Հա

Օրակարգ

03/08/2016 - 12:30

Դեմիրթաշ.- «Էրդողանը բաց թողեց խաղաղութեան հասնելու բացառիկ հնարաւորութիւնը»

Թուրքիայում, ռազմական յեղաշրջման ձախողած փորձից յետոյ, խորհրդարանում ներկայացւած չորս կուսակցութիւնները հանդէս եկան դատապարտող համատեղ յայտարարութեամբ, ինչը մարմնաւորում էր ազգային միասնութիւնը՝ ռազմական յեղաշրջման դէմ:
Սակայն, երբ, նախագահ Թայիբ Էրդողանը հանդիպեց իշխող եւ ընդդիմադիր կուսակցութիւնների առաջնորդների հետ, հիւրերի թւում բացակայում էր քրդամէտ «Ժողովրդների դեմոկրատական» (ԺԴԿ) կուսակցութեան առաջնորդի անունը:

«ԱԼԻՔ» - Թուրքիայում, ռազմական յեղաշրջման ձախողած փորձից յետոյ, խորհրդարանում ներկայացւած չորս կուսակցութիւնները հանդէս եկան դատապարտող համատեղ յայտարարութեամբ, ինչը մարմնաւորում էր ազգային միասնութիւնը՝ ռազմական յեղաշրջման դէմ:
Սակայն, երբ, նախագահ Թայիբ Էրդողանը հանդիպեց իշխող եւ ընդդիմադիր կուսակցութիւնների առաջնորդների հետ, հիւրերի թւում բացակայում էր քրդամէտ «Ժողովրդների դեմոկրատական» (ԺԴԿ) կուսակցութեան առաջնորդի անունը:
Էրդողանը, ընդդիմադիր «Ժողովրդա-հանրապետական» եւ «Ազգային շարժում» կուսակցութիւնների առաջնորդներին հրաւիրել է մասնակցելու օգոստոսի 7-ին Ստամբուլում կայանալիք «Ժողորդավարութիւն եւ նահատակների մեծարում» հանրահաւաքին: Հրաւիրեալների ցուցակից դարձեալ բացակայում է քրդամէտ կուսկացութեան առաջնորդի անունը:
ԺԴԿ-ի համանախագահ Սալահէդդին Դեմիրթաշի կարծիքով՝ Էրդողանը բաց է թողել յետյուլիս 15-եան հնարաւորութիւնը՝ երկրի քրդաբնակ շրջաններում լարւածութեանը վերջ տալու համար: Այս մասին նա յայտարարել է «BBC»-ի հետ զրոյցի ընթացքում՝ նշելով, որ Էրդողանը չունի որեւէ ցանկութիւն քրդերի հետ խաղաղութեան գործընթացը վերականգնելու համար, քանզի նրան մտահոգում է ազգայնական շրջանակների քւէի կորուստը:
Յետյուլիս15-եան շրջանում, երկրում կայունութեան հաստատման համար, Դեմիրթաշը կարեւորել է Թուրքիայի արեւելեան շրջաններում խաղաղութեան վերականգնումը, որը, ըստ նրա՝ հետագայում կը կանխի ռազմական յեղաշրջման հնարաւորութիւնը:
Դեմիրթաշին, սակայն, մտահոգում է այն իրողութիւնը, որ Էրդողանը քայլում է հակառակ ուղղութեամբ: Դրա վառ ապացոյցը նա համարում է երկրում արտակարգ դրութեան մտցնումը, որը իրականացւում է ապստամբների դէմ պայքարի, եւ երկրի վարչական ու զինւորական կառոյցների մաքրագործման պատրւակով:
Քուրդ գործիչը տեղեկացրել է, որ Թուրքիայում արտակարգ իրավիճակի հաստատումից յետոյ, իրավիճակն աւելի է վատացել երկրի արեւելեան շրջաններում:
Ըստ նրա՝ կառավարութեան մօտ բացակայում է քաղաքական բաւարար կամք եւ քաջութիւն՝ վերականգնելու քրդերի հետ խաղաղութեան գործընթացը:
«Երկխօսութեան մեկնարկի համար մենք միշտ էլ պատրաստ ենք: Առաջին քայլը վերցնելու համար մենք ունենք բաւարար քաջութիւն: Սակայն, իր հրաժարականի նախօրէին, Դաւութօղլուն մերժեց երկխօսութեան մեր առաջարկը, որից յետոյ կառավարութեան նոր կազմից ու իշխող կուսակցութիւնից ոչ ոք չխօսեց քրդերի հետ խաղաղութեան մասին: Նրանք չունեն այդ քաջութիւնը: Կառավարութիւնը չի ցանկանում խօսել այդ մասին»:
Հաշւի առնելով ներկայ վիճակը, Դեմիրթաշը կարծում է, թէ տեսանելի ապագայում անիմաստ է խօսել Թուրքիայում խաղաղութեան ու կայունութեան վերականգնման մասին: Այդուհանդերձ, դա չի նշանակում, որ նման հնարաւորութիւնը բացառւած է:

