Հա

Քաղաքական

11/06/2019 - 14:30

Իսլ. պահակազօրը հերքել է պահակազօրի մի քանի գեներալների ձեռբակալութեան եւ փախստի մասին լուրերը

Պահակազօրի խօսնակ գեներալ-մայոր Ռամազան Շարիֆը հերքել է պահակազօրի մի քանի գեներալի փախստի եւ ձեռբակալութեան մասին լուրերը:

«alikonline.ir» - Պահակազօրի խօսնակ գեներալ-մայոր Ռամազան Շարիֆը հերքել է պահակազօրի մի քանի գեներալի փախստի եւ ձեռբակալութեան մասին լուրերը: Այս մասին տեղեկացնում է ԻՍՆԱ-ն:

Իսլ. յեղափոխութեան պահակազօրի խօսնակը թշնամիների նման գործողութիւնները դիտարկում է պահակազօրի օրեցօր աւելացող համբաւի եւ այդ կառոյցի հրամանատարներից թշնամու վրէժխնդրութեան համատեքստում:

Ըստ գեներալ Շարիֆիի Իսլ. յեղափոխութեան պահակազօրին ահաբեկիչական կազմակերպութիւնների ցանկում ընդգրկելու ԱՄՆ-ի որոշումը մէկ անգամ եւս փաստեց, այդ երկրի սատանայական գործողութիւնների եւ նպատակների մասին:

Պահակազօրի խօսնակը պատասխանելով այն հարցին, թէ ինչով է պայմանաւորւած թշնամու վերջերս աւելացած ապատեղեկատւութիւնների տարածման գործողութիւնները նշել է. «Իսլ. յեղափոխութեան պահակազօրի նկատմամաբ ԱՄՆ-ի քինախնդրութիւնն ու թշնամական գործողութիւնները պայմանաւորւած են, այդ երկրի նկատմամբ միջազգային կառոյցների եւ հանրութեան բազմաթիւ քննադատական արձագանքներով, որոնք ուղղւած են եղել ի պաշտպանութիւն պահակազօրի»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։