Հա

Ազգային

08/08/2019 - 12:50

Կառավարման ճիշտ տարբերակը խորհրդարանական համակարգն է

Սահմանադրական բարեփոխումներ իրականացնելու դէպքում, նախեւառաջ, պէտք է վերացնել սուպերվարչապետական ինստիտուտը։ Այս մասին «Փաստինֆօ»-ի հետ զրոյցում ասաց Հայ Յեղափոխական Դաշնակցութեան Գերագոյն մարմնի ներկայացուցիչ Իշխան Սաղաթելեանը։

«alikonline.ir» - Սահմանադրական բարեփոխումներ իրականացնելու դէպքում, նախեւառաջ, պէտք է վերացնել սուպերվարչապետական ինստիտուտը։ Այս մասին «Փաստինֆօ»-ի հետ զրոյցում ասաց Հայ Յեղափոխական Դաշնակցութեան Գերագոյն մարմնի ներկայացուցիչ Իշխան Սաղաթելեանը։

Յիշեցնենք, որ օգոստոսի 6-ին, ՀՀ արդարադատութեան նախարար Ռուստամ Բադասեանը ֆէյսբուքեան գրառում էր կատարել եւ տեղեկացրել, որ պատրաստւում են ձեւաւորել յատուկ խումբ Սահմանադրական բարեփոխումների նպատակով, որի կազմաւորումը նախատեսւում է մինչեւ 2020 թւականի փետրւարը:

«Չգիտեմ, թէ ինչ են պատրաստւում փոխել, բայց Արդարադատութեան նախարարութեան մօտ կարծես թէ բնաւորութիւն է՝ ինչ-որ բան են անում, յետոյ յայտարարում, որ արել են՝ առանց մասսայական քննարկման»,- «Փաստինֆօ»-ի հետ զրոյցում ասաց Սաղաթելեանը:

Հարցին, հնարաւո՞ր է այս փոփոխութիւնների նպատակը նաեւ Սահմանադրական դատարանի նախագահ Հրայր Թովմասեանի շուրջ ստեղծւած իրավիճակին հանգուցալուծում տալն է, ՀՅԴ ԳՄ ներկայացուցիչը պատասխանեց.

«Չեմ բացառում, բայց, քանի որ չգիտեմ՝ ինչի փոփոխութիւնների մասին է խօսքը, իրենք էլ չեն ասել, յստակ չեմ կարող պատասխանել»:

Սաղաթելեանը նշեց, որ եթէ իշխանութիւններն ուզում են վերադարձնել նախագահական համակարգը, ապա ՀՅԴ-ն դրան ամբողջութեամբ դէմ է, որովհետեւ գտնում է՝ կառավարման ճիշտ տարբերակը խորհրդարանական համակարգն է, եւ իրենք 25-30 տարի պայքարել են դրա համար:

«Իսկ, եթէ ուզում են վերադառնալ հնին, մենք պայքարելու ենք դրա դէմ: Միւս մտադրութիւններին կարձագանքենք, երբ իմանանք ինչ փոփոխութիւններ են նախատեսում: Ամէն դէպքում մենք անտարբեր չենք լինելու, ակտիւ մասնակցութիւն ենք ունենալու այդ պրոցեսին, որովհետեւ դա մեզ համար շատ կարեւոր է:

Սահմանադրութիւնը խաղալիք չէ, որ իրենց անձնական շահերը բաւարարելու համար որ յօդւածը ձեռք չի տալիս փոխեն, դա մեզ համար անընդունելի է»,- նշեց ՀՅԴ ԳՄ ներկայացուցիչ Իշխան Սաղաթելեանը:

Յարակից լուրեր

  • Նրանք գրիչը փոխարինեցին զէնքով ու կռւեցին խաղաղութեան համար
    Նրանք գրիչը փոխարինեցին զէնքով ու կռւեցին խաղաղութեան համար

    1993 թւականի օգօստոսի 23-ին Մարտունու դիրքերում պաշտպանական հատւածը ամրապնդելիս զոհւեցին Մարտունու 26-րդ մոտոհրաձգային գումարտակի հրամանատար, ՀՅԴ Արցախի կենտրոնական կոմիտէի անդամ Մերուժան Մոսիեանը եւ Լիբանանի ՀՅԴ անդամ, ԼՂՀ Մարտունու 26-րդ մոտոհրաձգային գումարտակի հետախուզական եւ զինական մասի խորհրդական Մհեր Ջուլհաճեանը մարտական ընկերների՝ Արտակ Մնացականեանի, Լեւոն Համբարձումեանի եւ Ռուդիկ Աւագեանի հետ:

  • «Ստեղծւած լարւածութեան պատճառը իշխանութիւնների հակասարական, չկշռադատւած գործողութիւններն են». Իշխան Սաղաթելեան
    «Ստեղծւած լարւածութեան պատճառը իշխանութիւնների հակասարական, չկշռադատւած գործողութիւններն են». Իշխան Սաղաթելեան

    ՀՅԴ-ն գտնում է, որ Ամուլսարի հանքի շահագործման հարցի շուրջ ստեղծւած լարւածութեան պատճառը ՀՀ իշխանութիւնների հակասարական, չկշռադատւած գործողութիւններն են, որի արդիւնքում՝ հասարակութեան մօտ մեծ սպասումներ էին ձեւաւորւել եւ որն իրենք չկարողացան սպասարկել. Tert.am-ի հետ զրոյցում նման տեսակէտ յայտնեց ՀՅԴ Հայաստանի Գերագոյն մարմնի ներկայացուցիչ Իշխան Սաղաթելեանը: 

  • Ընկեր Վահանին յիշելիս
    Ընկեր Վահանին յիշելիս

    Ծնունդդ շնորհաւոր ընկեր Վահան, քեզ անսահման շատ ենք կարօտում:

  • Իշխանութիւնը կոռուպցիոն գործարք է առաջարկում դատաւորներին
    Իշխանութիւնը կոռուպցիոն գործարք է առաջարկում դատաւորներին

    Արդարադատութեան նախարարը «ՍԴ մասին» օրէնքում փոփոխութիւն է առաջարկում, ըստ որի Սահմանադրական դատարանի դատաւորները մինչեւ 2019 հոկտեմբերի 31-ը հրաժարական ներկայացնելու դէպքում կը պահպանեն հրաժարականի պահին իրենց ունեցած աշխատավարձը եւ այլ սոցիալական երաշխիքները, իսկ պաշտօնավարման տարիքը լրանալուց յետոյ կօգտւեն դատաւորի համար օրէնքով սահմանւած կենսաթոշակից։ 

  • ԶՈՄ-ականները՝ ՀՅԴ Ստեփանակերտի «Նիկոլ Դուման» կենտրոնում
    ԶՈՄ-ականները՝ ՀՅԴ Ստեփանակերտի «Նիկոլ Դուման» կենտրոնում

    Օգոստոսի 13-ին ՀՅԴ Ստեփանակերտի «Նիկոլ Դուման» կենտրոն են այցելել Արցախի Հանրապետութեան Մարտունի քաղաքում պատանեկան ճամբար իրականացնող ՀՅԴ Լիբանանի «Զաւարեան» Ուսանողական Միութեան անդամներ Հրագ Կարամինասեանը եւ Սելին Գրիգորեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։