Հա

Քաղաքական

04/02/2019 - 14:40

«France Arménie». ««Նոր Հայաստանի» վրայ դրւած յոյսերը հալւում են, ինչպէս ձիւնը արեւի տակ»

Ֆրանսիայում հրատարակվող «France Arménie» հրատարակչութեան տնօրէն Յարութ Մարտիրոսեանը անդրադարձել է ՀՀ ԱԺ փոխխօսնակ Ալէն Սիմոնեանի՝ ՀՀ օրհներգը փոխելու առաջարկին։ Բաց նամակը, որը հրապարակւել է «France Arménie» ֆէյսբուքեան էջում, վերնագրւել է «Չդիպչէք հայ ժողովրդի օրհներգին»։

Ֆրանսիայում հրատարակվող «France Arménie» հրատարակչութեան տնօրէն Յարութ Մարտիրոսեանը անդրադարձել է ՀՀ ԱԺ փոխխօսնակ Ալէն Սիմոնեանի՝ ՀՀ օրհներգը փոխելու առաջարկին։ Բաց նամակը, որը հրապարակւել է «France Arménie» ֆէյսբուքեան էջում, վերնագրւել է «Չդիպչէք հայ ժողովրդի օրհներգին»։

Նշւում է, որ Ալէն Սիմոնեանը, որպէս նոր Հայաստանի առաջին ակտ, առաջարկում է փոխել «Մեր հայրենիք»-ը  Արամ Խաչատրեանի երաժշտութեամբ, «քանի որ նա աւելի յայտնի է աշխարհում, քան Բարսեղ Կանաչեանը՝ «Մեր հայրենիք»-ի ստեղծողը»։

«Պատմական մշակոյթի ինչպիսի պակասորդ։ «Մեր հայենիքը Վանի ինքնապաշտպանութեան երգն է, սա երգ է, որով հայ զինւորները Սարդարապատում 1918 թ.-ին ճակատ էին գնում, որպէսզի թուրքերը չկործանէին Հայաստանի Հանրապետութիւնն ու հայ ժողովրդին, սա 1989, 1990 եւ 1991 թթ.-ների բողոքի զանգւածային ակցիաների երգն է։ «Մեր հայրենքը» կուսակցութեան կամ նախոդ հանրապետութեան երգը չէ, այլ բոլոր ճնշումներին հայ ժողովրդի դիմադրութեան երգն է։

Ինչ վերաբերում է փաստարկներին, ապա դրանք ծիծաղելի են։ Մենք չենք փոխի «Մարսելիէզը» Ջոննի Հոլիդէյի «Que je t'aime» երգով, քանի որ որ վերջինս աւելի յայտնի է, քան Ռուժէ դը Լիլը»,- ասում է տնօրէն Յարութ Մարտիրոսեանը, նշելով, որ «այս աբսուրդն աւելի խորացնելով», կարելի է ասել, որ Շառլ Ազնաւուրն աւելի յայտնի է, քան Արամ Խաչատրեանը, ինչու հիմնը չփոխենք «La Bohème»-ը երգով։

Ալէն Սիմոնեանին յիշեցնում են, որ Բարսեղ Կանաչեանը, ով Կոմիտասի աշակերտներից էր, հաւանաբար հայ ամենամեծ կոմպոզիտորներից մէկն է։ Իսկ ինչ վերաբերում է «Մեր հայրենիք»-ի ռազմատենչ բառերին, ապա Ալէն Սիմոնեանին խորհուրդ են տալիս խորանալ «Մարսելիէզի», Իտալիայի, ԱՄՆ-ի օրհներգերի մէջ ու հասկանալ, որ օրհներգն արտացոլում է ժողովրդի ոգին, նրա պայքարը, նրա պատմութիւնը։

Նշւում է, թէ արդեօ՞ք չկար աւելի առաջնային հարց Ազգային ժողովում, ինչպիսիք են սոցիալական անարդարութիւնը, գիւղական վայրերում թշւառութիւնը, սահմանների անվտանգութիւնը, կանանց նկատմամբ խտրականութիւնը, մենաշնորհների դէմ պայքարը, առողջապահական համակարգի բարելաւումը, տնտեսական զարգացումը, արդարադատութեան առջեւ հաւասարութիւնը...։

«Այս քննարկումները իրականում անիմաստ են եւ այն բաժանում է հայ ժողովրդին, նրա կապը սփիւռքի հետ, որոնք Վանի կամ Սարդարապատի հերոսների ժառանգներն են։ Այնպէս որ, ժամանակն է վերջ դնել այս քննարկումներին։ Նիկոլ Փաշինեանը պէտք է յստակ մերժի Ալէն Սիմոնեանին եւ որքան շուտ, այնքան լաւ, քանի որ «Նոր Հայաստանի» վրայ դրւած յոյսերը հալւում են, ինչպէս ձիւնը արեւի տակ»,- գրել է «France Arménie» հրատարակչութեան տնօրէն Յարութ Մարտիրոսեանը։ 

