Հա

Ազգային

10/07/2019 - 11:00

Ֆրանս-ադրբեջանական համագործակցութիւնը առաջացրել է ֆրանսահայ համայնքի զայրոյթը

ՀՅԴ «Նոր սերունդը» յուլիսի 10-ին Փարիզում՝ Ֆրանսիայի արտաքին գործերի նախարարութեան դիմաց, նախաձեռնելում է բողոքի ակցիա՝ ընդդէմ ֆրանս-ադրբեջանական համագործակցութեան: «Tert.am»-ի հետ զրոյցում այս մասին յայտնեց ՀՅԴ «Նոր սերունդի» ատենապետ Պերճ Քերթեշեանը:

«alikonline.ir» - ՀՅԴ «Նոր սերունդը» յուլիսի 10-ին Փարիզում՝ Ֆրանսիայի արտաքին գործերի նախարարութեան դիմաց, նախաձեռնելում է բողոքի ակցիա՝ ընդդէմ ֆրանս-ադրբեջանական համագործակցութեան: «Tert.am»-ի հետ զրոյցում այս մասին յայտնեց ՀՅԴ «Նոր սերունդի» ատենապետ Պերճ Քերթեշեանը:

«Երկու հարց ենք բարձրացնելու բողոքի ակցիայի ժամանակ: Մէկը՝ ֆրանս-ադրբեջանական ռազմական համագործակցութեան հարցն է, միւսը՝ ֆրանսիական դատարանի կողմից Ֆրանսիայի եւ Արցախի քաղաքների միջեւ բարեկամական հռչակագրերը չեղարկելու հարցը»,- ասաց նա:

Նա նշեց, որ տեղեակ է ՀՀ արտաքին գործերի նախարարութեան յայտարարութիւնից, որ Ֆրանսիայի նախագահ Էմանուէլ Մակրոնը վստահեցրել է, որ ֆրանսիական զէնքերը չեն օգտագործւի հայ ժողովրդի դէմ: Իրենք էլ, ըստ Պերճ Քերթեշեանի, լսել են Մակրոնի այդ յայտարարութիւնը Ֆրանսիայի հայկական ընկերութիւնները համակարգող ընթրիքի ժամանակ, սակայն դրան վստահելու հիմք չունեն:

«Դա մեզ համար հիմա միայն խօսք է, եւ չգիտենք պատերազմ լինելու դէպքում դրանք կօգտագործւե՞ն Արցախի դէմ, որքանո՞վ Ֆրանսիան կը կարողանայ դա վերահսկել… դժւար է ասել: Բայց եւ այնպէս տեղեկացանք, որ ֆրանսիական ընկերութիւններից մէկը Ադրբեջանի հետ ցանկանում է զէնքի արտադրութեան ոլորտում համագործակցել: Սա մեզ մտահոգում է․ Ֆրանսիան էմբարգօ ունի Արցախեան հակամարտութեան կողմերին զէնք վաճառելու, բայց համագործակցում է: Դրա դէմ պէտք է բողոքենք»,- ասաց նա:

Իսկ թէ ինչ արդիւնք կը տայ նրանց բողոքի ակցիան, ըստ Պերճ Քերթեշեանի, կախւած է իրենց՝ ակցիայի մասնակիցների ակտիւութիւնից: «Մեծ տնտեսական գործարք է, բայց գուցէ հնարաւոր լինի քաղաքական որոշման արդիւնքում այն չեղարկել»,- ասաց նա:

Պերճ Քերթեշեանի խօսքով՝ ֆրանս-ադրբեջանական համագործակցութիւնը առաջացրել է ամբողջ ֆրանսահայ համայնքի զայրոյթը: Այսօր էլ, ըստ նրա, բողոքն իրենց կուսակցութիւնն է նախաձեռնել, բայց իրենց կը միանան նաեւ ոչ կուսակիցներ:

«Հիմա դժւար է ասել, թէ քանի հոգի է մասնակցելու ակցիային: Պէտք է պարզապէս հաշւի առնել, որ հիմա նաեւ հանգստի շրջան է․ դրանով պայմանաւորւած, կարող է աւելի քիչ մարդ հաւաքւի»,- ասաց նա:

Ֆրանսիայի կառավարութեանը ճնշելը եւ ստիպելը, որ հրաժարւի Ադրբեջանի հետ համագործակցութիւնից, նրա խօսքով, հեշտ չի լինի իրենց համար, քանի որ Ադրբեջանն էլ ունի իր ազդեցութեան լծակները, մեծ գումարներ է ծախսում նաեւ քարոզչութեան համար:

«Մենք պէտք է ամէն ջանք թափենք կանխելու համար, որ ֆրանս-ադրբեջանական համագործակցութեամբ զէնքը չօգտագործւի մեր եղբայրների դէմ»,- ասաց նա:

Անդրադառնալով ՀՀ իշխանութիւնների՝ ֆրանս-ադրբեջանական համագործակցութեան մասին արձագանքներին, թէ Ֆրանսիայի նախագահը խոստացել է, որ զէնքը Արցախի հակամարտութիւնում չի օգտագործւի, Պերճ Քերթեշեանը նկատեց.

