Հա

Ազգային

03/08/2019 - 08:00

ՀՅԴ Լիբանանի Հայ Դատի մարմինը նամակ մը յղեց UNESCO-ի ընդհանուր քարտուղար Օտրէ Ազուլէին

ՀՅԴ Լիբանանի Հայ Դատի մարմինը օգոստոսի 1-ին UNESCO-ի ընդհանուր քարտուղար Օտրէ Ազուլէին յղեց նամակ մը, որուն մէջ զօրակցութիւն յայտնեց կրթութեան, գիտութեան եւ մշակոյթի ոլորտներուն մէջ միջազգային գործակցութեան ճամբով աշխարհի վրայ խաղաղութեան ու անվտանգութեան նպաստող UNESCO-ի առաքելութեան, ինչպէս նաեւ գնահատեց UNESCO-ի Համաշխարհային ժառանգութեան յանձնախումբի մշակութային, պատմական եւ բնական գոհարներու պահպանման ջանքերը:

ՀՅԴ Լիբանանի Հայ Դատի մարմինը օգոստոսի 1-ին UNESCO-ի ընդհանուր քարտուղար Օտրէ Ազուլէին յղեց նամակ մը, որուն մէջ զօրակցութիւն յայտնեց կրթութեան, գիտութեան եւ մշակոյթի ոլորտներուն մէջ միջազգային գործակցութեան ճամբով աշխարհի վրայ խաղաղութեան ու անվտանգութեան նպաստող UNESCO-ի առաքելութեան, ինչպէս նաեւ գնահատեց UNESCO-ի Համաշխարհային ժառանգութեան յանձնախումբի մշակութային, պատմական եւ բնական գոհարներու պահպանման ջանքերը:

Մարմինը, սակայն, UNESCO-ի ընդհանուր քարտուղարին յիշեցուց, որ շարք մը միջազգային այլ կազմակերպութիւններու նման ՀՅԴ Լիբանանի Հայ Դատի մարմինը եւս մէկ տարի առաջ մտահոգութիւն յայտնած էր UNESCO-ի Միջազգային ժառանգութեան յանձնախումբի քաղաքականացման առնչութեամբ` մասնաւորաբար յանձնախումբի 43-րդ նիստը գումարելով Ազրպէյճանի մէջ, երկիր մը, որ կը շարունակէ Մշակութային ցեղասպանութիւնը` կանոնաւոր կերպով բնաջնջելով մարդկութեան անգնահատելի ժառանգութիւններ, ինչպիսիք են Նախիջեւանի Ջուղա շրջանի հայկական խաչքարերը, որոնց դէմ գործուած ոճիրը տեսագրուած էր 2005-ին:

Մարմինը նաեւ ցաւ յայտնեց, որ ազրպէյճանական իշխանութիւններուն կողմէ անվտանգութեան երաշխիքներու դիտաւորեալ կերպով չտրամադրուելուն պատճառով հայկական պատուիրակութեան UNESCO-ի Համաշխարհային ժառանգութեան յանձնախումբի 43-րդ նիստին մասնակցութեան կարելիութիւնը խափանուեցաւ:

Հայ Դատի մարմինը նշեց, որ UNESCO-ի Համաշխարհային ժառանգութեան յանձնախումբը յուլիս 2019-ին իր գումարած նիստին ընթացքին որդեգրեց համաշխարհային ժառանգութեան 29 նոր վայրեր, որոնց շարքին` Հիւսիսային Ազրպէյճանի մէջ Շեքի Խանի պալատը, որ կը գտնուի շրջանի մը մէջ, ուր գոյութիւն ունին Ազրպէյճանի Հանրապետութեան հաստատումէն դարեր առաջ կառուցուած պարսկական, վրացական եւ հայկական կարեւոր վայրեր:

Մարմինը յոյս յայտնեց, որ UNESCO-ն իր այդ քայլով կը նպաստէ նաեւ վերաշինութեանը Շեքի Խանի պալատին մօտ գտնուող նոյնքան կարեւոր ու գեղեցիկ նմանօրինակ վայրերու, ինչպէս` Ս. Եղիշէ եկեղեցիին եւ Վարդաշէն պատմական քաղաքին: Մարմինը նաեւ կարեւոր նկատեց հաստատումը հետաքննական առաքելութեան մը, որուն նպատակը ըլլայ ճշդել ճակատագիրը Ազրպէյճանի տարածքին գտնուող եւ հայ ժողովուրդի ժառանգութեան պատկանող հազարաւոր մշակութային վայրերու ու պաշտպանել զանոնք, մանաւանդ որ անոնք անտեսումի կամ դիտաւորեալ ու կանոնաւոր բնաջնջումի պատճառով կը կորսուին:

