեամբ զբօսաշրջութեան նախարար Աւետիս Կիտանեանի, երէկ այցելեց վարչապետ Սաատ Հարիրիի:

  • Ծաւալւած գործընթացն իր մէջ պարունակում է լուրջ վտանգներ
    Ծաւալւած գործընթացն իր մէջ պարունակում է լուրջ վտանգներ

    Սամուէլ Բաբայեանը եւ նրա թիմակիցները փորձում են մեր հանրութեանը մոլորութեան տանելով եւ զգացական թելերի վրայ խաղալու քայլերով բացատրել, որ իբր այս գործընթացով Արցախը վերջնականորեն կը միաւորւի մայր Հայաստանին:

  • «Դաշնակցութիւն» խմբակցութիւնը հանդիպել է Արարատ Դանիէլեանին
    «Դաշնակցութիւն» խմբակցութիւնը հանդիպել է Արարատ Դանիէլեանին

    Երէկ՝ յուլիսի 12-ին, ԱՀ Ազգային ժողովի «Դաշնակցութիւն» խմբակցութեան պատգամաւորները հանդիպել են ԱՀ արդարադատութեան նախարար Արարատ Դանիէլեանի հետ՝ մանրամասն քննարկելու առաջին ընթերցմամբ ընդունւած ԱՀ Ընտրական օրէնսգրքի եւ Կուսակցութիւնների մասին օրէնքի նախագծերը, բանաւոր ներկայացնելու խմբակցութեան առաջարկութիւնները եւ մտքեր փոխանակելու մի շարք այլ հարցերի շուրջ:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։