«Panorama.am»

Յարակից լուրեր

  • Յայտարարութիւն ՀՅԴ ԱՄՆ Արեւելեան շրջանի
    Յայտարարութիւն ՀՅԴ ԱՄՆ Արեւելեան շրջանի

    Հայ Յեղափոխական Դաշնակցութեան ԱՄՆ Արեւելեան շրջանի 121-րդ Շրջանային ժողովը իր խիստ վրդովմունքը կ'արտայայտէ այն մասին, որ ՀՀ Ազգային ժողովի մեծամասնութեան որոշ ներկայացուցիչներ, Խորհրդարանի փոխ-նախագահի գլխաւորութեամբ, իրենց լիազօրութիւնները գերազանցելով, արտախորհրդարանական հարթակներու վրայ ՀՀ օրհներգը փոխելու հարցը դարձուցած են քննարկումի առարկայ։

  • Աւետիք Իշխանեան. «Գուցէ հիմնը փոխելու նախաձեռնութիւնն ընդամենը ինքնահաստատմա՞ն հարց է»
    Աւետիք Իշխանեան. «Գուցէ հիմնը փոխելու նախաձեռնութիւնն ընդամենը ինքնահաստատմա՞ն հարց է»

    Իրաւապաշտպան Աւետիք Իշխանեանն իր ֆէյսբուքեան էջում անդրադարձել է հիմնի տեքստի համար Ալէն Սիմոնեանի կողմից յայտարարւած մրցոյթին։

    Իշխանեանը գրել է. «ԱԺ փոխնախագահ Ալէն Սիմոնեանն անդրդւելի է։ Հաւանաբար նա մանկուց երազել է լինել ՀՀ հիմնի հիմնադիր, որ իր անունը յաւէրժ մնայ հայոց պատմութեան մէջ։

  • Իշխանութեան կողմէ ՀՀ ազգային օրհներգը լուծարելու ծրագիրը կրկին օրակարգի վրայ
    Իշխանութեան կողմէ ՀՀ ազգային օրհներգը լուծարելու ծրագիրը կրկին օրակարգի վրայ

    Բոլոր երեւոյթները այսօր ցոյց կու տան, որ ՀՀ Ազգային Օրհներգը լուծարելու ծրագիրը պատահական քմայքի ծնունդ չէ։ Ան Ազգային Ժողովի Փոխ-Նախագահ Ալէն Սիմոնեանի բարդոյթներէն ծնած սոսկ նախաձեռնութիւն մը չէ։ Անոր ետին գոյութիւն ունի մէկ ամբողջ հաստատութիւն (establishment) իր կանխամտածուած ռազմավարութեամբ, որուն նպատակն է լուծարել ոչ միայն Օրհներգը, ոչ միայն աղաւաղել ազգային Եռագոյնը եւ ՀՀ Զինանշանը, այլեւ հարազատ այս խորհրդանիշներով մարմնաւորուած մեր անկախ պետականութեան ազգային գաղափարախօսութի՛ւնը։

  • Կրկին օրհներգի մասին
    Կրկին օրհներգի մասին

    Այս հարցին կրկին անդրադառնալու մտադրութիւն չունեինք, բայց ինչպէս երեւում է, պետական օրհներգի փոփոխութեան ստւերային ջատագովները նահանջելու մտադրութիւն չունեն: Այո՛, «ստւերային», որովհետեւ ակնյայտ է (որքան էլ այդ մասին բարձրաձայն չասւի), որ օրհներգի փոփոխութեան հարցը ԱԺի երիտասարդ փոխնախագահի մտայղացումը չէ, դա նրան համոզել են որոշ «բարձր մտաւորականներ»: Իսկ այդ «բարձր մտաւորականների» հետաքրքութիւնները, ինչպէս մէկ անգամ արդէն նշել ենք, տարբեր են եւ ոչ միշտ են անկեղծ:

  • «Փաստ». «Ֆէյսբուքեան նամականի. պայքա՞ր, թէ՞ «բառդակ» իշխանութեան ներսում»
    «Փաստ». «Ֆէյսբուքեան նամականի. պայքա՞ր, թէ՞ «բառդակ» իշխանութեան ներսում»

    «Փաստ» թերթը գրում է. «Հայաստանի պետական օրհներգի փոփոխութեան մասին քննարկումները բաւականին հետաքրքիր շերտեր բացայայտեցին ոչ միայն հասարակութեան եւ իշխանութեան գեղագիտական մօտեցումների եւ դրանց միջեւ առկայ համաձայնութիւնների ու հակասութիւնների, այլեւ հէնց իշխանութեան ներսում եղած հակասութիւնների առումով: Օրհներգի փոփոխութիւնն, իհարկէ, առիթ էր, պատճառն աւելի խորքային է: Այդ առիթը, սակայն, ցոյց տւեց, թէ ինչպիսին է իշխանութեան ներքին խոհանոցը: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։