Հա

Քաղաքական

10/10/2019 - 08:30

Սոցինտերնը մտահոգութիւն է յայտնում Սիրիայի հիւսիս-արեւելքում կայունութեան եւ մարդու իրաւունքների կապակցութեամբ

Սոցինտերնը խորապէս անհանգստացած է Սիրիայի հիւսիս-արեւելքում թուրքական  միակողմանի ռազմական գործողութիւններից, որոնք կարող են լուրջ հետեւանքներ ունենալ տարածաշրջանային կայունութեան, մարդու իրաւունքների եւ ահաբեկչութեան դէմ շարունակական պայքարի համար. ասւում է Սոցինտերնի տարածած յայտարարութեան մէջ:

«alikonline.ir» - Սոցինտերնը խորապէս անհանգստացած է Սիրիայի հիւսիս-արեւելքում թուրքական  միակողմանի ռազմական գործողութիւններից, որոնք կարող են լուրջ հետեւանքներ ունենալ տարածաշրջանային կայունութեան, մարդու իրաւունքների եւ ահաբեկչութեան դէմ շարունակական պայքարի համար. ասւում է Սոցինտերնի տարածած յայտարարութեան մէջ: Հաղորդում է «Yerkir.am»-ը:

«Սիրիայի հիւսիս-արեւելքում ցանկացած էսկալացիա կը յանգեցնի տառապանքի եւ տրաւմաների՝ պայմանաւորւած է բռնութեան աճով եւ տարածաշրջանում ապրող հարիւրհազարաւոր քաղաքացիական անձանց հնարաւոր տեղահանմամբ: Տեղահանւածների ճամբարներում բնակւողների համար մարդասիրական օգնութիւնը կարող է խափանւել՝ առաւելագոյն ռիսկի ենթարկելով նրանց, ովքեր արդէն ստիպւած են եղել լքել իրենց տները եւ կախւած են այդ օգնութիւնից: 

Սիրիայի իրավիճակի հետագայ ապակայունացումը եւ ԴԱԷՇ ահաբեկչական խմբաւորման հնարաւոր վերածնունդը կարող են լուրջ հետեւանք լինել Սիրիայի հիւսիսում ցանկացած չմտածւած ռազմական գործողութեան: Սիրիայի հիւսիս-արեւելքից կոալիցիոն ուժերի վաղաժամ դուրս գալը մի քանի տարի ահաբեկչութեան դէմ պայքարի առաջնագծում անցկացրած  քրդական եւ տարածաշրջանում գործող այլ ուժերին խոցելի են դարձնում՝ ԴԱԷՇ-ի վերածննդի առումով»,- ասւում է յայտարարութեան մէջ: 

Սոցինտերնը վերահաստատում է իր աջակցութիւնը սիրիացի քրդերին, որոնք եղել են այդ երկրում ահաբեկչութեան դէմ առաջնագծում եւ հիւրընկալ միջավայր են ապահովել փախստականների ու ներքին տեղահանւածների համար:

«Միջազգային հանրութիւնը չպէտք է հրաժարւի Սիրիայի քրդերից եւ Սիրիայի ժողովրդավարական ուժերից, որոնցից 11000-ն իրենց կեանքը տւել են ԴԱԷՇ-ի դէմ պայքարում:

Սիրիայի հիւսիս-արեւելքում տիրող նուրբ իրավիճակը պահանջում է զսպւածութիւն բոլորի կողմից, որպէսզի կանխւի բռնութիւնների էսկալացիան, արիւնահեղութեան աճը եւ մարդու իրաւունքների աղէտը,- նշւում է միջազգային կազմակերպութեան յայտարարութեան մէջ:

 

ՏԵՂԵԿԱՆՔ

Հայ Յեղափոխական Դաշնակցութիւնը 1996 թ. սեպտեմբերին կրկին դարձաւ Սոցիալիստական Ինտերնացիոնալի անդամ, որին կուսակցութիւնը առաջին անգամ անդամագրւել էր 1907 թ.: 2003 թ. ՀՅԴ-ն դարձաւ Սոցինտերնի լիիրաւ անդամ` դառնալով ԱՊՀ երկրներում միակ կուսակցութիւնը, որն ունի այդպիսի կարգավիճակը: Սոցինտերնի 13-րդ համագումարում, որը կայացել է 2008 թ. յունիսին Աթենքում, դաշնակցական Մարիա Թիթիզեանն ընտրւեց կազմակերպութեան փոխնախագահ: Սոցինտերնի խորհուրդը 2008 թ. նոյեմբերին Մեխիկոյում ընտրեց ՀՅԴ Բիւրոյի անդամ Մարիօ Նալբանդեանին Սոցինտերնի ԱՊՀ, Կովկասի եւ Սեւ ծովի յանձնախմբի համանախագահ, ով այժմ հանդիսանում է Սոցինտերնի փոխնախագահը: ՀՅԴ Կանանց խումբը Կանանց Սոցինտերնի անդամ է: ՀՅԴ երիտասարդական կազմակերպութիւնը` ՀԵԴ-ն, Երիտասարդ Սոցիալիստների Միջազգային միութեան անդամ է եւ Սոցիալիստ Երիտասարդների Եւրոպական համայնքի դիտորդ անդամ։

