Հա

Օրակարգ

29/04/2019 - 14:40

Կրկնակի վնասներից խուսափելու ելքը… (2)

Մեր երէկւայ համարի նոյն այս սիւնակում ընդհանուր ակնարկ նետեցինք երկրի տնտեսական համընդհանուր ճգնաժամին ու դրանից բխող հետեւանքներին, որոնցից, ինչ խօսք՝ անմասն չի կարող լինել մեր համայնքը նաեւ: Ներկայումս, տնտեսական ճգնաժամի վատթարացող հեռանկարը պայմանաւորւած է՝ Իրանին նաւթային բլոկադայի օղակի առաւել ամուր սեղմմամբ ԱՄՆ-ի, Իսրայէլի եւ տարածաշրջանային արբանեակ երկրների համընթաց դերակատարմամբ:

Դ. Մ.

 

Մեր երէկւայ համարի նոյն այս սիւնակում ընդհանուր ակնարկ նետեցինք երկրի տնտեսական համընդհանուր ճգնաժամին ու դրանից բխող հետեւանքներին, որոնցից, ինչ խօսք՝ անմասն չի կարող լինել մեր համայնքը նաեւ: Ներկայումս, տնտեսական ճգնաժամի վատթարացող հեռանկարը պայմանաւորւած է՝ Իրանին նաւթային բլոկադայի օղակի առաւել ամուր սեղմմամբ ԱՄՆ-ի, Իսրայէլի եւ տարածաշրջանային արբանեակ երկրների համընթաց դերակատարմամբ: Երէկւայ մեր ակնարկում նոյնպէս համերկրային մարտահրաւէրից բխող վնասներից խուսափելու ելքը համարել էինք համընդհանուր ազգային ու ժողովրդական միասնութեանը յանգեցնող քաղաքականութիւնը, որն էլ աւելի է խթանելու դիւանագիտական ու քաղաքական հնարքները՝ դիմակայելու համար յատկապէս արտաքին տնտեսա-քաղաքական եւ հնարաւոր այլ… սպառնալիքները:

Գալով մեր ներհամայնքային իրավիճակին, պէտք է ասել, որ քաղաքացիական հանգամանքից բացի, որպէս հայ համայնքի անդամներ եւս ունենք պարտաւորութիւններ, որպէսզի աւելի կազմակերպւած ու նախապատրաստւած՝ դիմագրաւենք սեփական մարտահրաւէրները, որոնք այսպէս թէ այնպէս անդրադառնալու են մեր կենսունակութեանն ու դրանից բխող՝ նիւթա-բարոյական իրավիճակին:

Զորօրինակ, իրանահայ համայնքի հայաշատ Թեհրանի թեմում մօտալուտ օրերին Պատգամաւորական ժողովի կողմից կեանքի է կոչւելու նոր գործադիր մարմին՝ Թեմական խորհուրդ, որն էլ օրինաչափօրէն վերահասու է լինելու համայնքային տարաբնոյթ հարցերին, խնդիրներին ու դժւարութիւններին, որոնց խոշոր տոկոսի բարեյաջող լուծման պայմանները կայանում են նիւթական կարողականութեանց ապահովման մէջ: Հետեւաբար, Պատգամաւորական ժողովին հարկաւոր է նախ՝ աչքի առաջ ունենալով համայնքի առջեւ ծառացած դժւարութիւններն ու առաջնահերթութիւնները, մօտակայ եւ հեռակայ ծրագրային աշխատանքներ ուրւագծի եւ ապա՝ կեանքի կոչի գործադիր մարմիններ, սկսած Թեմական ու Կրթական խորհուրդներից ու Հաշւեքննիչ մարմնից, մինչեւ Եկեղեցական խորհուրդներն ու տարբեր կարգի միաւորներ…

Իսկ ամենակարեւորը՝ համայնքի (ներառեալ Ատրպատականի եւ Նոր Ջուղայի թեմեր) տնտեսական իրավիճակի կայունացմանն ու բարելաւմանը տանող հանգամանքները առաւել քան երբեւէ պէտք է, որ դառնայ սեւեռակէտ՝ մեր հինաւուրց համայնքի Ազգային մարմինների ու առհասարակ իշխանութիւնների մօտ:

