Հա

Քաղաքական

08/10/2019 - 13:20

Ստեփան Դանիէլեան. «Զինւած ուժերում եւս Նիկոլը օտար տարր է»

Քաղաքագէտ Ստեփան Դանիէլեանը վերլուծել է Վալերի Օսիպեանի ազատման պատճառները, նշել հնարաւոր հետեւանքների մասին։

«alikonline.ir» - Քաղաքագէտ Ստեփան Դանիէլեանը վերլուծել է Վալերի Օսիպեանի ազատման պատճառները, նշել հնարաւոր հետեւանքների մասին։

Նա ֆէյսբուքեան էջում գրել է.

«Ուժային կառոյցների համար Փաշինեանը persona non grata է դառնում, այսինքն անցանկալի անձ, իսկ նրա հետ համագործողները ապագայում կը համարւեն կոլաբորացիոնիստներ՝ համագործողներ:

Այս տենդենցը վաղուց էր զգացւում, սակայն հիմա ակնյայտ դրսեւորումներ է ստանում:

Ոստիկանութիւնը եւ ԱԱԾ-ն պահպանողական կառոյցներ են եւ ունեն ներքին վարւելակերպ ու աւանդոյթներ: Դա լաւ է, թէ վատ, տւեալ պահին էական չի, դա այդպէս է:

Ինչ վերաբերւում է զինւած ուժերին, ապա այնտեղ եւս Նիկոլը օտար տարր է: Դա զգալով Նիկոլը փորձում է հեղինակազրկել այդ կառոյցները՝ գոնէ ղեկավար կազմին, ինչն աւելի է խորացնում փոխադարձ անվստահութիւնը:

Սակայն կայ իրականութիւն, որի հետ ե՛ւ Նիկոլը, ե՛ւ ուժային կառոյցները ստիպւած են համակերպւել ու յարմարւել միմեանց գոյութեանը: Այսինքն, այդ կառոյցներում պէտք է լինեն Նիկոլի հետ բանակցողներ, որի դերը կատարում են (կամ՝ էին) այդ կառոյցների ղեկավարները։

Հիմա իրավիճակ է փոխւում եւ եթէ այդ կառոյցների ղեկավարներ նշանակւեն «դրսից» մարդիկ, ապա Նիկոլը մնում է առանց «բանակցողների»։

Իր մարդկանց նշանակելով այդ կառոյցների ղեկավարներ, ինքն կորցնում է այդ կառոյցների վրայ ուղղակի վերահսկողութիւնը՝ կառոյցները վերահսկողների հետ ուղիղ կապը, դրանով անվստահութեան մթնոլորտն տեղափոխելով այդ կառոյցների ներսը։

Հետաքրքիր է, թէ դրանից ինչ կը ստացւի»։

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։