Հա

Մարզական

07/02/2019 - 10:10

Մխիթարեանը` ֆուտբոլի, լեզուների իմացութեան եւ այլնի մասին. ֆուտբոլիստի օնլայն հարցազրոյցը

Հայաստանի ազգային հաւաքականի եւ Լոնդոնի «Արսենալ»-ի կիսապաշտպան Հենրիխ Մխիթարեանը «Reddit»-ում պատասխանել է երկրպագուների հարցերին:

«alikonline.ir» - Հայաստանի ազգային հաւաքականի եւ Լոնդոնի «Արսենալ»-ի կիսապաշտպան Հենրիխ Մխիթարեանը «Reddit»-ում պատասխանել է երկրպագուների հարցերին:

Հայ ֆուտբոլիստն իր օնլայն հարցազրոյցի մասին նշել է նաեւ թւիթերեան իր միկրոբլոգում: Տեղեկացնում է «Sputnik» Արմենիան:

 

- «Խաղի ընթացքում միշտ առաջնորդւում էք նախապէս մշակած մարտավարութեա՞մբ, թէ՞ փորձում էք ձեւաւորել սեփականը»,- հարցրել են Մխիթարեանին:

- «Խաղից առաջ գլխում ունեմ նախապէս ծրագրած նախագիծ, սակայն միշտ չէ, որ դրանք աշխատում են այնպէս, ինչպէս նախատեսել էի: Դրա համար պէտք է շատ արագ մտածել եւ հնարաւորինս շուտ որոշում կայացնել: Եթէ միայնակ ես եւ կանգնած է մրցակցի պաշտպանը, մտածելու շատ ժամանակ չունես: Աշխատել եմ 10 մարզիչների գլխաւորութեամբ: Բոլորը տարբեր էին: Շատ բան եմ սովորել նրանցից: Շնորհակալութիւն իւրաքանչիւրին: Սա մեծ փորձ էր»,- ասել է Մխիթարեանը:

 

- Խաղացել էք տարբեր դիրքերում: Որ դիրքում էք խնդիրներ ունեցել եւ որ դիրքն է Ձեզ աւելի հոգեհարազատ,- շարունակւել է օնլայն հարցազրոյցը:

- Ինձ աւելի շատ դուր է գալիս հանդէս գալ կենտրոնում, սակայն եզրերում խաղալիս շարժւում եմ այլ մարտավարութեամբ: Կարեւորն այն է, որ խաղում ես ու կարեւոր չէ, թէ որ դիրքում: Պարզապէս, ցանկանում եմ որքան հնարաւոր է շատ օգնել թիմին, որպէսզի հայրենակիցներս հպարտանան ինձնով:

 

- Ինչպիսին էր Ձեր արձագանգը, երբ իմացաք, որ Օբամէյանգը միանալու է «Արսենալ»-ին: Պատմէք, խնդրում եմ, «Yo Pierre!» տեսանիւթի ամբողջ պատմութիւնը:

- Երբ ես նկարահանեցի այդ տեսանիւթը, նա դեռ 100 տոկոսով չէր տեղափոխւել «Արսենալ»: Պարզապէս տեղափոխւելու դէպքում ցանկանում էինք նմանատիպ տեսանիւթ ունենալ: Երբ լսեցի, որ նա տեղափոխւում է, պարզապէս ասացի` հէյ, Պիէր, դու ուզո՞ւմ ես տեղափոխւել:

 

- Ըստ Ձեզ` 7 լեզւի տիրապետելն օգնո՞ւմ է հանդերձարանում, թէ՞ բոլորի հետ շփւում էք անգլերէնով:

- Լաւ է, որ տիրապետում ես տարբեր լեզուների, սակայն դա երբեմն շփոթեցնում է: Երբ դու ցանկանում ես տւեալ լեզւով համապատասխան բառ գտնել` խճճւում ես: Դժւար է իմանալ տարբեր լեզուներ:

 

- Որքա՞ն ժամանակ էք տրամադրում ֆուտբոլին:

- Ես շատ եմ մտածում ֆուտբոլի մասին: Մտածում եմ, թէ ինչ եմ արել մարզումների ժամանակ: Ինչն էր վատ եւ ինչն էր լաւ: Մտածում եմ, թէ ինչպէս կարող եմ աւելի լաւ անել: Ֆուտբոլային շատ հանդիպումներ եմ դիտում: Չեմ կարծում, որ մարզման ժամանակ կարող եմ դա անել, այդ պատճառով յետոյ եմ մտածում: Մարզման եւ հանդիպումների ժամանակ ամէն ինչ շատ արագ է կատարւում:

Վերադառնալով իր մի քանի լեզուներ իմանալուն` Մխիթարեանը նշել է, որ ամենաբարդն իր համար գերմաներէնն է, քանի որ այն սովորել է ինքնուրոյն: «Արել եմ դա թիմակիցներիս եւ մարդկանց հետ աւելի հեշտ շփւելու համար: Ամենահեշտը հայերէնն է, քանի որ իմ մայրենի լեզուն է: Դպրոցում ուշադրութիւն չեմ դարձրել անգլերէնի վրայ, քանի որ սովորել եմ ֆրանսերէն: Եւրոպական ակումբ տեղափոխւելու երազանքի հետ մէկտեղ սկսել եմ անգլերէն սովորել»,- ասել է Մխիթարեանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։