«Մեզ զարմացրել է Հայաստանի նման արձագանքը: Ակնկալում էինք, որ աւելի ակտիվ եւ պահանջկոտ կը լինէին այս համագործակցութեան վերաբերեալ, եւ ոչ միայն կը վստահէին, այլ կոնկրետ քայլեր կանէին՝ դա կանխելու համար: Հիմա համայնք էլ նրանց է սպասում եւ զարմանում է՝ ինչո՞ւ չեն շարժւում, ինչո՞ւ քայլեր չեն ձեռնարկում»:

Յարակից լուրեր

  • «Արցախում ո՞ր ուժերը ՀՅԴ-ի հետ նախագահի համաձայնեցւած թեկնածու կունենան». Դաւիթ Իշխանեանն է պարզաբանում
    «Արցախում ո՞ր ուժերը ՀՅԴ-ի հետ նախագահի համաձայնեցւած թեկնածու կունենան». Դաւիթ Իշխանեանն է պարզաբանում

    Արցախի՝ 2020 թ.-ի նախագահական ընտրութիւններին համաձայնեցւած թեկնածուով մասնակցելու նպատակով՝ ՀՅԴ-ն հանդիպումներ եւ քննարկումներ է անցկացրել գրանցւած 22 կուսակցութիւնից 15-ի հետ. Yerkir.am-ի հետ բացառիկ հարցազրոյցում ասաց ՀՅԴ Արցախի ԿԿ ներկայացուցիչ Դաւիթ Իշխանեանը:

  • «Դեղին բաճկոնները» եւ բնապահպան ակտիւիստները բողոքի ցոյց են իրականացրել Փարիզում
    «Դեղին բաճկոնները» եւ բնապահպան ակտիւիստները բողոքի ցոյց են իրականացրել Փարիզում

    «Դեղին բաճկոններ» շարժման հարիւրաւոր կողմնակիցներ եւ բնապահպանական կազմակերպութիւնների ակտիւիստներ մասնակցել են Փարիզի հարաւարեւելեան շրջանում կազմակերպւած շաբաթօրեայ բողոքի ակցիաներին:

  • Հ. Յ. Դաշնակցութեան 129-ամեակին նւիրւած հանդիսութիւն՝ Թեհրանում
    Հ. Յ. Դաշնակցութեան 129-ամեակին նւիրւած հանդիսութիւն՝ Թեհրանում

    129-ամեայ կաղնի Հայ Յեղափոխական Դաշնակցութիւնը իր երիտասարդական աւիւնով շարունակում է իր երթը, հայ ժողովրդի վեհ գաղափարների իրականացման ճամբին:

    ՀՅԴ 129-ամեակի տօնակատարութիւնը մեկնարկեց «Մշակ բանւոր» օրհներգով, Հ. Մ. «Արարատ» կազմակերպութեան «Կոմիտաս» սրահում, հինգշաբթի, հոկտեմբերի 3-ին, ուր օրւայ բանախօս էր հրաւիրւել ՀՅԴ Հայաստանի Գերագոյն մարմնի անդամ Արծւիկ Մինասեանը:

  • Ղեկավարում ալ կայ, ղեկավարում ալ…
    Ղեկավարում ալ կայ, ղեկավարում ալ…

    Դաշնակցական մտաւորական, հրապակագիր եւ հրապարակախօս Սեդօ Պոյաճեանն իր ֆէյսբուքեան էջում գրել է. «Ի վերջոյ ունինք ղեկավարում, պէ՚տք է ունենանք, որպէսզի առաջ ընթանայ ազգային կեանքը։ Հարցը, սակայն, ղեկավարումի որակին եւ կարողութեան մասին է։ Ղեկավարումի մակարդակին աթոռի վրայ նստած պատահական մարդ կրնայ գնահատուիլ ո՚չ թէ իր անձին սեփական քարոզչութեամբ, այլ իր նախաձեռնած աշխատանքով՝ յօգուտ հաւաքականին։

  • Բեկորի մահւան 27-րդ տարելիցն է
    Բեկորի մահւան 27-րդ տարելիցն է

    «Ամէն հայ պէտք է զգայ, որ առանց իրեն հայրենիքը կը փլւի»: Այս խօսքերի պատկանում են ԱՀ Ստեփանակերտի առաջին վաշտի հրամանատար, «Արցախի հերոս», «Մարտական խաչ» առաջին աստիճանի շքանշանակիր, ՀՅԴ անդամ Բեկոր Աշոտին (Աշոտ Ղուեան, Ասկոլկա): 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։