Մենք, նախկիններում էլ, նոյն այս սիւնակով բազմիցս առաջարկութեամբ ենք հանդէս եկել համայնքիս երեւելիների, մասնագէտների ու յատկապէս տնտեսագէտների ներգրաւմամբ թէ՛ խորհրդակցական եւ թէ մասնագիտական հանդիպում-համաժողովներ կազմակերպելու օգտին, որտեղ լայն քննարկումների արդիւնքում հնարաւոր է դառնալու ինչպէս երկրի մասշտաբով տնտեսական ընդհանուր ճգնաժամի, այնպէս էլ՝ դրանից բխող համայնքային մարտահրաւէրների բնական թէ՛ արհեստական վնասները նւազագոյնի իջեցնել:

Յուսանք, որ նորընտիր մարմինները վերոգրեալը ի նկատի ունենալով՝ համապատասխան քայլեր կը ձեռնարկեն…:

Յարակից լուրեր

  • Մայիսեան յաղթանակների գաղափարա-քաղաքական մշտանորոգ պատգամը…
    Մայիսեան յաղթանակների գաղափարա-քաղաքական մշտանորոգ պատգամը…

    Առնւազն անցնող հարիւրամեակում Հայաստան երկրի ու Հայաշխարհի համար մշտապէս «Յաղթանակների ամիս» նշանաւորւող ՄԱՅԻՍ-ը, ինչպէս երբեւէ, այս տարի եւս մուտքագրւեց Մայիսմէկեան՝ աշխատաւորութեան փառապանծ տօնով…

  • «Լռութեան» աղաղակող ձայնը…
    «Լռութեան» աղաղակող ձայնը…

    Յարգելի ընթերցողները հաստատապէս արդէն իրազեկւած են, որ Հայոց Ցեղասպանութեան 105-րդ տարելիցին նւիրւած ոգեկոչման ու պահանջատիրական համայնքային ձեռնարկներն ու միջոցառումները կայանալու են ամենեւին նոր իրավիճակի՝ կորոնավիրուսից բխող արտակարգ դրութեան պայմաններում…

  • Կորոնան եւ իրանահայ համայնքը... (2)
    Կորոնան եւ իրանահայ համայնքը... (2)

    Եւ այսպէս, ահա, համաշխարհային ընտանիքի հետ բազմադարեայ Իրանն ու նրա անբաժան մասնիկ հինաւուրց իրանահայութիւնը եւս 2020 թ.-ի տարեմուտին դէմ-յանդիման կանգնեց նոր ու ինչ որ տեղ առեղծւածային համաճարակ՝ «կորոնավիրուսին»…:

  • ԽՕՍՔ-1 - Կորոնան եւ մարդկային արժէքների վերաիմաստաւորումը...
    ԽՕՍՔ-1 - Կորոնան եւ մարդկային արժէքների վերաիմաստաւորումը...

    Շուրջ մէկամսեայ պարտադրեալ դադարից յետոյ, նորից Ձեզ հետ ենք «Ալիք»-ի սիրելի ընթերցողներ...

    Իրանահայ միակ օրաթերթի 89-ամեայ կենսագրութիւնում հազւադէպ դադարներից էր այս վերջինը, երբ Նոռուզեան երկշաբաթեայ արձակուրդին հարկադրաբար աւելացաւ չարաբաստիկ կորոնայի համաճարակի բերումով «տնային արձակուրդը» եւս: Նման հարկադրանքի ենթարկւեց համաշխարհային ընտանիքը, թեւակոխած իր 3-րդ հազարամեակի 20-ական թւականի նորամուտ էջում արձանագրելով կորոնայական համաճարակի «Պանդեմիան»:

  • Ի խնդիր աւելի համերաշխ, մարդկային աշխարհի...
    Ի խնդիր աւելի համերաշխ, մարդկային աշխարհի...

    Եւ ահա, այսպէս, սիրելի ընթերցող, իրանական «Նոռուզի» շեմին եւ սկսեալ վաղւանից մինչեւ 15 օր թեւակոխում ենք հարկադիր՝ ոչ աշխատանքային փուլ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։