Հա

Ազգային

11/09/2019 - 10:00

Հակասական վարքագծով ու անհամոզիչ որոշումներով չի կարելի մոլորեցնել հանրութեանը

ՀՅԴ ԳՄ անդամ Լիլիթ Գալստեանը, անդրադառնալով իշխանութիւնների՝ օրւայ որոշումներին, գրում է.

ՀՅԴ ԳՄ անդամ Լիլիթ Գալստեանը, անդրադառնալով իշխանութիւնների՝ օրւայ որոշումներին, գրում է.

«Օգոստոսի 21-ին՝ անդրադառնալով Ամուլսարի շահագործման առնչութեամբ ծաւալւող դէպքերին, ՀՅԴ Հայաստանի Գերագոյն մարմինն իր յայտարարութեան մէջ ընդգծել էր, որ հանրային լարւածութեան պատճառը «գործող իշխանութիւնների հակասական յայտարարութիւններն են, չկշռադատւած գործողութիւնները, ինչպէս նաեւ խնդրի շուրջ հասարակութեան լայն շրջանակներում ձեւաւորւած մեծ սպասումներին համարժէք քայլերի բացակայութիւնը»։

Խիստ մտահոգիչ էինք համարել այն իրողութիւնը, որ հրապարակւած եզրակացութիւնները բաւարար համոզում եւ վստահութիւն չեն ներշնչում ինչպէս հանրային, այնպէս էլ մասնագիտական շրջանակներում։ Կարեւորելով Ամուլսարի շահագործման հնարաւոր լրջագոյն ազդեցութիւնն ու ռիսկերը, իշխանութիւններին կոչ էինք արել մասնագիտական լրացուցիչ քննարկումների արդիւնքում հասնել համոզիչ լուծումների։

ԷԼԱՐԴ-ի ներկայացուցիչների հետ տեսաքննարկումը, ինչպէս նաեւ եղած եզրակացութեան մէջ ներառւած ռիսկերի արտացոլումը էլ աւելի հիմնաւոր էին դարձնում հանրային անհանգստութիւնը եւ նոր ՇՄԱԳ-ի անցկացումը։

Ի վերջոյ, հաշւի առնելով Ամուլսարի շահագործման ռիսկերի մասշտաբայնութիւնը, տրամաբանական եւ սպասելի պիտի լինէր, որ հանրութիւնը իր մասնակցութիւնն ունենար իր ճակատագրի եւ հեռանկարի հետ կապւող այս լրջագոյն խնդրի որոշմանը։

Ի վերջոյ «նոր Հայաստանում իրավիճակ էր փոխւել» եւ շատերը պարզապէս համոզւած էին, որ «իրենք ենք տէրը մեր երկրի», որ ամէն մէկը մի վարչապետ է, մենք էլ ժողովրդավարութեան բաստիոն։

Թւում էր, թէ համախոհաբար որոշում ընդունելու ճանապարհն է որդեգրելու իշխանութիւնը, բայց հերթական անակնկալը, դարձեալ հակասական ու նախորդ մօտեցումները հերքող... մօտաւորապէս «ազնիւ խօսք լաւ ա լինելու», որ «վատ լինի՝ չենք անի» մակարդակի։

Ասել, թէ այս վարքագիծը յուսահատեցնող է, ասել, թէ մօտաւորապէսութեամբ, հակասական վարքագծով ու անհամոզիչ որոշումներով չի կարելի մոլորեցնել հանրութեանը, կը նշանակի ոչինչ չասել...»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։