Հա

Օրակարգ

28/04/2019 - 14:30

Կրկնակի վնասներից խուսափելու ելքը... (1)

Ապրիլեան վերջին տասնօրեակի կրօնա-աւանդական տօներին, ինչպէսեւ համազգային պահանջատիրութեանը նւիրւած ժողովրդական համախմբումներին իրանահայ երեք թեմերի աւանդապաշտ ու գիտակից հասարակայնութեան բոլոր խաւերի մասնակցութիւնն, ինչ խօսք, դրւատանքի է արժանի: Չէ՞, որ առհասարակ հասարակայնութիւններում (համայնք լինի դա, թէ՝ պետութիւն), միասնականութեան որեւիցէ երեւոյթ կամ դրսեւորում տւեալ հաւաքականութեան կենսունակութեան չափանիշն ու ապացոյցն է հանդիսանում…:

Դ. Մ.

 

Ապրիլեան վերջին տասնօրեակի կրօնա-աւանդական տօներին, ինչպէսեւ համազգային պահանջատիրութեանը նւիրւած ժողովրդական համախմբումներին իրանահայ երեք թեմերի աւանդապաշտ ու գիտակից հասարակայնութեան բոլոր խաւերի մասնակցութիւնն, ինչ խօսք, դրւատանքի է արժանի: Չէ՞, որ առհասարակ հասարակայնութիւններում (համայնք լինի դա, թէ՝ պետութիւն), միասնականութեան որեւիցէ երեւոյթ կամ դրսեւորում տւեալ հաւաքականութեան կենսունակութեան չափանիշն ու ապացոյցն է հանդիսանում…:

Միաժամանակ, սակայն, խորհելու եւ ինչու չէ նաեւ մտահոգւելու տեղիք են տալիս նոյն կենսունակ հանրութեանը արդէն տեւական ժամանակ սպառնացող բնական թէ՛ արհեստական այն մարտահրաւէրները, որոնք, ճիշտ է, համերկրային մասշտաբում են, բայցեւայնպէս՝ մեզ նման հանրոյթներին, որպէս «կրօնական փոքրամասնութիւն», կրկնակի վնասներ կրելու առջեւ է կանգնեցնում:

Բոլորի համար պարզ է ու ակներեւ համերկրային մակարդակով տնտեսական օրըստօրէ խորացող ու ահագնացող ճգնաժամի բացասական հետեւանքները, որոնք առաջնահերթաբար կրում են հէնց հասարակական լայն խաւերն ու ժողովուրդը:

Ինչ վերաբերում է երկրի համընդհանուր դժւարութիւններին, պէտք է յուսանք, որ պետութեան այրերն ու կառավարիչները նոյն ժողովրդի նեցուկով՝ խելամտօրէն յաղթահարեն համապատասխանաբար թէ՛ ներքին, եւ թէ՛ արտաքին տնտեսաքաղաքական զգայացունց մարտահրաւէրները…: Մարտահրաւէրներ, որոնք, ճիշտ է՝ առաջին հերթին ակնբախ են տարաբնոյթ պատժամիջոց-սանկցիաների տեսքով եւ ապա՝ ներքին մասշտաբով, որին համարժէք անհրաժեշտ է ազգային միասնականութեան հիմքի վրայ՝ հասարակա-տնտեսական առողջ միջավայրի շուտափոյթ վերականգնումը՝ բանիմաց, նւիրւած ու ժողովրդական վստահութիւն վայելող սրտցաւ ուժերի ներգրաւմամբ:

Ի վերջոյ, արտաքին վտանգների ու սպառնալիքների դիմագրաւման ու յաղթահարման հիմնաւոր զէնքն ու գործօնը, ոչ միայն դիւանագիտական-քաղաքական ու առաւել եւս՝ զինական հնարքներն են, այլ եւ մանաւանդ ազգային ու ժողովրդային նեցուկը, վստահութիւնն ու համախմբումը՝ պետականութեան անխոցելիութեան եւ ամրակայման ուղղութեամբ:

Մեր՝ հայկական համայնքի օրախնդիր հարցերի շուրջ յարգելի ընթերցողի հետ կը փորձենք կիսւել յաջորդ համարում…:

Յարակից լուրեր

  • Մայիսեան յաղթանակների գաղափարա-քաղաքական մշտանորոգ պատգամը…
    Մայիսեան յաղթանակների գաղափարա-քաղաքական մշտանորոգ պատգամը…

    Առնւազն անցնող հարիւրամեակում Հայաստան երկրի ու Հայաշխարհի համար մշտապէս «Յաղթանակների ամիս» նշանաւորւող ՄԱՅԻՍ-ը, ինչպէս երբեւէ, այս տարի եւս մուտքագրւեց Մայիսմէկեան՝ աշխատաւորութեան փառապանծ տօնով…

  • «Լռութեան» աղաղակող ձայնը…
    «Լռութեան» աղաղակող ձայնը…

    Յարգելի ընթերցողները հաստատապէս արդէն իրազեկւած են, որ Հայոց Ցեղասպանութեան 105-րդ տարելիցին նւիրւած ոգեկոչման ու պահանջատիրական համայնքային ձեռնարկներն ու միջոցառումները կայանալու են ամենեւին նոր իրավիճակի՝ կորոնավիրուսից բխող արտակարգ դրութեան պայմաններում…

  • Կորոնան եւ իրանահայ համայնքը... (2)
    Կորոնան եւ իրանահայ համայնքը... (2)

    Եւ այսպէս, ահա, համաշխարհային ընտանիքի հետ բազմադարեայ Իրանն ու նրա անբաժան մասնիկ հինաւուրց իրանահայութիւնը եւս 2020 թ.-ի տարեմուտին դէմ-յանդիման կանգնեց նոր ու ինչ որ տեղ առեղծւածային համաճարակ՝ «կորոնավիրուսին»…:

  • ԽՕՍՔ-1 - Կորոնան եւ մարդկային արժէքների վերաիմաստաւորումը...
    ԽՕՍՔ-1 - Կորոնան եւ մարդկային արժէքների վերաիմաստաւորումը...

    Շուրջ մէկամսեայ պարտադրեալ դադարից յետոյ, նորից Ձեզ հետ ենք «Ալիք»-ի սիրելի ընթերցողներ...

    Իրանահայ միակ օրաթերթի 89-ամեայ կենսագրութիւնում հազւադէպ դադարներից էր այս վերջինը, երբ Նոռուզեան երկշաբաթեայ արձակուրդին հարկադրաբար աւելացաւ չարաբաստիկ կորոնայի համաճարակի բերումով «տնային արձակուրդը» եւս: Նման հարկադրանքի ենթարկւեց համաշխարհային ընտանիքը, թեւակոխած իր 3-րդ հազարամեակի 20-ական թւականի նորամուտ էջում արձանագրելով կորոնայական համաճարակի «Պանդեմիան»:

  • Ի խնդիր աւելի համերաշխ, մարդկային աշխարհի...
    Ի խնդիր աւելի համերաշխ, մարդկային աշխարհի...

    Եւ ահա, այսպէս, սիրելի ընթերցող, իրանական «Նոռուզի» շեմին եւ սկսեալ վաղւանից մինչեւ 15 օր թեւակոխում ենք հարկադիր՝ ոչ աշխատանքային փուլ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։