Հա

Ազգային

06/08/2019 - 14:40

Անկայունութիւնն Արցախում անթոյլատրելի է

Երէկ Ստեփանակերտի Վերածննդի հրապարակում տեղի ունեցած հանրահաւաքը Հայաստանի եւ Արցախի ղեկավարների միացեալ հանդիպում էր ժողովրդի հետ, եւ ինչպէս կարելի է նման միասնութիւնը չողջունել:

«alikonline.ir» - Երէկ Ստեփանակերտի Վերածննդի հրապարակում տեղի ունեցած հանրահաւաքը Հայաստանի եւ Արցախի ղեկավարների միացեալ հանդիպում էր ժողովրդի հետ, եւ ինչպէս կարելի է նման միասնութիւնը չողջունել: Այս մասին Aysor.am-ի թղթակցի հետ զրոյցում ասաց ԱՀ ԱԺ «Դաշնակցութիւն» խմբակցութեան ղեկավար Արմէն Սարգսեանը:

Նա նշեց, որ ամեն մի քաղաքական ուժ ունի իր դիրքորոշումը տարբեր քաղաքական հարցերի վերաբերեալ եւ Դաշնակցութեան քաղաքականութեան առաջնահերթութիւնը եղել եւ մնում է Արցախի միացումը Հայաստանին:

«Դաշնակցութեան համար Արցախը Հայաստան է: Հետեւաբար այս հանրահաւաքի վերաբերեալ իմաստ չենք տեսել յայտարարութեամբ հանդէս գալ, որովհետեւ Դաշնակցութեան քաղաքականութեան առանցքը եւ առաջնահերթ նպատակը հէնց այս միասնութիւնն է: Մենք կողմ ենք Արցախի եւ Հայաստանի ոչ թէ ուժեղ կապին, այլ միասնութեանը, եւ այդ դէպքում ինչպէ՞ս կարող ենք մենք նման միջոցառմանը ներկայ չլինել»,- ընդգծեց Ա. Սարգսեանը:

Անդրադառնալով հանրահաւաքին՝ Հայաստանի եւ Արցախի ղեկավարների մասնակցութեանը, նա նշեց, որ սկզբում մի փոքր տարօրինակ էր, երբ յայտարարւեց, որ հանրահաւաքին ներկայ է լինելու միայն ՀՀ վարչապետ Նիկոլ Փաշինեանը, բայց յետոյ, երբ յայտարարւեց նաեւ Արցախի նախագահ Բակօ Սահակեանի մասնակցութեան մասին, ըստ պատգամաւորի, Հայաստանի եւ Արցախի ղեկավարների նման նախաձեռնութիւնը պէտք է միայն ողջունել:

«Մեզ միշտ մտահոգում է Արցախում հնարաւոր ներքին անկայունութիւնը, քանի որ դա կարող է դառնալ մեր «աքիլլեսեան գարշապարը»: Եւ կարծում եմ, որ այս հանրահաւաքի միջոցով եւս մէկ քայլ է արւում ստեղծւած քաղաքական մթնոլորտի լիցքաթափման եւ Արցախում ներքաղաքական աւելի հանգիստ իրավիճակ ապահովելու համար»,- նկատեց Ա. Սարգսեանը:

Շարունակելով ներկայացնել Դաշնակցութեան տեսակէտները Հայաստանի եւ Արցախի միացեալ օրակարգի վերաբերեալ, պատգամաւորն ասաց, որ Հայաստանը պէտք է լինի ոչ միայն Արցախի անվտանգութեան, այլ նաեւ անկախութեան երաշխաւորը: Եւ, հետեւաբար, եթէ ՀՀ վարչապետը գալիս եւ Արցախի նախագահի հետ միասին հանդիպում է Արցախի ժողովրդի հետ, ապա, ըստ նրա, ՀՀ իշխանութիւնը փորձում է քայլ կատարել նաեւ Արցախի անկախութեան երաշխաւորը լինելու հարցում:

Յարակից լուրեր

  • Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»
    Պօղոսեան. «Ունենք մեծացած Հայաստան, որովհետեւ ունենք եւ Հայաստանի, եւ Արցախի Հանրապետութիւն»

    Անկախութեան 28 տարիների ընթացքում ձեռք բերածի, բացթողումների եւ Հայաստանի ներկայի եւ ապագայի մասին Sputnik Արմենիան զրուցել է Մարդկային զարգացման միջազգային կենտրոնի ղեկավար Թեւան Պօղոսեանի հետ։

  • Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը
    Խմբագրական. Կիոտոյի տաճարներն ու Օսակայի ծովերը տեսնելու մեր մեծ հաւատամքը

    Ճապոնիայում հին ժամանակներում ապրել է երկու գորտ, մէկը՝ քաղաքամայր Կիոտոյում, միւսը՝ Օսակայում։ Երբ մի տարի շոգ ամռանը ցամաքում են Կիոտոյի գետակներն ու ջրանցքները, չորանում է նաեւ գորտի պալատական փոքրիկ ջրհորը, եւ գորտը որոշում է մեկնել Օսակա՝ մտածելով, որ քաղաքը ծովափին է, իսկ ինքը կեանքում ծով չի տեսել, ուստի՝ հա՛մ ծով կը տեսնի, հա՛մ գեղեցիկ Օսական կը վայելի, հա՛մ էլ չի տառապի Կիոտոյի ջրհորի չորութիւնից։ Եւ գորտը դուրս է գալիս իր տնից եւ ուղեւորւում դէպի Օսակա։

  • Գերագոյն նպատակի նոր փորձաքարը...
    Գերագոյն նպատակի նոր փորձաքարը...

    Ժողովուրդների ինքնաճանաչման ու ինքնահաստատման մնայուն երաշխիքը, յատկապէս որպէս ազգ-միաւոր, պետական անկախութիւնն է… հայութիւնն ու Հայաստան աշխարհը դա ճաշակում են արդէն 28 տարի՝ օրինաչափ վերիվայրումներով հանդերձ, որոնց մեկնակէտը, եւ ամենանշանակալին, նոյնինքն Անկախութեան վերանւաճումն էր՝ եօթ տասնամեակ անց:

  • Իշխանութեան «թաւշեայ» տրամաբանութիւնը
    Իշխանութեան «թաւշեայ» տրամաբանութիւնը

    Հայաստանի «թաւշեայ» իշխանութիւնների գործողութիւնների տրամաբանութիւնը մէկ տարուց աւելի ալեկոծում է հայկական իրականութիւնը: Վերջապէս, ի՞նչ նպատակներ են հետապնդում գործող իշխանութեան այս կամ այն քայլերը եւ ո՞րն է ընդհանուր ռազմավարութիւնը, որի շրջանակներում կատարւում են այդ քայլերը:

  • Փաշինեանը կու գայ… Փաշինեանը կու գայ…
    Փաշինեանը կու գայ… Փաշինեանը կու գայ…

    Շուտով, Հայաստանի Հանրապետութեան վարչապետը Լոս Անճելըս կը հասնի, աւելի ճիշդ պիտի ժամանէ։

    Արդէն շաբաթներէ ի վեր հայրենի եւ Սփիւռքի եւ յատկապէս Քալիֆորնիոյ հայ մամուլն ու հայկական հեռատեսիլի գրեթէ բոլոր կայանները, ամէնօրեայ յիշեցում-ծանուցումներ կը կատարեն, նոյնիսկ վարչապետի խօսք-հրաւէրով։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։