Հա

Ազգային

15/08/2019 - 12:50

Մեր հիմնական առաջնահերթութիւներից է, որ Արցախը զերծ մնայ որեւէ ցնցումներից

Վերջերս «Երկիր Մեդիա» հեռուստատեսութեանը տւած հարցազրոյցում ՀՅԴ Բիւրոյի ներկայացուցիչ Յակոբ Տէր-Խաչատուրեանն անդրադարձել է նաեւ Արցախում կայանալիք նախագահական եւ ԱԺ ընտրութիւններին:

Ստորեւ ներկայացնում ենք այդ հարցազրոյցից մի հատւած.

Վերջերս «Երկիր Մեդիա» հեռուստատեսութեանը տւած հարցազրոյցում ՀՅԴ Բիւրոյի ներկայացուցիչ Յակոբ Տէր-Խաչատուրեանն անդրադարձել է նաեւ Արցախում կայանալիք նախագահական եւ ԱԺ ընտրութիւններին:

Ստորեւ ներկայացնում ենք այդ հարցազրոյցից մի հատւած.

«Մեր նախընտրութիւնն է՝ ստեղծել այնպիսի մի մթնոլորտ Արցախում, որ կարողանանք հաւաքւել մէկ ընդհանուր՝ բոլորի յարգանքը վայելող թեկնածուի շուրջ: Բնականաբար, իւրաքանչիւր թեկնածու համարում է, որ ինքը պէտք է լինի այդ համախոհական թեկնածուն, այդ իսկ պատճառով ստեղծւելու է որոշակի անպատեհութիւն: Մենք ճիգ ենք թափելու, որպէսզի տեսնենք, որ Արցախն այս ամէն ինչից դուրս է գալիս աւելի հզօրացած:

Արցախը պէտք է ունենայ այնպիսի նախագահ եւ Ազգային ժողով, որոնք կը վայելեն բոլորի յարգանքը, եւ այդ ուղղութեամբ մենք աշխատելու ենք եւ նոյնիսկ պայքարելու:

Մեր հիմնական ցանկութիւնն այն է, որ այդ ընտրութիւնները ստեղծեն այնպիսի մթնոլորտ, որպէզի անցնեն խաղաղ, առողջ մրցակցային պայմաններում, իսկ ինչ վերաբերում է Ազգային ժողովի ընտրութիւններին, բնականաբար, բոլոր քաղաքական հոսանքները պէտք է ձգտեն ունենալ աթոռներ, որպէսզի ապահովեն իրենց մասնակցութիւնն Արցախի քաղաքական կեանքին:

Բայց մեր հիմնական առաջնահերթութիւներից է նաեւ այն, որ Արցախը զերծ մնայ որեւէ ցնցումներից, որեւէ պարտադրւած թեկնածուներից, եւ մենք պատրաստ ենք սատարելու այսպէս կոչւած համախոհական թեկնածուին: Բայց եթէ այդպիսի թեկնածու չլինի, բնականաբար, մենք հանդէս կը գանք մեր թեկնածուով, կամ Դաշնակցութեան թեկնածուով, կամ, այնպիսի թեկնածուի շուրջ համախմբւելով, որ մի քանի ուժեր նրան ընդունեն որպէս առողջ ազգային դէմք, այն ակնկալիքով, որ նա Արցախի բոլոր իրաւունքները պաշտպանելու է բոլոր ճակատներում»:

 

«Ապառաժ»

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։