Յարակից լուրեր

  • Եւրոխորհրդարանը Թուրքիային կոչ է արել ազատ արձակել ընդդիմադիրներ Քաւալային եւ Դեմիրթաշին
    Եւրոխորհրդարանը Թուրքիային կոչ է արել ազատ արձակել ընդդիմադիրներ Քաւալային եւ Դեմիրթաշին

    Եւրոխորհրդարանի արտաքին կապերի հարցերով յանձնաժողովը թուրքական իշխանութիւններին կոչ է արել բանտից ազատ արձակել ընդդիմադիր գործիչներ Օսման Քաւալային եւ Սելահաթին Դեմիրթաշին:

  • Ակնարկ. Իտլիպը եւ ռուսական արգելակները
    Ակնարկ. Իտլիպը եւ ռուսական արգելակները

    Սուրիական բանակի ռազմավարական նշանակութիւն ունեցող տեղաշարժերը ոչ միայն գետնի վրայ իրավիճակային փոփոխութիւն յառաջացուցած են, այլ նաեւ զգալիօրէն փոխած խաղին կանոնները: Սուրիական զինեալ ուժերը տարածքներ կը մաքրազտեն ահաբեկիչ տարրերէ եւ կը ձգտին Իտլիպի ամբողջական ազատագրումին: Դամասկոս-Հալէպ մայրուղիի թէ Հալէպի օդակայանի վերահսկումով սուրիական պաշտօնական բանակը տիրական ներկայութիւն կը վերահաստատէ այդ շրջանի կարեւորագոյն կէտերուն վրայ:

  • ՀՅԴ ներկայացուցիչը մասնակցել է Թուրքիայի HDP կուսակցութեան 4-րդ համագումարին
    ՀՅԴ ներկայացուցիչը մասնակցել է Թուրքիայի HDP կուսակցութեան 4-րդ համագումարին

    Փետրւարի 23-ին, Անկարայում տեղի ունեցաւ Թուրքիայի Ժողովուրդների ժողովրդավարական կուսակցութեան (HDP) հերթական 4-րդ համագումարը, որին մասնակցեցին հազարաւոր պատգամաւորներ, իսկ հազարաւորներն էլ զրկւած են մասնակցութիւնից՝ Թուրքիայի իշխանութիւնների կողմից հարուցւած արհեստական արգելքների պատճառով։

  • Վրացի փորձագէտն առաջարկում է ամերիկեան բազան Ինջիրլիքից Վրաստան տեղափոխել
    Վրացի փորձագէտն առաջարկում է ամերիկեան բազան Ինջիրլիքից Վրաստան տեղափոխել

    Բախւելով վերջին տարիներին ռազմավարական տարբերւող շահերի հետ՝ կապւած տարածաշրջանում Թուրքիայի ու Իրանի աճող ազդեցութեան հետ, Վաշինգտոնին անհրաժեշտ է վերանայել ԱՄՆ աւիաբազան Թուրքիայից Վրաստան տեղափոխելու հարցը:

  • Նշմար. Բարացուցական խօսք եւ անհեթեթ փորձ
    Նշմար. Բարացուցական խօսք եւ անհեթեթ փորձ

    Իտլիպի մէջ Թուրքիա-Ռուսիա լարուածութիւնը կը գտնուի բարձր մակարդակի վրայ: Դէպքերը կը զարգանան արագօրէն եւ ի վնաս թրքական կողմին: Թուրքիոյ պաշտպանութեան նախարարի «Իտլիպի մէջ հարցը կրնայ լուծուիլ, եթէ Ռուսիան մէկ կողմ կանգնի» անհեթեթ խօսքը լաւագոյնս կ՛արտայայտէ թրքական կողմին անճրկութիւնն ու յուսահատութիւնը, սակայն ասիկա այդ մասին միակ վկայութիւնը չէ, այլ գոյութիւն ունին այդ իրողութիւնը հաստատող նոյնքան խօսուն այլ օրինակներ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։