Հա

Այլ

Հինգշաբթի, 11 Յունւարի 2018 10:10

Ի՞նչ անել, եթէ ձեռքերն ու ոտքերն ամբողջ ժամանակ սառն են

Շատերն են բողոքում, որ ձեռքերն ու ոտքերը սառն են, ըստ որում՝ ոչ միայն ձմռանը, տարւայ այլ եղանակներին նոյնպէս: Բժիշկ Ջոն Բրիլը մի քանի խորհուրդ է տալիս, որոնք կարող են նման մարդկանց օգնել:

«alikonline.ir» - Շատերն են բողոքում, որ ձեռքերն ու ոտքերը սառն են, ըստ որում՝ ոչ միայն ձմռանը, տարւայ այլ եղանակներին նոյնպէս: Բժիշկ Ջոն Բրիլը մի քանի խորհուրդ է տալիս, որոնք կարող են նման մարդկանց օգնել: Տեղեկացնում է «news.am»-ը:

 

Հագուստ

Սառը ձեռքերի եւ ոտքերի պատճառն առաւել յաճախ արեան վատ շրջանառութիւնն է: Ցածր ջերմաստիճանների ֆոնին այս խնդիրն առանձնապէս հրատապ է դառնում, քանի որ անօթներն արագ են նեղանում: Վերջոյթների ջերմաստիճանը բարձրացնելու համար փորձագէտը խորհուրդ է տալիս լայն հագուստ հագնել: Մասնաւորապէս ձեռնոցի փոխարէն աւելի լաւ է թաթման հագնել, իսկ կօշիկը չպէտք է կիպ լինի: Սա թոյլ կը տայ տաք օդային շերտի առաջացմանը, որը լրացուցիչ կը տաքացնի:

 

Կծու ուտելիք

Մասնագէտը խորհուրդ է տալիս սննդակարգի մէջ ընդգրկել կծու ուտելիք, եթէ, իհարկէ, դրա համար հակացուցումներ չկան: Կծու ուտելիքն անօթները լայնացնում է, լաւացնում շրջանառութիւնը (սիրտը սկսում է արիւնն աւելի լաւ մատակարարել), բարձրացնում է մարմնի ընդհանուր ջերմաստիճանը: Դրանից բացի, պղպեղը հարուստ է А եւ С վիտամիններով, որոնք ամրացնում են անօթների պատերը եւ կանխում ընդարմացումը:

Իսկ ահա ծխախոտից, կոֆէինից եւ սպիրտայինից ձմռանն աւելի լաւ է հրաժարւել, խորհուրդ է տալիս մասնագէտը: Նիկոտինն ու կոֆէինը անօթները նեղացնում են: Իսկ ալկոհոլը ջրազրկում է եւ ամենւին չի տաքացնում, չնայած տարածւած կարծիքին: Սպիրտայինի ազդեցութեամբ մարդը պարզապէս ցուրտն աւելի քիչ է զգում:

 

Ձուկ եւ տերեւաւոր բանջարեղէն

Ձուկը եւ կանաչ տերեւաւոր բանջարեղէնը միանշանակ ցուցւած են այն մարդկանց համար, որոնց ձեռքերն ու ոտքերը մշտապէս սառն են: Ընդհանրապէս ձկան իւղով, նիացինով, երկաթով հարուստ մթերքները եւ բիոլոգիական ակտիւ յաւելումները օգնում են անօթների լայնացմանը՝ նպաստելով արեան նորմալ շրջանառութեանը: Ձուկը մեծ քանակութեամբ «օմեգա-3» եւ «օմեգա-6» ճարպաթթուներ է պարունակում, որոնք անօթների համար օգտակար են: Կանաչ տերեւաւոր բանջարեղէնը եւ կարմիր միսը մեծ քանակութեամբ երկաթ են պարունակում, որը նոյնպէս օգտակար է արեան շրջանառութեան համար: Նիացինն, իր հերթին, դանդաղեցնում է անօթների նեղացման պրոցեսը:

 

Ջրի հաշւեկշիռ

Մարմնում պահպանէք ջրի հաշւեկշիռը: Ջուրն օգնում է կարգաւորել մարմնի ջերմաստիճանը եւ արեան շրջանառութեան մէջ կարեւոր դերակատարում ունի: Բժիշկների խօսքով՝ ձմռանը մարդիկ հազւադէպ են նկատում, որ ջրազրկւել են: Այդ պատճառով անհրաժեշտ է ջուր խմել նոյնիսկ այն դէպքերում, երբ սաստիկ ծարաւ չէք: Եւ նախապատւութիւն պէտք է տալ տաք ըմպելիքներին:

 

Շարժում

Եթէ փողոցից տուն էք մտել, մի շտապէք նստել բազմոցին. մասնագէտները խորհուրդ են տալիս աւելի շատ շարժւել: Սա յատկապէս վերաբերում է գեր մարդկանց, որոնց ձեռքերի եւ ոտքերի արեան շրջանառութիւնը վատ է կատարւում, իսկ ցուրտը նրանք յաճախ չեն զգում ճարպաշերտի շնորհիւ:

Ընդհանուր առմամբ, եթէ մարմինը տաքացել է, իսկ ձեռքերն ու ոտքերը սառն են մնում, սա անօթային շեղումների առաջին նշանն է: Հնարաւոր են արտերիաների տեղային արգելափակում, անեմիա կամ մի շարք այլ խանգարումներ: Այս պատճառով, եթէ արել էք այն ամէնը, ինչ վերեւում թւարկւած է, սակայն, միեւնոյն է, տառապում էք սառը վերջոյթների պատճառով, բժշկի հետ խորհրդակցէք:

Յարակից Հրապարակումներ

  • Ճապոնիայում ոտքերով կառավարւող ռոբոտ ձեռքեր են ստեղծւել
    Ճապոնիայում ոտքերով կառավարւող ռոբոտ ձեռքեր են ստեղծւել

    Ճապոնական «Ինամի Հիէամա» լաբորատորիայի գիտնականները մշակել են «MetaLimbs» մանիպուլեատորը. երկու ռոբոտացւած ձեռք ամրացւում է մարդու մէջքի յետեւում եւ կառավարւում ոտքերով:

  • Ի՞նչ է «BODY LANGUAGE» կամ ՄԱՐՄՆԻ ԼԵԶՈՒ կոչւածը (Շար. 3)
    Ի՞նչ է «BODY LANGUAGE» կամ ՄԱՐՄՆԻ ԼԵԶՈՒ կոչւածը (Շար. 3)

    Ձեռնւելը հին ժամանակներից, որպէս վստահութեան միջոց ընդհանրացած է եղել: Այն եղել է միակ ֆիզիկական շփումն, որն խօսել է վստահութեան եւ ընկերութեան մասին:
    1800-ականներից յետոյ այն սիմւոլիկ իմաստ է ստացել առեւտրական աշխարհում: Սակայն կանանց ձեռնւելն սկսւել է մէկ դար առաջ. քանի որ կանայք միշտ տղամարդկանց հովանու ներքոյ են եղել եւ ֆիզիկական շփումն ուրիշի հետ ընդունւած չի եղել:

  • Ի՞նչ է «BODY LANGUAGE» կամ ՄԱՐՄՆԻ ԼԵԶՈՒ կոչւածը (Շար. 2)
    Ի՞նչ է «BODY LANGUAGE» կամ ՄԱՐՄՆԻ ԼԵԶՈՒ կոչւածը (Շար. 2)

    Բերանը բացի խօսելուց, սկսած մանկան կերակրելուց մինչեւ սիրոյ զգացումների փոխանցման կարեւորագոյն արտայայտիչն է համարւում:
    Ժպիտը համարւում է մարմնի լեզւի ամենամեծ ազդանշանը: Այն իրական լինելու պարագային բերանի եւ աչքերի շուրջ կնճիռներ առաջացնելով՝ զանազանւում է արհեստական ժպիտից, որն միայն բերանի թեթեւ շարժումն է:

  • Հարթաթաթութիւնը խնդիր է բոլոր տարիքներում
    Հարթաթաթութիւնը խնդիր է բոլոր տարիքներում

    Աւաղ, հարթաթաթութիւնը տարածւած հիւանդութիւն է: Եթէ աւելորդ քաշ ունէք կամ, աշխատանքի բերումով, ստիպւած էք երկար ժամանակ անցկացնել ոտքի վրայ, իսկ եթէ ձեր սիրած կօշիկն էլ բարձրակրունկ է, ապա հաւանական է, որ հարթաթաթութիւն ունենաք: Այժմ մանրամասն. նախ՝ որոշելու համար պարտադիր չէ գնալ բժշկի, այլ կարելի է ընդամէնը ոտքերը թրջել ու կանգնել չոր յատակին: 

  • Արհեստական եղունգները վտանգաւոր են առողջութեան համար
    Արհեստական եղունգները վտանգաւոր են առողջութեան համար

    Ցանկացած կին երջանիկ կը լինէր ունենալ գեղեցիկ ու առողջ բնական եղունգներ: Սակայն, ցաւօք, դա ոչ բոլորին է տրւած, այդ պատճառով էլ արհեստական եղունգներն արդէն հազար տարի է, ինչ այսքան պահանջւած են:
    Սակայն, բազմաթիւ գեղագիտական առաւելութիւններից բացի, արհեստական եղունգների բոլոր տեսակներն ունեն իրենց թերութիւնները, որոնցից գլխաւորը բացասական ազդեցութիւնն է առողջութեան վրայ:

Ամենաշատ ընթերցւած

Քւէարկութիւն

Ինչպէ՞ս էք վերաբերւում ՀՀ նախագահի պաշտօնում Արմէն Սարգսեանի առաջադրմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։