Հա

Քաղաքական

18/04/2018 - 09:50

Հանրապետութեան նախագահ. «Օրհասական պահերին Բանակը մշտապէս ցուցադրել է իր պատրաստւածութիւնը»

Հանրապետութեան նախագահ դոկտ. Հասան Ռոհանիի ներկայութեամբ, այսօր՝ առաւօտեան մեկնարկել է Բանակի օրւան նւիրւած զինւորական շքերթը:

«alikonline.ir» - Հանրապետութեան նախագահ դոկտ. Հասան Ռոհանիի ներկայութեամբ, այսօր՝ առաւօտեան մեկնարկել է Բանակի օրւան նւիրւած զինւորական շքերթը:

Օրւայ առիթով ելոյթով հանդէս է եկել Հանրապետութեան նախագահը՝ նշելով, որ պատերազմի դաշտում կամ խաղաղ պայմաններում ժողովրդին ծառայելու ասպարէզում Բանակն ու Իսլ. յեղափոխութեան պահակազօրը ուս ուսի ցուցաբերել են իրենց նւիրւածութիւնը՝ Հայրենիքին:

«Յեղափոխութեան սկզբից մինչ օրս, հպարտութիւն, սխրագործութիւն եւ դիմադրութիւն իմացութիւնները զուգակցւել են Բանակի եւ նրա նւիրեալների անւան հետ: Բանակն իր կարգապահութեամբ, պատրաստւածութեամբ, նւիրւածութեամբ եւ ժամանակակից զինատեսակներով Իրանի Իսլամական Հանրապետութեան համար պաշտպանական եւ կանխարգելիչ հզօր ուժ է համարւել»,- ասել է դոկտ. Ռոհանին՝ յաւելելով, որ Սահմանադրական օրէնքի համաձայն, ԶՈՒ-ն կոչւած է պահպանելու համակարգը, երկրի անկախութիւնն ու տարածքային ամբողջականութիւնը, իսկ բանակը այդ պարտաւորութիւնների լիարժէք կատարումը դարձրել է իր գլխաւոր նպատակը:

Հանրապետութեան նախագահը յատուկ ընդգծել է, որ օրհասական պահերին բանակը մշտապէս ցուցադրել է իր պատրաստւածութիւնը՝ ապացուցելով, որ հզօր յենարան է թշնամիների դաւադրութիւններին դիմակայելու համար:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։