Հա

Համայնք

16/11/2019 - 14:20

Հ. Մ. «Արարատ» Կ.-ի հրաւէրով Թեհրան ժամանած Հայաստանի պարարւեստի «Բարեկամութիւն» պետական համոյթի բացառիկ ելոյթները աւարտւեցին

Հ. Մ. «Արարատ» կազմակերպութեան Արւեստից միութեան հրաւէրով Թեհրան ժամանած Հայաստանի պարարւեստի «Բարեկամութիւն» պետական համոյթը նոյեմբերի 14-ին եւ 15-ին, հանդիսատեսին հրամցրին պարարւեստի բացառիկ նմուշներ:

«ԱԼԻՔ», Կ. Դ. - Հ. Մ. «Արարատ» կազմակերպութեան Արւեստից միութեան հրաւէրով Թեհրան ժամանած Հայաստանի պարարւեստի «Բարեկամութիւն» պետական համոյթը նոյեմբերի 14-ին եւ 15-ին, հանդիսատեսին հրամցրին պարարւեստի բացառիկ նմուշներ:

Հ. Մ. «Արարատ» կազմակերպութեան «Կոմիտաս» սրահում ներկայացւած ելոյթներին մերթ ընդ մերթ պարային կատարումներով ելոյթ էին ունենում կազմակերպութեան «Արարատ» պարախումբը ղեկավարութեամբ Անահիտ Աւետեանի (Մանուկեան), իսկ վերջին պարը դարձաւ միասնականութեան պար՝ մասնակցութեամբ երկու խմբերի: Ելոյթները ուղեկցւում էին հանդիսատեսի բուռն ծափողջոյններով:

«Բարեկամութիւն» պետական համոյթի գեղարւեստական ղեկավարն է ՀՀ ժողովրդական արտիստ Նորայր Մեհրաբեանը, իսկ համոյթի տնօրէնը Արթուր Դանիէլեանը: Երեկոյին ընթերցւեց Նորայր Մեհրաբեանի յղած ուղերձը:

Յատկանշական է, որ չորեքշաբթի, նոյեմբերի 13-ին «Ալիք»-ը իր յարկի ներքոյ հիւրընկալեց «Բարեկամութիւն» պետական համոյթի տնօրէն Արթուր Դանիէլեանին եւ համոյթի գեղարւեստական կատարողներից Արսէն Աբգարեանին, ընկերակցութեամբ Հ. Մ. «Արարատ» կազմակերպութեան Կենտրոնական վարչութեան անդամ եւ Արւեստից միութեան կապ Ժորժ Աղայեանի: Հիւրերը մօտկից ծանօթացան օրաթերթի աշխատանքներին եւ այցելեցին տպարան: «Ալիք»-ի գլխաւոր խմբագիր Դերենիկ Մելիքեանը հիւրերի հետ հանդիպմանը ողջունեց նրանց այցը անդրադառնալով «Ալիք»-ի աշխատանքներին եւ առաքելութեանը, համայնքին հաղորդ պահելու տարւող աշխատանքներին եւ յաջողութիւն մաղթեց համոյթին իր երկօրեայ միջոցառումների իրականացման գործում: Խումբը այսօր մեկնեց Հայաստան:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։