«Ալիեւն ու Էրդողանն ահաբեկիչներ են»
Բողոքի ակցիա՝ Ռոնալդ Ռէյգանի անւան նախագահական գրադարանի մօտ
«Ալիեւն ու Էրդողանն ահաբեկիչներ են», «Ադրբեջանն ու Թուրքիան՝ ահաբեկիչ երկրներ», «Ամօթ Բայդէնին ու իր ողջ աշխատակազմին», «Հանրապետականներ խօսէ՛ք»,- նմանատիպ կարգախօսերով Լոս Անջելէսի Հայ Երիտասարդաց Դաշնակցութիւնը բողոքի ակցիա իրականացրեց Ռոնալդ Ռէյգանի անւան նախագահական գրադարանի մօտ, որտեղ սպասւում է ԱՄՆ նախագահական ընտրութիւններին մասնակցող Հանրապետական կուսակցութեան թեկնածուների աւանդական հեռուստաբանավէճը:
Բանախօսները յայտարարեցին, որ ԱՄՆ նախագահ Ջօ Բայդէնն իր լռութեամբ յանցակից է դարձել Արցախի հայերի դէմ իրականացւող ցեղասպանութեանը: Իսկ Հանրապետական թեկնածուներին կոչ արւեց բարձրաձայնել իրենց դիրքորոշումները՝ Արցախի դէմ Ադրբեջանի ու Թուրքիայի սանձազերծած ցեղասպանական գործողութիւնների մասին: Ամօթանքի խօսքեր հնչեցւեցին նաեւ այս օրերին Հայաստանում գտնւող ԱՄՆ միջազգային զարգացման գործակալութիւն ղեկավար Սամատ Փաուերի հասցէին:
«Alphanews.am»