«Այս քայլերը մեծապէս պիտի նպաստեն UNESCO-ի Համաշխարհային ժառանգութեան յանձնախումբի մշակութային, պատմական եւ բնական գոհարները պահպանելու ջանքերուն, ինչպէս նաեւ UNESCO-ի աշխարհի վրայ խաղաղութեան եւ անվտանգութեան նպաստելու առաքելութեան», ընդգծեց ՀՅԴ Լիբանանի Հայ Դատի մարմինը:

 

«Ազդակ»

Յարակից լուրեր

  • ՀՅԴ Լիբանանի Հայ Դատի մարմինը նամակ մը յղեց Լիբանանի մէջ Սէուտական Արաբիոյ դեսպանին
    ՀՅԴ Լիբանանի Հայ Դատի մարմինը նամակ մը յղեց Լիբանանի մէջ Սէուտական Արաբիոյ դեսպանին

    ՀՅԴ Լիբանանի Հայ Դատի մարմինը երէկ նամակ մը յղեց Լիբանանի մէջ Սէուտական Արաբիոյ դեսպան Ուալիտ Պուխարիի` իր գնահատանքը արտայայտելով Սէուտական Արաբիոյ կրթութեան նախարարութեան կողմէ` երկրին պատմութեան դասագիրքին մէջ Օսմանեան կայսրութեան վերաբերեալ կատարուած փոփոխութեան համար որ լոյս կը սփռէ Սէուտական Արաբիոյ դէմ անոր գործած ոճիրներուն վրայ եւ իրաւամբ զայն կը նկատէ «բռնագրաւող եւ ոճրագործ»:

  • ԻՒՆԵՍԿՕ-ն հասաւ Գիւմրի. կառոյցի մասնագէտները հայրաքաղաքում են
    ԻՒՆԵՍԿՕ-ն հասաւ Գիւմրի. կառոյցի մասնագէտները հայրաքաղաքում են

    ԻՒՆԵՍԿՕ-ի համաշխարհային մշակութային ժառանգութիւնները վաւերացնող մասնագէտները Գիւմրիում տեխնիկական ուսումնասիրութիւններ կանցկացնեն։ Սա Գիւմրին ԻՒՆԵՍԿՕ-ի մշակութային ժառանգութեան ցանկում ընդգրկելու առաջին քայլերից է։

  • Հայ Դատը Հայաստանի մէջ գիտութեանց դասաւանդման նպատակով 140 միլիոն տոլարի աջակցութեան կոչը կը կրկնէ
    Հայ Դատը Հայաստանի մէջ գիտութեանց դասաւանդման նպատակով 140 միլիոն տոլարի աջակցութեան կոչը կը կրկնէ

    Ամերիկայի Հայ Դատի յանձնախումբը անգամ մը եւս նամակով մը դիմած է Միացեալ Նահանգներու արտաքին գործոց նախարար Մայք Փոմփէոյին, Հայաստանի մէջ գիտութեան, արհեստագիտութեան, ճարտարագիտութեան, արուեստներու եւ ուսողութեան (STEAM) դասաւանդումներու զարգացման նպատակներուն համար «Հազարամեակի մարտահրաւէրներ» հիմնարկէն 140 միլիոն տոլարի օժանդակութիւն ապահովելու համար։

  • 120-ամեայ նամակ Սուրբ Թադէի վանքից
    120-ամեայ նամակ Սուրբ Թադէի վանքից

    Այս օրերին երբ պատրաստւում ենք մեր հաւատքի ծննդավայր Սուրբ Թադէոս Առաքեալի վանքի տարեկան եռօրեայ ուխտագնացութեան, վերանորոգելու մեր քրիստոնէական հաւատքն ու ազգային պատկանլիութիւնը, մեր աչքերը յետադարձ հայեացքով սեւեռում ենք վանքի ժամանակակից պատմութեան, հաղորդւելու անցեալով եւ տեսնելու այն անձուկ կացութիւնը որին մատնւել էր հոգեւոր եւ ազգային այս կենտրոնը:

  • ՀՅԴ Լիբանանի Հայ Դատի մարմինը նամակ մը յղեց Հոլանտայի խորհրդարանի նախագահին
    ՀՅԴ Լիբանանի Հայ Դատի մարմինը նամակ մը յղեց Հոլանտայի խորհրդարանի նախագահին

    ՀՅԴ Լիբանանի Հայ Դատի մարմինը երէկ Հոլանտայի խորհրդարանի նախագահ Խատիժա Արիպին յղեց նամակ մը, որուն մէջ գնահատեց խորհրդարանին կողմէ Թուրքիոյ նախագահ Ռեճեփ Թայիփ Էրտողանի 24 Ապրիլ 2019-ին կատարած յայտարարութիւնը դատապարտող բանաձեւի որդեգրումը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։