Հա

Այլ

11/01/2018

Քնի լրացուցիչ 20 րոպէն կօգնի նիհարելուն

Գիշերային քնի լրացուցիչ 20 րոպէն մարդուն կօգնի «ոչ» ասել տորթերին եւ կարկանդակներին, որոնց չարաշահումը աւելորդ քաշի առաջացման է բերում: Հետազօտութիւնը ցոյց է տւել, որ քնի լրացուցիչ քանակութիւնը նւազեցնում է ոչ առողջ սննդամթերքի օգտագործումը, որը շաքար շատ է պարունակում, աւելի քան 30 տոկոս: 

«alikonline.ir» - Գիշերային քնի լրացուցիչ 20 րոպէն մարդուն կօգնի «ոչ» ասել տորթերին եւ կարկանդակներին, որոնց չարաշահումը աւելորդ քաշի առաջացման է բերում: Հետազօտութիւնը ցոյց է տւել, որ քնի լրացուցիչ քանակութիւնը նւազեցնում է ոչ առողջ սննդամթերքի օգտագործումը, որը շաքար շատ է պարունակում, աւելի քան 30 տոկոս: Այս մասին տեղեկացնում է «news.am»-ը:

Քնի դեֆիցիտ ունեցող մարդիկ, որոնք փորձի ընթացքում լիակատար քնել են, աւելի յաճախ են հետեւել առողջ սննդակարգի, պարզել են Լոնդոնի Թագաւորական քոլեջի առողջ սննդի ոլորտի փորձագէտները:

Մարդկանց խումբը, որն ամէն գիշեր 7 ժամից պակաս է քնել, փորձի ընթացքում  21 րոպէ երկար է քնել: Արդիւնքում յաջողւել է նրանց մօտ անառողջ շաքարի քանակութիւնը օրական 10 գրամով նւազեցնել, որը համարժէք է տորթի բաժնի կէսին կամ 3 շոկոլադէ կոնֆէտի: Կամաւորները էապէս նւազեցրել են նաեւ ածխաջրերի օգտագործումը: Հետազօտողների կարծիքով՝ քնի սահմանափակումները  ուղեղի բջիջներին ստիպում են աւելի ինտենսիւ արձագանգել անառողջ սննդին, ինչը մարդուն դրդում է այն ուտելուն: Հնարաւոր է՝ հէնց սրա հետ է կապւած այն փաստը, որ քնի պակաս ունեցող մարդիկ յաճախ են գիրանում:

Նախորդ հետազօտութիւնները ցոյց են տւել, որ քնի պակասը մարդուն դրդում է օրական 385 լրացուցիչ կալորիա օգտագործել: Հիմա արդէն պարզ է, որ այս երեւոյթին հակազդելու համար բաւական է պարզապէս 20 րոպէ երկար քնել: Կարելի է միայն պատկերացնել, թէ մարդու կազմւածքն ինչպէս կը փոխւի, եթէ նա գիշերները սկսի քնել իրեն անհրաժեշտ 8 ժամը:

Յարակից լուրեր

  • Հետազօտութիւն. «Արհեստական քաղցրացնող նիւթերը եւս դիաբետ ու ճարպակալում են առաջացնում»
    Հետազօտութիւն. «Արհեստական քաղցրացնող նիւթերը եւս դիաբետ ու ճարպակալում են առաջացնում»

    Շաքարի վնասների մասին տեղեկութիւնների տարածւածութեանը զուգահեռ՝ մարդիկ սկսել են աւելի յաճախ օգտագործել զրոեական կալորիականութեամբ արհեստական քաղցրացնող նիւթերը: Սակայն վերջին շրջանում այս քաղցրացնող նիւթերի վնասի մասին աւելի շատ նոր տեղեկութիւններ են յայտնւում, եւ հիմա գիտնականները նախազգուշացնում են, որ դրանք շաքարից գուցէ աւելի վտանգաւոր են, աւելին՝ «դիետիկ» գազաւորւած ըմպելիքները, որոնք շաքարի փոխարինողներ են պարունակում, նպաստում են դիաբետի եւ ճարպակալման զարգացմանը:

  • Հետազօտութիւն. «Ձկան իւղը կարող է ուղեղը ստրեսից պաշտպանել»
    Հետազօտութիւն. «Ձկան իւղը կարող է ուղեղը ստրեսից պաշտպանել»

    Ձկան իւղով սննդային յաւելումները կարող են ուղեղը պաշտպանել քրոնիկական ստրեսից: Այս մասին յայտնում են «John's Hopkins University»-ի գիտնականները:

    Նրանք ձկան իւղով մի քանի սննդային յաւելումները հետազօտել են փրկարարների մօտ յետվնասւածքային ստրեսային խանգարման զարգացումը կանխարգելելու գործում, որոնք զբաղւել են Ճապոնիայում 2011 թւականին աղէտալի երկրաշարժի հետեւանքների վերացմամբ:

  • Հետազօտութիւն. «Շաբաթական ընկոյզի 3 չափաբաժինը կը փրկի սրտի տագնապից»
    Հետազօտութիւն. «Շաբաթական ընկոյզի 3 չափաբաժինը կը փրկի սրտի տագնապից»

    Ամէն շաբաթ մի քանի չափաբաժին ընկոյզի օգտագործումը նւազեցնում է սիրտ-անօթային հիւանդութիւնների առաջացման վտանգը, ներառեալ նախասրտերի ֆիբրիլեացիան, որն առիթմիայի առաւել տարածւած ձեւն է: Նման եզրայանգում են կատարել շւեդ գիտնականները:

  • Սուրճն օգնում է դեպրեսիայի յաղթահարմանը
    Սուրճն օգնում է դեպրեսիայի յաղթահարմանը

    Հետազօտութիւնները ցոյց են տւել, որ սուրճը կարող է կանխել թեթեւ ու չափաւոր դեպրեսիան, որն ախտահարում է եկամտի բարձր մակարդակով երկրների բնակչութեան մօտ 15 տոկոսին։

  • Հետազօտութիւն. «Բակտերիաներն են մեղավոր ճարպակալման համար»
    Հետազօտութիւն. «Բակտերիաներն են մեղավոր ճարպակալման համար»

    Իւղոտ սնունդ ուտող մարդկանց աղիներում գիտնականները յայտնաբերել են յատուկ մանրէներ, որոնք նպաստում են ճարպակալման զարգացմանը։ 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։