Յարակից լուրեր

  • Ակնարկ. Քրտաթափուող տարածքներ եւ սուրիական ուժերու տեղակայումներ
    Ակնարկ. Քրտաթափուող տարածքներ եւ սուրիական ուժերու տեղակայումներ

    Թրքական ներխուժումը` Սուրիա, արդէն իսկ սկսած է ենթարկուիլ որոշ ձեւափոխումներու: Ամերիկեան լքումին եւ ռուսական լռութեան միջեւ զօրքերը դէպի Սուրիա տեղաշարժած Թուրքիան այժմ իր յայտարարողական յոխորտանքներուն ոչ համարժէք իրավիճակի մէջ սկսած է յայտնուիլ: Յստակ է սուրիական զօրքերու տեղաշարժը դէպի հիւսիս` Թուրքիոյ հետ սահմանին երկայնքով:

  • Ովքե՞ր են պատրաստ կռուելու... եւ ի՞նչ բանի համար
    Ովքե՞ր են պատրաստ կռուելու... եւ ի՞նչ բանի համար

    Հիւսիսային Սուրիոյ կնճիռը անգամ մը եւս կը դրսեւորէ մեծապետական ուժերու կարելիութիւններն ու դիտաւորութիւնները տարածաշրջանի կացութեան լուծում կարենալ բերելու եւ միաժամանակ իրենց շահերը ապահովելու դժուարին խնդրին մէջ։ Երեւոյթները ցոյց կու տան, որ ո՛չ ԱՄՆ եւ ո՛չ Ռուսաստան տրամադրութիւն ունին մխրճուելու տարածաշրջանային այս ճահիճին մէջ։ Բայց նաեւ ո՛չ ԱՄՆ եւ ո՛չ Ռուսաստան պերճանքը ունին քաղաքական այս ճահիճէն հեռու մնալու տրուած ըլլալով, որ անոնք կենսական շահեր ունին տարածաշրջանին մէջ եւ պատրաստ չեն մէկզմէկու զիջելու իրենց ռազմավարական դիրքերը։

  • «Անկարան ուզում է քաղաքական լուրջ դերակատարում ունենալ Սիրիայի հիւսիսում». արաբագէտ
    «Անկարան ուզում է քաղաքական լուրջ դերակատարում ունենալ Սիրիայի հիւսիսում». արաբագէտ

    Թուրքիան ցանկանում է Սիրիայի հիւսիսում ձեւաւորել ռազմավարական նշանակութեան պատնէշ, որը փաստացի բաժանելու է Սիրիայի եւ Թուրքիայի քրդերին։

  • Դոկտ. Նորա Արիսեան սուրիական խորհրդարանին մէջ կ՛անդրադառնայ թրքական զինուորական գործողութեան
    Դոկտ. Նորա Արիսեան սուրիական խորհրդարանին մէջ կ՛անդրադառնայ թրքական զինուորական գործողութեան

    Սուրիոյ խորհրդարանի երեսփոխան, Սուրիա-Հայաստան խորհրդարանական բարեկամական յանձնախումբի նախագահ դոկտ. Նորա Արիսեան խորհրդարանի 13 հոկտեմբեր 2019-ի ելոյթին մէջ անդրադարձած է Թուրքիոյ կողմէ հիւսիսային Սուրիոյ մէջ շղթայազերծուած զինուորական գործողութիւններուն:

  • Թուրքիայի օսմանեան մտածելակերպը աշխարհին ներկայացնելը բոլորիս գործն է
    Թուրքիայի օսմանեան մտածելակերպը աշխարհին ներկայացնելը բոլորիս գործն է

    Հայաստանը միջազգային քաղաքականութեան մէջ իր գործնական դերակատարութիւնը պէտք է ունենայ Սիրիա թուրքական ներխուժման հարցով` ի նպաստ Սիրիայի ժողովրդի, Սիրիայի կառավարութեան։ Նման տեսակէտ News.am-ի հետ զրոյցում յայտնեց Սիրիայի խորհրդարանի հայ պատգամաւոր Ժիրայր Ռէիսեանը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։