Հա

Քաղաքական

09/04/2019 - 15:10

«Պահակազօրի դէմ ԱՄՆ խարդաւանքներն ապարդիւն են անցնելու». Իսլ. յեղափոխութեան առաջնորդ

Իսլ. յեղափոխութեան առաջնորդ այաթ. Սէյէդ Ալի Խամենէին, Իսլ. յեղափոխութեան պահակազօրի օրւայ առիթով, այսօր՝ ապրիլի 9-ին ընդունել է Պահակազօրի մի խումբ զինւորականներին եւ նրանց ընտանիքների անդամներին:

«alikonline.ir» - Իսլ. յեղափոխութեան առաջնորդ այաթ. Սէյէդ Ալի Խամենէին, Իսլ. յեղափոխութեան պահակազօրի օրւայ առիթով, այսօր՝ ապրիլի 9-ին ընդունել է Պահակազօրի մի խումբ զինւորականներին եւ նրանց ընտանիքների անդամներին: Տեղեկացնում է ԻՌՆԱ-ն:

Իր ելոյթում Իսլ. յեղափոխութեան առաջնորդն անդրադառնալով Պահակազօրի նկատմամբ ԱՄՆ ընդգծւած թշնամանքին, դա պայմանաւորել է առանցքային այն դերակատարութեամբ, որն ունեցել է այդ կառոյցը երկրի եւ յեղափոխութեան պաշտպանութեան գործում:

«ԱՄՆ-ն եւ մեր անմիտ թշանամիները 40 տարի է, ինչ ջանք չեն խնայել Իսլմական Հանրապետութեան դէմ պայքարի գործում, սակայն՝ ապարդիւն: Այսօր, առաւել քան երբեւէ, յեղափոխութիւնը եւ Իսլամական համակարգը ոչ միայն տարածաշրջանում, այլ, նաեւ, ողջ աշխարհում մանեւրի հնարաւորութիւն են ստացել»,- ասել է այաթ. Խամենէին՝ յաւելելով. «Ամերիկացիները Պահակազօրի, բայց իրականում՝ Իրանի եւ յեղափոխութեան դէմ դաւեր են նիւթում, որոնք, վստահաբար, ապարդիւն են անցնելու: Թրամփն ու ԱՄՆ վարչակազմի շուրջ համախմբւած անմիտները դէպի կործանում են շարժւում»:

Իսլ. յեղափոխութեան առաջնորդը խօսելով յեղափոխութեան յաղթանակից ի վեր, Իրանի դէմ գործադրւող ամենատարբեր բնոյթի ճնշումների մասին, նշել է, որ ի հեճուկս թշնամիների, այդ բոլորն ապարդիւն են անցել, եւ Իրանի Իսլամական Հանրապետութիւնը շարունակել է իր յաղթական երթը:

Այաթ. Խամենէին այս ընթացքի շարունակականութիւնը պայմանաւորել է բոլորի կողմից պարտականութեան գիտակցութեան եւ դրա գործադրմամբ, ընդգծելով. «Յեղափոխութիւնն անկասկած առաջ է շարժւելու, սակայն բոլորն անխտիր պէտք է գիտակցեն, թէ ինչ դեր է վերապահւած իրենց այս ընթացքում, ու հետեւելով կրօնական սրբերի եւ լուսահոգի Էմամի օրինակներին, Աստծոյ ճանապարհին կատարեն իրենց ստանձնած պարտաւորութիւնները»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։